隱門 吳岱融
隱門 吳岱融

隱門|吳岱融「癲過鷲哥」第一句對白即爆粗 連環開槍勁兇狠!

影視娛樂

廣告

《隱門》昨晚首播,最大亮點當然係睇吳岱融點樣再升呢癲過鷲哥,估唔到一出場,第一句對白已經爆粗,仲連環發癲槍戰!

隱門 吳岱融 隱門 連環發癲開槍!
連環發癲開槍!(圖片來源:TVB)

吳岱融眼神殺晒 獲封「TVB 第一黐線佬」

《隱門》昨晚(29 日)一開始,葉嘯天(吳岱融飾)即壞事做盡,除打劫金舖、開槍殺警面不改容;面對親生女心月(黃智雯飾),葉嘯天亦數度下毒手,單是以暴力威逼小心月接賊贓已喪盡天良。吳岱融繼《巨輪 II》鷲哥後再展奸角魅力,網民看得過癮,讚眼神殺晒兼封吳岱融「TVB 第一黐線佬」:「真係癲過鷲哥」、「氣場真係勁」。為避開獸父,心月改姓埋名企圖開展新生活,卻因葉嘯天刑滿出獄人生再被擾亂,重遇但還未相認一刻已遭葉嘯天強行搶車兼拖落車,整晚劇情關鍵則落在很快認出獸父的心月,能否成功避開葉嘯天追尋…網民指《隱門》開劇節奏明快兼有追看性,並謂 Mandy 角色有新鮮感。

隱門 吳岱融 隱門 一開始即壞事做盡!
一開始即壞事做盡!(圖片來源:TVB)
隱門 吳岱融 隱門 飾演大肚女警的李君妍亦不幸中槍。
飾演大肚女警的李君妍亦不幸中槍。 (圖片來源:TVB)

吳岱融:真係爭啲撞到

昨晚三十年前的槍械劫案場口,除了帶出葉嘯天與心月的衝突,亦帶出葉嘯天及心月與另一主角子喬(陳展鵬飾)的千絲萬縷。相關場口發生罕見意外,拍攝翻車戲期間,由於吳岱融與翻起車輛距離太近,只差不足一秒吳岱融便有可能被飛起的車輛撞到;不過根據劇組釋出的花絮片,面對突如其來意外,吳岱融身手敏捷極速彈開之餘,在未有 cut 機情況下,仍能神態自若繼續開槍演戲,相當專業,反而現場工作人員無不「觸目驚心」。吳岱融事後受訪才笑言其實當時「好驚驚」:「架車就喺眼前飛過係驚架,不過盡做啦。」吳岱融又謂當時除了演戲,還有分神留意周遭環境:「我望實綁住車嗰條帶,一拉行我就走(開)。」

隱門 吳岱融 隱門 成功避開架車之後,Hugo 即時嘅動作竟然係繼續開槍做戲,好專業。
由於吳岱融與翻起車輛距離太近,只差不足一秒吳岱融便有可能被飛起的車輛撞到。(圖片來源:TVB)
隱門 吳岱融 隱門 睇番 playback,大家都話觸目驚心呀。
睇番 playback,大家都話觸目驚心呀。(圖片來源:TVB)
隱門 吳岱融 隱門 01-03 吳岱融險被車撞連環圖,留意番對腳係離地嘅。
吳岱融又謂當時除了演戲,還有分神留意周遭環境:「我望實綁住車嗰條帶,一拉行我就走(開)。」(圖片來源:TVB)
隱門 吳岱融 隱門 成功避開架車之後,Hugo即時嘅動作竟然係繼續開槍做戲,好專業。
成功避開架車之後,Hugo即時嘅動作竟然係繼續開槍做戲,好專業。(圖片來源:TVB)

即睇花絮片!

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

撰文:東方新地圖片來源:TVB