香港小姐
香港小姐

港姐2022 │ 19名佳麗才藝表演 許子萱調酒有睇頭 梁超怡晒演技致敬佘詩曼

影視娛樂

廣告

星期日港姐決賽啦!早前TVB宣佈有5位佳麗受到感染,令2022香港小姐準決賽被迫押後至星期日在紅館舉行。TVB連續幾天推出19位佳麗的才藝表演短片,有佳麗唱歌跳舞、耍功夫、繪沙畫、調酒、講多國語言,更有佳麗表演叠杯,各出奇招!

1號徐麟(25歲) 才藝表演:多國語言

徐麟以德語、英語、普通話、廣東話介紹各地文化。有網民問點解都算係才藝表演?亦有人讚她講德語流利過廣東話,「其實她的身材唔錯,好均勻,又夠高,可惜講嘢唔掂」,更有網民指「好似非洲話」。

表演難度:4分(5分為最高)

香港小姐 1號徐麟以德語、英語、普通話、廣東話介紹各地文化,有網民問點解都算係才藝表演。
1號徐麟以德語、英語、普通話、廣東話介紹各地文化,有網民問點解都算係才藝表演。(圖片來源:[email protected]

2號林曉彤(25歲) 才藝表演:繪畫

林曉彤在短片說:「從事建築行業嘅我,性格爽朗直接,對化妝一竅不通,今次用一支眉筆一條線,去演繹我。」原來她是繪自畫像,網民留言讚:「OK啦,雖然我唔知佢畫咩!」、「其實我想知道她畫甚麼?畢加索後人嗎?太可愛了!」

表演難度:1分

香港小姐 林曉彤以眉筆繪自畫像,好文青呀!
林曉彤以眉筆繪自畫像,好文青呀!(圖片來源:[email protected]
香港小姐 林曉彤畫完後問:「似唔似我呀?」
林曉彤畫完後問:「似唔似我呀?」(圖片來源:[email protected]

3號陳瑞菱(25歲) 才藝表演:跳舞

陳瑞菱穿上黑色透視舞衣,展現圓潤的身形。她表示透過舞蹈,演繹自己人生的高低起跌,她讀書時曾長一個21cm大的巨型脂肪腫瘤,生死關頭令她更珍惜當下。網民睇完她的表演後留言:「舞姿一般,對腳又唔夠長,吸引唔到我。」

表演難度:4分

香港小姐 陳瑞菱跳得自信,但整條片被盞燈搶晒鏡!
陳瑞菱跳得自信,但整條片被盞燈搶晒鏡!(圖片來源:[email protected]
香港小姐 陳瑞菱表示透過舞蹈,演繹自己人生的高低起跌。
陳瑞菱表示透過舞蹈,演繹自己人生的高低起跌。(圖片來源:[email protected]
香港小姐 陳瑞菱這下踢腿,最有睇頭。
陳瑞菱這下踢腿,最有睇頭。(圖片來源:[email protected]

4號 (25歲) 才藝表演:調酒

許子萱2020年考獲紐約註冊調酒師牌,今次表演調酒,駕輕就熟。穿上鮮紅低胸裝的她,展現豐滿身形,調出一杯「香港星夜」。獲牛津劍橋取錄讀MBA的她,曾任職華爾街投行分析師,網民睇完片後留言:「樣靚身材正,睇到都開心」、「內外兼修,身材好都可以有實力。叻嘅女仔可遇不可求,名副其實美貌與智慧並重。」可見許子萱幾有觀眾緣。

表演難度:3分

香港小姐 許子萱2020年考獲紐約註冊調酒師牌,今次表演調酒,駕輕就熟。
許子萱2020年考獲紐約註冊調酒師牌,今次表演調酒,駕輕就熟。(圖片來源:[email protected]
香港小姐 許子萱展現自信笑容,網民留言:「睇到都開心!」
許子萱展現自信笑容,網民留言:「睇到都開心!」(圖片來源:[email protected]
香港小姐 許子萱調出一杯「香港星夜」
許子萱調出一杯「香港星夜」(圖片來源:[email protected]

5號陳婉怡(24歲) 才藝表演:跆拳道+彈鋼琴

跆拳道同彈鋼琴都是陳婉怡的才藝和興趣,不過網民唔多受落:「跆拳道襯首咁嘅音樂唔夾囉。一柔一剛咁,加上睇佢耍跆拳道都唔覺得佢啲動作好剛。係剛就應該搵個人同佢battle,而且佢要打低嗰個人。彈琴就幾有氣質嘅。」

表演難度:3分

香港小姐 陳婉怡表演跆拳道,她指這是她的興趣。
陳婉怡表演跆拳道,她指這是她的興趣。(圖片來源:[email protected]
香港小姐 陳婉怡跳起踢腿,展現實力。
陳婉怡跳起踢腿,展現實力。(圖片來源:[email protected]
香港小姐 陳婉怡耍耍吓拳走去彈琴,好匆忙!
陳婉怡耍耍吓拳走去彈琴,好匆忙!(圖片來源:[email protected]

7號王子蝶(24歲) 才藝表演:踩滑板

喜歡踩滑板的王子蝶希望話畀大家聽,無論做人同踩板都一樣,勇於挑戰自己加上努力練習,才有機會達成目標!王子蝶短裙仔上陣騷美腿,不過網民彈多過讚:「聽得出佢啲廣東話一樣唔係幾掂。」

表演難度:2分

香港小姐 王子蝶鍾意踩滑板,不過花式欠奉。
王子蝶鍾意踩滑板,不過花式欠奉。(圖片來源:[email protected]

8號林鈺洧(27歲) 才藝表演:小提琴《獅子山下》

林俊賢女兒林鈺洧用小提琴,演奏《獅子山下》,希望藉此勉勵自己同一眾香港人。不過網民唔欣賞:「拉得好差,咁都可以叫才藝!?」,亦有人幫口:「小提琴要拉得好聽真喺唔易!」、「獻醜不如藏拙。」

表演難度:3分

香港小姐 林俊賢女兒林鈺洧用小提琴,演奏《獅子山下》。
林俊賢女兒林鈺洧用小提琴,演奏《獅子山下》。(圖片來源:[email protected]

9號陳銘鳳(26歲)才藝表演:ukulele自彈自唱《一首分分鐘需要你》

來自內地的陳銘鳳憑歌寄意,用ukulele彈奏《一首分分鐘需要你》,送比一眾佳麗和導師。身為KOL的她對慣鏡頭表現淡定,被網民封為「無咁靚版胡定欣」!

表演難度:3分

香港小姐 陳銘鳳憑歌寄意,用ukulele彈奏《一首分分鐘需要你》。
陳銘鳳憑歌寄意,用ukulele彈奏《一首分分鐘需要你》。(圖片來源:[email protected]

10號何思懿(23歲) 才藝表演:新聞傳播+舞蹈

讀新聞傳播的何思懿,希望擺脫大家的刻板印象,將自己熱愛舞蹈嘅一面展現給大家睇!何思懿音樂一起即脫外套熱舞,展現健碩身形,獲網民大讚:「幾好呀!可以展現自已,又跳得唔錯。」亦有網民批評:「轉圈都未轉得穩,真係尷尬。」

表演難度:3分

香港小姐 何思懿先以新聞報導方式介紹自己。
何思懿先以新聞報導方式介紹自己。(圖片來源:[email protected]
香港小姐 何思懿脫去外套,狂野熱舞。
何思懿脫去外套,狂野熱舞。(圖片來源:[email protected]

11號馮嘉敏(23歲) 才藝表演:唱歌、紙杯砌字

馮嘉敏今次動動腦筋,選擇唔企定定唱歌,而係利用幾隻紙杯做道具,唱歌加紙杯到底可以有乜變化?原來她一邊唱一邊用紙杯砌英文字「HK」!嘩,好高難度喎!有網民讚嘆:「其實11號都幾叻,一邊唱,一邊要顧住拍子拍,又要同時切出HK兩字,相信唔容易囉!」、「呢個才藝幾新穎」、「咁樣都叫才藝咩!」
表演難度:1分(5分為最高)

香港小姐 馮嘉敏一邊唱歌,一邊用紙杯砌英文字。
馮嘉敏一邊唱歌,一邊用紙杯砌英文字。(圖片來源:[email protected]
香港小姐 馮嘉敏用紙杯砌英文字「HK」。
馮嘉敏用紙杯砌英文字「HK」。(圖片來源:[email protected]

12號張可欣(23歲) 才藝表演:沙畫

性格比較文靜的張可欣,今次決定利用沙畫,畫出一幅維港景色,展露自己對香港的愛。看着她灑沙,以手指繪出維港景色,真的很靚,獲網民一致力讚才藝出色:「落選可去擺檔賣藝」、「會說廣東話或不,這才是真正的人才藝術!非常好」、「比唱歌跳舞彈琴個地有創意」、「係幾靚女,但係一講嘢就輸晒,佢係反映到選美不能單靠美貌」。

表演難度:5分

香港小姐 張可欣整沙畫,功架十足。
張可欣整沙畫,功架十足。(圖片來源:[email protected]
香港小姐 張可欣的維港沙畫,靚到可以擺檔賣!
張可欣的維港沙畫,靚到可以擺檔賣!(圖片來源:[email protected]

13號邢慧敏(27歲) 才藝表演:中國畫

邢慧敏認為蝴蝶是世界上最靚的昆蟲之一,而蝴蝶可以帶給人希望,所以她畫了一隻蝴蝶,希望每位都能夠如蝴蝶開展燦爛人生。網民讚「畫得幾靚」,「某角度睇,係有啲性感美。 某一些人睇,就覺得佢口大似男人。 真係妖與艷的結合」、「靚同埋膊頭骨架好model feel,只係欠缺港姐feminine感覺」。

表演難度:3分

香港小姐 邢慧敏畫一隻蝴蝶,希望每位都能夠好似蝴蝶咁開展燦爛人生。
邢慧敏畫一隻蝴蝶,希望每位都能夠好似蝴蝶咁開展燦爛人生。(圖片來源:[email protected]

14號梁超怡(26歲) 才藝表演:演戲

大熱門「翻版孫藝珍」梁超怡模仿《十月初五的月光》佘詩曼一場喊戲,25秒谷出眼淚,頗有演戲天份。她認為人生就好似一場戲,不停充滿挑戰:「我好鍾意佘詩曼師姐,希望將來可以同佢一樣成個優秀嘅藝人!」網民勁buy:「講真個樣都幾靚,有少少似阿嬌。相信如果喺娛樂圈發展,應該有一番作為!」

表演難度:4分

香港小姐 「翻版孫藝珍」梁超怡模仿《十月初五的月光》佘詩曼,吹哨子召喚初哥哥。
「翻版孫藝珍」梁超怡模仿《十月初五的月光》佘詩曼,吹哨子召喚初哥哥。(圖片來源:[email protected]
香港小姐 梁超怡指:「我好鍾意佘詩曼師姐,希望將來可以同佢一樣成個優秀嘅藝人!」
梁超怡指:「我好鍾意佘詩曼師姐,希望將來可以同佢一樣成個優秀嘅藝人!」(圖片來源:[email protected]

15號張光怡(25歲) 才藝表演:唱歌

張光怡清唱《Fly me to the moon》幾句,她表示利用這首歌話給大家聽,人應該有夢想同目標,她希望自己可以好似星星一樣,在舞台上發光發亮!但網民潑冷水:「如果做醫生來講算係靚,但係入娛樂圈始終係另一回事。做醫生校花好過做娛樂圈最唔起眼嗰個啦!」亦有網民為她打氣:「醫生加油就得,唔使太緊張!」

表演難度:1分

香港小姐 張光怡醫生清唱《Fly me to the moon》幾句,她表示利用這首歌話給大家聽,人應該有夢想同目標。
張光怡醫生清唱《Fly me to the moon》幾句,她表示利用這首歌話給大家聽,人應該有夢想同目標。(圖片來源:[email protected]
香港小姐 網民為張光怡打氣:「醫生加油就得,唔使太緊張!」
網民為張光怡打氣:「醫生加油就得,唔使太緊張!」(圖片來源:[email protected]

16號敖嘉揚(24歲) 才藝表演:簡筆畫

敖嘉揚指紐約這個城市陪伴了她整個青春,她希望可以透過這幅畫,令更多人了解她的成長經過。但….鏡頭無影製成品,究竟畫成點?亦有網民質疑:「唔係選中華小姐呀,點解會介紹NY?同埋啲畫咁簡單,咁都係才藝?」、「講嘢都講唔清楚」

表演難度:2分

香港小姐 敖嘉揚表演繪畫,她指紐約這個城市陪伴了她整個青春。
敖嘉揚表演繪畫,她指紐約這個城市陪伴了她整個青春。(圖片來源:[email protected]
香港小姐 敖嘉揚畫紐約風景,惹網民質疑:「而家選港姐喎!」
敖嘉揚畫紐約風景,惹網民質疑:「而家選港姐喎!」(圖片來源:[email protected]
香港小姐 敖嘉揚簡單繪出自由神像。
敖嘉揚簡單繪出自由神像。(圖片來源:[email protected]

17號張靜婷(27歲) 才藝表演:咖啡拉花

好喜歡咖啡的張靜婷,希望可以利用咖啡拉花,帶出她今次參選期間所付出嘅努力。有網民大彈:「快餐店姐姐都識整啦,個拉花咁普通!」、「覺得佢靚但港姐三甲都幾難入,因為成個人整體冇嗰種氣質。但睇好做KOL」,亦有網民嫌她太瘦:「胸口上的排骨好嚇人!」

表演難度:2分

香港小姐 張靜婷穿低胸裝表演咖啡拉花,被網民指太瘦。
張靜婷穿低胸裝表演咖啡拉花,被網民指太瘦。(圖片來源:[email protected]
香港小姐 張靜婷的拉花,略嫌太簡單。
張靜婷的拉花,略嫌太簡單。(圖片來源:[email protected]

18號何詩琪(27歲) 才藝表演:毛筆字

何詩琪以毛筆寫「美」字,話給大家聽人性之美,美在求善!成為香港小姐除美貌與智慧並重,更要有真善美的心。網民留言讚:「氣質姑娘,音樂很配合才藝」,亦有網民嫌她笑得不自然:「臉部表情僵硬。」

表演難度:3分

香港小姐 何詩琪表演寫毛筆字,有姿勢有實際。
何詩琪表演寫毛筆字,有姿勢有實際。(圖片來源:[email protected]
香港小姐 何詩琪寫「美」字,帶出人性之美,美在求善。
何詩琪寫「美」字,帶出人性之美,美在求善。(圖片來源:[email protected]
香港小姐 何詩琪手字又幾靚喎!
何詩琪手字又幾靚喎!(圖片來源:[email protected]

19號楊溢(26歲) 才藝表演:魔術

楊溢表演兩個魔術,第一個是以飲管凌空拿起酒樽,第二個魔術是變出兩枝玫瑰,送給評審和工作人員,她謂表演此才藝是因為魔術同香港小姐一樣夢幻!相比起唱兩句歌的佳麗,楊溢算有誠意了,有網民留言:「表演魔術幾有新意呀!」

表演難度:2分 (誠意+1分)

香港小姐 楊溢表演兩個魔術。
楊溢表演兩個魔術。(圖片來源:[email protected]
香港小姐 楊溢第二個魔術是變玫瑰花。
楊溢第二個魔術是變玫瑰花。(圖片來源:[email protected]
香港小姐 魔術當然要以布遮吓!
魔術當然要以布遮吓!(圖片來源:[email protected]
香港小姐 楊溢變兩枝玫瑰,送給評審和工作人員。
楊溢變兩枝玫瑰,送給評審和工作人員。(圖片來源:[email protected]

20號梁家琪(22歲) 才藝表演:時裝配搭

梁家琪表演的才藝是時裝配搭?其實是將一件闊身tee,打結束成一件修身tee。網民滿腦子黑人問號:「整一件衫都叫才藝?」、「佢個樣幾有古典美,有少少似吳美珩果種氣質」。

表演難度:1分

香港小姐 梁家琪身穿的闊身tee,是她才藝表演的道具。
梁家琪身穿的闊身tee,是她才藝表演的道具。(圖片來源:[email protected]
香港小姐 梁家琪將衫尾束起。
梁家琪將衫尾束起。(圖片來源:[email protected]
香港小姐 梁家琪將闊tee變修腰tee。
梁家琪將闊tee變修腰tee。(圖片來源:[email protected]
香港小姐 第二個做法,將tee向前束起。
第二個做法,將tee向前束起。(圖片來源:[email protected]
香港小姐 梁家琪示範闊tee另一個束法,網民忍不住問:「整一件衫都叫才藝?」
梁家琪示範闊tee另一個束法,網民忍不住問:「整一件衫都叫才藝?」(圖片來源:[email protected]

真係好精彩呀!

常見問題

世界盃熱播中,電視台劇集方面有咩特別安排?

IFA卡塔爾世界盃足球賽於11月舉行,每天都有隊伍晉級,分組賽中勝出者分別為…即看世界盃2022賽果一覽;想知道每天世界盃賽事賽果及各個小組積分表、出線走勢,按此看世界盃分組賽積分表;如想知道世界盃外圍賽五大洲各出線國家隊伍的戰績及積分榜,按此看世界盃2022外圍賽詳情;各個國家除了競逐冠軍錦標外,每國球員也同時爭取個人榮譽及獎項,按此看世界盃神射手及助攻王排行榜。而電視台劇集方面,TVB台慶檔劇集陣容強勁,包括:晚上8:30黃宗澤蔡思貝主演嘅《法證先鋒V》,按此看劇集&角色介紹;到9:30播放《鐵拳》班底拍攝嘅《超能使者》,按此看劇集&角色介紹;而ViuTV熱播中嘅原創劇《繩角》即將進入結局周⋯⋯按此看大結局劇情劇透

聖誕快將來臨,而2022到2023演唱會更是多鑼鑼,有咩搶飛攻略?

一年一度的聖誕節又到啦!今年聖誕各個商場都有各式各樣的聖誕擺設,小編為你整合多個聖誕好去處2022聖誕餐廳推介,與親朋戚友一同品嘗聖誕大餐。而交換禮物更是每年聖誕必備環節,不同價位的實用聖誕禮物推薦,定有一款啱你心意!而隨著疫情過去,有不少歌手宣布舉辦演唱會,例如:MC張天賦演唱會(12月20日公開發售)Westlife演唱會(12月1日公開發售)、許廷鏗演唱會(12月2日公開發售),更有Twins演唱會鄭秀文演唱會Clockenflap;喜歡K-pop的你亦有福了,因不少韓國天團更宣布有巡迴演唱會香港站,即睇:AOMG香港演唱會,5大人氣歌手大唱Hip Hop騷(12月5日公開發售)、MAMAMOO演唱會!小編為你整合了優先購票日期、公開售票日期、門票價錢、座位表等,想搶飛粉絲必定要留意!

撰文:東方新地圖片來源:[email protected]資料或影片來源:[email protected]

最新吃喝玩樂資訊