吳謹言
吳謹言

《延禧》吳謹言大開金口!網民:仲好聽過明玉唱《囍帖街》

影視娛樂

廣告

《延禧攻略》喺香港真係紅到冇人有,十個有八個都追緊呢套劇。事關套劇除咗班演員好好戲之外,劇情嗰種勾心鬥角,你爭我奪真係好出色。最近有網民將劇中主角吳謹言以前唱歌嘅片瘋傳,唱得真係幾有水準。

來源:娛聞樂|圖片:劇照、weibo|編輯:heitung@Central

《延禧》吳謹言連唱歌都叻!

《延禧攻略》飾演魏瓔珞嘅吳謹言突然爆紅,更有網民將佢之前唱《烽火佳人》主題曲嘅片擺出嚟,真係聽出耳油。

吳謹言之前都有拍過唔少電視劇,包括《少年四大名捕》、《守護麗人》、《鳳囚凰》等,更喺2013年嘅《烽火佳人》中一人分飾兩角,演技備受肯定。

當年吳謹言為咗宣傳《烽火佳人》,仲上台大開金喉,唱《烽火佳人》主題曲。吳謹言聲音甜美動聽,真係拍得住啲專業歌手㗎,令到一班觀眾都聽出耳油。

呢條片喺網上瘋傳,唔少網友紛紛留言,讚佢唱得好好聽:「原來令妃娘娘歌聲這麼好聽!」、「可以去當歌手了」、「延禧入面唱歌最好聽嘅女星」。

唔講咁多,去片!

相關新聞:

《延禧攻略》不過仲係好有話題性,好似喺劇中飾演宮女「明玉」嘅姜梓新,除咗做戲好之外,原來佢唱歌都好好聽。最近有網民搵到佢翻唱謝安琪嘅《囍帖街》,又真係幾好聽嘅。

《延禧》明玉唱《囍帖街》

飾演宮女「明玉」嘅姜梓新,一開頭佢係富察皇后身邊嘅大宮女,後來就成為魏瓔珞嘅大宮女。喺戲入面佢係一個心直口快,相當善良嘅人。

翻唱謝安琪嘅《囍帖街》真係唱得幾好!

現實中嘅明玉真係好唱得,最近有網民搵到佢之前翻唱謝安琪嘅《囍帖街》,真係唱得幾好㗎,好多網民都大讚姜梓新唱得好,聽出耳油!

唔講咁多,一齊聽下姜梓新嘅唱功啦!

其實IU之前都有翻唱《囍帖街》,備受網民大讚,不過都有網民覺得姜梓新唱得好聽過IU。一齊重溫下IU唱《囍帖街》,你哋又覺得邊個唱得好聽啲呢?

姜梓新係音樂劇與影視表演專業科班出身,唱歌同專業歌手有得揮㗎!姜梓新成日自彈自唱,多才多藝。

姜梓新演技備受讚賞之餘,連《延禧》嘅編劇都大讚佢嘅外形同性格:「顏值純淨養眼,有滿族人的感覺,性格直來直往,十分貼近『明玉』這角色。」

其實姜梓新之前成日都喺鏡頭前大開金喉,好似唱過《當你》、《錯的人》等,唔止唱得好聽,人又靚,真係不得了!

https://www.youtube.com/watch?v=sMU3QKSW1ZE

最新吃喝玩樂資訊