《音樂永續》計劃啟動 歌手句句有骨 菊梓喬:終於可以畀其他人唱吓劇集歌
《音樂永續》計劃啟動 歌手句句有骨 菊梓喬:終於可以畀其他人唱吓劇集歌

《音樂永續》計劃啟動 歌手句句有骨 菊梓喬:終於可以畀其他人唱吓劇集歌

曾志偉日前何麗全及環球、華納、SONY MUSIC三大唱片公司高層於昨日(2月24日)舉行《音樂永續 樂壇共享》記者會,化解了無綫過去11年來和四大唱片公司(EMI已被環球收購)的僵局,令香港樂壇再次百花齊放,並提供更多就業機會,不過網民更關心嘅係活動上有咩花生睇,原來活動後一眾歌手都有接受訪問,對於樂壇咁大變動,歌手們反應不一,不過肯定嘅係個個歌手講嘢都句句有骨!

文:東方新地|圖:無綫娛樂新聞台影片截圖

《音樂永續》計劃啟動 歌手句句有骨

糖妹因為合作演出劇集《香港愛情故事》而與志偉新抱王敏奕成為好友,在活動後的訪問中,王敏奕笑晒口話想接下來同糖妹合作推出新歌,但表示需要糖妹所屬的唱片公司(Wow Music)的批准,不過糖妹反而推拒話:「算啦!我都係寫歌畀你算啦!咁樣合作好似容易啲!」

《音樂永續》計劃啟動 歌手句句有骨
隔住口罩都睇到王敏奕笑得好開心。

曾志偉就表示:「目前要做好行政工作先,《獎門人》會排到最後先至開,但係長老一定好快會同大家見面!」

《音樂永續》計劃啟動 歌手句句有骨
曾志偉表示要召喚長老返TVB同大家見面。

作為星夢「一姐」的菊梓喬就表示這幾年「少同外面嘅人接觸」,因此覺得今次係一個好好嘅學習機會,仲話好期待由唔同歌手去唱吓劇集歌,並直言:「我自己呢幾年已經唱咗好多劇集歌,覺得應該去唱多啲唔同類型嘅音樂!」

《音樂永續》計劃啟動 歌手句句有骨
菊梓喬話自己已經唱咗好多劇集歌。

吳若希指樂壇要大家一齊上個結果才會最好:「大家好代表我哋都好!」JW(王灝兒)接口話:「我都成日覺得要多啲人一齊玩先開心!我呢幾日個腦都成日諗緊我可以同邊個合作,因為多啲人一齊先可以有唔同嘅火花,台上嘅表演都會更加精彩。」

《音樂永續》計劃啟動 歌手句句有骨
三位「一姐」齊著黑衫出席今次活動,花生友表示:「係咪夾埋一齊悼念靴民?」

伍富橋:終於似番個樂壇

戴祖儀指自己出道不是很久,第一次見到咁多不同唱片公司的歌手齊聚,覺得好熱鬧好開心。譚嘉儀就表示能見證今次歷史性的時刻,令她內心有一種好興奮嘅感覺,也認為今次是一個很好的機會去和不同唱片公司的歌手作Crossover。谷婭溦亦表示好期待和大家一齊分享音樂。

《音樂永續》計劃啟動 歌手句句有骨
譚嘉儀話好興奮可以見證到今次歷史性的時刻。

謝東閔指樂壇可以百花齊放一定更好,伍富橋則表示現在終於似番個樂壇:「令我有番做一個歌手嘅感覺,Feel到自己係樂壇嘅一份子!」

《音樂永續》計劃啟動 歌手句句有骨
伍富橋話終於Feel到自己係樂壇嘅一份子。

吳若希:我個人蠢咗

之後吳若希再孖星夢「一哥」周柏豪一齊受訪,周柏豪提到屋企的抗疫措施時表示:「我阿媽阿爸上嚟我屋企,會帶定衫上嚟沖涼,之後先會抱BB。屋企門口外亦有度閘,要消完毒先可以入屋。」吳若希就表示:「我啱啱先坐完晒月,坐咗三個幾月,今次係我坐完月第一個出嘅Event,所以我真係喺屋企吽咗好耐,吽到有少少發咗毛,仲覺得自己坐完月之後個人蠢咗!真係蠢得好交關,蠢到我有時諗嘢要Load好耐,所以依家要去Pick up番自己做嘢嘅節奏。」

《音樂永續》計劃啟動 歌手句句有骨
吳若希話自己坐完月之後個人蠢得好交關。

Mischa:好耐未試過咁熱鬧

早前參加ViuTV選秀節目《全民造星3》並打入最後十強的Mischa(葉巧琳),這日穿著一襲低胸裝現身TVB活動,笑言:「我好耐未試過咁熱鬧嘅感覺,好耐冇見過大家,見到有咁多熟悉嘅面孔,感覺好開心!」和她同屬SONY MUSIC的林奕匡則解釋是因為上年至今的疫情關係,才會咁耐都無機會聚首。

《音樂永續》計劃啟動 歌手句句有骨
被問到:「有冇諗過咁快可以現身TVB呀?」Mischa話: 「唔好咁講~!!」

劉浩龍:大家要合群啲

劉浩龍指已有五、六年無參加過這種樂壇活動,因為過去幾年他都係拍電影多:「雖然我可能一年只唱一隻歌,但今日都應該嚟支持吓,嚟到之後見到大家都冇生疏,我發現原來只要大家合群啲,咁就可以做到啲嘢出嚟喇!」

《音樂永續》計劃啟動 歌手句句有骨
劉浩龍自言已有五、六年無參加過樂壇活動。

黃翊:去活化番件事

黃翊話以為「音樂永續」這件事已經進行了好多年,他說:「希望今次可以將好多大家已經遺忘嘅歌曲經過我哋把口重新唱番出嚟,去活化番件事,我覺得係幾有新意!」敖嘉年笑指黃翊已將成件事的章程都全部說了出來,又說自己是第一次以歌手身份出席這種樂壇盛事。而李日朗就指當日活動有少少歌手賀台慶的感覺,敖嘉年和黃翊都表示贊同。

《音樂永續》計劃啟動 歌手句句有骨
黃翊話指翻唱舊歌好有新意。

Gin Lee:想演TVB劇

屬於環球唱片的Gin Lee(李幸倪)憶述自己對上一次上TVB已是2016年1月,再之前則是和AGA(江海迦)在2015年上過TVB宣傳兩人的合唱歌。AGA就話好期待可以唱劇集歌,Gin Lee更話有幻想過去參演TVB劇!而2019年的樂壇新人陳凱詠(Jace)則表示第一次上TVB,感覺好新鮮、好好奇。

《音樂永續》計劃啟動 歌手句句有骨
AGA話好期待可以唱劇集歌,Gin Lee更話有幻想過去參演TVB劇。

最新吃喝玩樂資訊