香港婚後事｜黎諾懿膽生毛追問頒獎禮「黑面」傳聞 陳自瑤開腔回應

香港婚後事｜黎諾懿一集三度「突襲」陳自瑤

今集節目嘉賓看似係姚子羚，但實質主角依然係陳自瑤，黎諾懿由第一部份訪談已經開出問題令Yoyo不懂招架，因為他提出問題，要在場主持和嘉賓形容自己的感情狀況，作為Yoyo好友兼嘉賓姚子羚醒目表示「即係你想我哋答黃昏啦」本以為可以連消帶打，想不到黎諾懿硬係要逐個回應⋯⋯

賴慰玲分享與另一半關係大晒幸福 Yoyo「吓」咗出聲

賴慰玲與舞台劇演員梁子峰結婚七年，育有一子，面對黎諾懿的問題真心分享，形容自己的戀愛狀態是「中午」，大方分享與另一半還有很多激烈的Moment，緊接黎諾懿要求陳自瑤回應，毫無防避的Yoyo呆了半秒，「吓」了一聲未知如何回應，眾人尷尬笑後，Yoyo就表示自己的戀情在「子時」狀態：

可以說是最黑暗，也是一日之始。

黎諾懿突襲Part 2: 「另一半係圈中人會點？」

節目第二部份姚子羚先行告退，留下四位主持在Glamping 場地夜間「開雀局」，麻將枱上黎諾懿主導話題，主動提起「如果另一半係同事/圈中人對關係是利是弊」，賴慰玲就坦言：「少見啲會好啲，如果日日夜夜喺埋一齊，其實冇自己空間會好辛苦！」羅天宇則認為如果雙方都是藝人「有好有唔好」：「我覺得可以多咗共同話題，佢會明白你多啲。」看似拷問羅天宇，但其實係要求逐個講，陳自瑤全程好繃緊！幸好未到Yoyo就有人食糊。

黎諾懿突襲Part 3: 以退為進！直線提問頒獎典禮黑面事件！

四位主持亦並非打麻雀閒談咁簡單，皆因食糊的人可以向其中一位問一個問題，率先食糊的黎諾懿戰戰兢兢問Yoyo：「你可以唔答㗎……我想問呢，啲人成日提住你喺頒獎典禮黑面，你會唔會唔開心？同埋係咪真係黑臉？」

Yoyo靜了幾秒，之後刻意唔提老公，只表達自己內心，表示「唔介意畀人話黑面」：

其實我唔介意嘅，同埋人哋可能成日記住我黑面個樣，咁我咪俾人記住笑個樣囉！（真係唔介意？）唔介意嘅咁多年啦，我又唔係啱啱入行，其實好多嘢都慣，唔會覺得特別開心或者唔開心，最緊要自己心態好。