香港小姐
香港小姐

香港小姐2022|重溫近十二年港姐結婚對象 嫁入豪門例子佔大多數?

影視娛樂

廣告

成日話選港姐係嫁入豪門嘅捷徑,係咪真就各有說法,最可以肯定嘅係當選港姐嘅人都擁有比人優勝嘅條件,咁多人鍾意、想私有化佢嘅男士一定大排長籠,過往成為幸福人妻亦有唔少例子!

2010年亞軍張秀文閃婚後再閃孕

34歲的張秀文被封「34D咪神」,多年來憑性感上位,不過自從去年底與拍拖一年的金融才俊王大權(Billy)閃婚後,即修心養性一改形象,為入門做乖新抱決定封胸,有消息指張秀文與老公已造人成功,閃婚後再閃孕,雙喜臨門。有指王大權年薪達過千萬,而且是「皮草太子爺」王大業的堂弟,家景非常富裕!

香港小姐 港姐
(圖片來源:[email protected]
香港小姐 港姐 張秀文 婚前的張秀文,形象非常性感。
婚前的張秀文,形象非常性感。(圖片來源:[email protected]

2011年港姐季軍及最上鏡小姐許芷熒

許芷熒(原名:許亦妮)除咗身材好,口才一樣了得,因此入行後為佢帶嚟源源不絕工作機會,伴隨嘅是非及緋聞亦都唔少,直到佢遇上真命天子!許芷熒喺2019年同拍拖兩年幾嘅有米圈外男友Alexander宣佈結婚,從此專心相夫教女,不時上載家庭照晒幸福。

香港小姐 港姐 許芷熒經常晒全家幅
許芷熒經常晒全家幅(圖片來源:[email protected]
香港小姐 港姐 囡囡好似媽媽咁靚女
囡囡好似媽媽咁靚女(圖片來源:[email protected]

2012冠軍張名雅

張名雅入行後做過節目主持,亦拍過劇,但成續未見突出,於2016年嫁律師男友蔡錦豪,婚後育有兩子,佢曾透露想追多個女,仲打算將手上嘅后冠傳畀囡囡。

香港小姐 港姐 張名雅晒身材,難得老公冇投訴
張名雅晒身材,難得老公冇投訴(圖片來源:ca[email protected]
香港小姐 港姐 張名雅有仔萬事足
張名雅有仔萬事足(圖片來源:[email protected]

2012年季軍朱千雪

雖然朱千雪名次不敵冠軍及亞軍,但參選時憑甜美外表,被封「民選港姐」,喺娛樂圈極速上位嘅佢卻志不在此,毅然重返校園完成法律系博士學位,並於2020年底受聘成為執業大律師。事業得意全賴青梅竹馬嘅醫生老公多年嚟喺背後默默嘅支持。

香港小姐 港姐 兩公婆都係專業人士
兩公婆都係專業人士(圖片來源:[email protected]
香港小姐 港姐 朱千雪同醫生老公係青梅竹馬
朱千雪同醫生老公係青梅竹馬(圖片來源:[email protected]
香港小姐 港姐 朱千雪樣靚學歷高
朱千雪樣靚學歷高(圖片來源:[email protected]

2012年最上鏡小姐岑杏賢

朱千雪同屆嘅岑杏賢喺遇上佢嘅真命天子之前,曾經同袁偉豪拍過拖,但最終未能修成正果,岑杏賢喺2020年11月低調同金融才俊男友張嘉俊拉埋天窗,婚後無耐仲造人成功,一家三口幸福滿瀉!

香港小姐 港姐 岑杏賢同老公相當登對
岑杏賢同老公相當登對(圖片來源:[email protected]
香港小姐 港姐 淡出後同圈中姊妹仍保持聯絡
淡出後同圈中姊妹仍保持聯絡(圖片來源:[email protected]
香港小姐 港姐 婚後無耐就升呢一家三口,囝囝十分可愛
婚後無耐就升呢一家三口,囝囝十分可愛(圖片來源:[email protected]

2013年冠軍陳凱琳

近年加入KOL行列嘅陳凱琳簡直係人生勝利組,生於富貴家庭嘅佢喺2013年當選冠軍,一夜成名!喺拍劇集《殭》嘅時候仲遇上Mr.Right鄭嘉穎,雖然年齡相差22年,但都無阻愛火蔓延,至今結婚近四年,育有兩子,依然非常恩愛。

香港小姐 港姐 陳凱琳同老公育有兩子
陳凱琳同老公育有兩子(圖片來源:[email protected]
香港小姐 港姐 陳凱琳係非常搶手嘅KOL
陳凱琳係非常搶手嘅KOL(圖片來源:[email protected]
香港小姐 港姐 兩公婆工作忙碌都不忘抽時間家庭樂
兩公婆工作忙碌都不忘抽時間家庭樂(圖片來源:[email protected]

2013年友誼小姐歐陽巧瑩

歐陽巧瑩無論身材、言行同作風都好大膽,2019年同老公林師傑先後離開大台,自己事業自己管理,實行兩公婆拍住上,兩人舊年底更移民英國開始新生活。

香港小姐 港姐 歐陽巧瑩參選時已很吸睛
歐陽巧瑩參選時已很吸睛(圖片來源:新傳媒資料庫)
香港小姐 港姐 當年婚禮場面十分盛大
當年婚禮場面十分盛大(圖片來源:[email protected]
香港小姐 港姐 兩人現居英國
兩人現居英國(圖片來源:[email protected]

2014年季軍何艷娟爺孫戀閃婚閃離

何艷娟喺大台做日子做過咩,觀眾應該冇咩印象,但佢喺2018年同年紀相差40載、當時66歲嘅澳博營運總裁吳志誠入紙申請結婚,相信大家印象深刻。正當各人以為呢段爺孫戀修成正果,可惜婚姻關係只係維持咗8個月。有指失婚何艷娟袋咗3億贍養費,繼續過住上等人嘅生活。

香港小姐 港姐 何艷娟當年嘅爺孫戀十分轟動
何艷娟當年嘅爺孫戀十分轟動(圖片來源:新傳媒資料庫)
香港小姐 港姐 何艷娟非常懂得生活品味
何艷娟非常懂得生活品味(圖片來源:[email protected]
香港小姐 港姐
(圖片來源:[email protected]

2016年港姐季軍陳雅思嫁富三代

陳雅思2020年離巢無綫轉行做瑜伽導師,事業更上一層樓外,佢舊年突然公佈婚訊,嫁富三代DJ郭孟浚,令陳雅思正式加入闊太名單。

香港小姐 港姐 好多人都戥陳雅思開心揾到真命天子
好多人都戥陳雅思開心揾到真命天子(圖片來源:[email protected]

2017年陳雅思有份主持節目《歎得好健康》,拍住黎諾懿同丁子朗等人去日本同台灣等地,探討一下健康資訊!點少得浸溫泉呢啲畫面呢?果然一浸成名。

香港小姐 港姐 陳雅思
(圖片來源:節目截圖)
香港小姐 港姐 陳雅思
(圖片來源:節目截圖)
香港小姐 番抄Coffee上位路 港姐陳雅思唔撈無線做瑜珈導師
(圖片來源:節目截圖)
香港小姐 港姐 陳雅思係一名瑜伽導師
陳雅思係一名瑜伽導師(圖片來源:[email protected]

2016年友誼小姐張寶兒嫁袁偉豪

同屆「友誼小姐」張寶兒2017年拍《打工捱世界 II 》同年長10歲嘅袁偉豪撻着,二人拍拖三年經常恩愛放閃,2020年袁偉豪因為抱得呢位「底褲大王」千金歸,更被封「億萬駙馬」。

香港小姐 港姐 張寶兒同袁偉豪2020年拉埋天窗
張寶兒同袁偉豪2020年拉埋天窗(圖片來源:[email protected]
香港小姐 港姐 袁偉豪非常痛錫老婆
袁偉豪非常痛錫老婆(圖片來源:[email protected]

2018年港姐季軍丁子田嫁富二代

丁子田2018年奪得港姐季軍及「最佳口才」獎,但疑因廣東話唔流利,喺無綫兩年時間都只係主持過《股市直擊》同《港活力·港運會》兩個節目,劇集方面就齋客串過一集《愛·回家之開心速遞》。2021年喺社交網宣佈成為準人妻,老公係富二代吳杰龍阿Paul,係國行集團太子爺,爸爸當年成功將BURBERRY和FENDI等高級品牌帶入中國,而阿Paul亦被稱為「香港頂級時尚富豪家族的貴公子」。話就話係「富二代」但阿Paul本身亦相當有商業頭腦,前年就為上海為珠寶品牌「周大福」舉辦Pop Up商店,一手包辦計劃到宣傳等工作。

香港小姐 港姐 丁子田宣佈婚訊嘅方式好特別
丁子田宣佈婚訊嘅方式好特別(圖片來源:[email protected]
香港小姐 港姐
(圖片來源:[email protected]
香港小姐 港姐 丁子田經常同朋友出海玩
丁子田經常同朋友出海玩(圖片來源:[email protected]

撰文:東方新地圖片來源:IG圖片,新傳媒資料庫

最新吃喝玩樂資訊