陸浩明 馮盈盈點名大數跳掣女藝人驚人行為  趁《後生仔傾吓偈》摺埋前瘋狂爆料?
陸浩明 馮盈盈點名大數跳掣女藝人驚人行為  趁《後生仔傾吓偈》摺埋前瘋狂爆料?

陸浩明 馮盈盈點名大數跳掣女藝人驚人行為 趁《後生仔傾吓偈》摺埋前瘋狂爆料?

《後生仔傾吓偈》鐵定九月尾摺埋,臨近尾聲,早前一集中以大談「跳掣朋友」,元老級主持陸浩明和馮盈盈齊齊爆料,開名爆一名女藝人經常突然跳掣,經常令大家措手不及,指在一次節目直播期間對方又再跳掣,連帶同場的馮盈盈都「遭殃」﹗

文:東方新地|圖:《後生仔傾吓偈》截圖、陸浩明IG

《後生仔傾吓偈》自17年7月開始已推出八百多集,最近公布九月底正式摺埋,最後一集亦已錄影。臨近尾聲,近日其中一集以「總有個跳掣朋友」為題,主持大講心目中的跳掣定義,陸浩明表示:「我心目中神經刀嘅特質係會突然之間有啲超卓發揮,但好多時都係做啲難以捉摸,做估你唔到嘅事出嚟」,之後陸浩明就開名爆一名女藝員係典型的跳掣人,仲同馮盈盈一唱一和㖭。

陸浩明 馮盈盈 後生仔傾吓偈 跳掣
《後生仔傾吓偈》今個月底播完,臨近尾聲,陸浩明把握時機爆料。(圖片來源:《後生仔傾吓偈》截圖)
陸浩明 馮盈盈 後生仔傾吓偈 跳掣
馮盈盈同陸浩明一唱一和,好啱嘴形﹗(圖片來源:《後生仔傾吓偈》截圖)

陸浩明:以佢身分智慧突然爆出呢句嘢﹗

陸浩明口中的跳掣朋友《後生仔》舊拍檔,陸浩明話:「身邊總有一個神經刀,我哋身邊其實都有一個,呢個我一定要講就係麥明詩,我哋一齊主持過港姐,以佢個身分同智慧呢,突然講出嗰句嘢真係嚇死﹗」馮盈盈即和點頭和應,陸浩明繼續講:「有一年港姐決賽當晚,港姐三甲之後上咗《後生仔傾吓偈》,大家恭喜完三甲之後,麥明詩話:『不過有時攞咗冠軍都未必好﹗』我唔知點接落去﹗ 馮盈盈你都被佢嚇親啦﹗」

陸浩明 馮盈盈 後生仔傾吓偈 跳掣
陸浩明口中的跳掣朋友原來是舊拍檔麥明詩,爆她在直播時播出不恰當說話,令拍檔們緊張又不知如何接話﹗(圖片來源:《後生仔傾吓偈》截圖)
陸浩明 馮盈盈 後生仔傾吓偈 跳掣
波波同游嘉欣聽到陸浩明爆麥明詩的跳掣事件,都感到好驚訝﹗(圖片來源:《後生仔傾吓偈》截圖)

馮盈盈答:「佢係想考驗你,其實嗰時真係好難接落去,因為我同佢嘅身分都係港姐冠軍﹗」陸浩明話:「嗰次麥明詩的神經刀指數有十把刀以上呀。」馮盈盈插多句指當時正在做直播,場面被麥明詩搞到好難應付﹗

陸浩明 馮盈盈 後生仔傾吓偈 跳掣
陸浩明所講嘅事發時間、地點、人物,與兩年前黃嘉雯成為港姐冠軍當晚相當脗合。(圖片來源:陸浩明IG)

陸浩明講開有癮再爆:「麥明詩有時講講吓去咗另一個位,會突然好感觸跳咗去另一個tone,你估佢唔到,又會講講吓喊,又突然講啲好中point嘅大道理,又會覺得嘩好勁喎﹗」馮盈盈搭嘴:「佢係直接令成個氣氛切換﹗」

陸浩明 馮盈盈 後生仔傾吓偈 跳掣
馮盈盈話麥明詩最擅長突然將現場整個氣氛切換,令大家不知所措﹗(圖片來源:《後生仔傾吓偈》截圖)
陸浩明 馮盈盈 後生仔傾吓偈 跳掣
麥明詩與無綫改簽一年一騷,現轉行做OL,不過麥明詩跟陸浩明、馮盈盈等都有保持聯絡,之前更為陸浩明慶祝生日。(圖片來源:陸浩明IG)
陸浩明 馮盈盈 後生仔傾吓偈 跳掣
離開幕前的麥明詩,仍然keep得好fit。(圖片來源:麥明詩IG)

陸浩明再數《後生仔》跳掣主持

陸浩明爆完麥明詩,再爆當日不在場的《後生仔》主持黃紫恩(JoJo),陸浩明指對方經常沉醉在自己當中,早前大家一起主持東京奧運,當時正在直播跳水決賽,陸浩明話正在緊張關頭:「現場專家講緊中國選手壓水花、旋轉360度,頭腳會被扣0.5分,等緊分最緊張嘅時候,紫恩突然問位專家主持『現場啲裁判呢,有冇電視睇㗎?』大佬呀,梗係有啦,呢個時候問啲咁嘢,佢都好經典,個專家係直接跳咗冇答佢問題,講咗其他嘢﹗」

陸浩明 馮盈盈 後生仔傾吓偈 跳掣
《後生仔》主持紫恩(前名芷欣)都被陸浩明點名爆料。(圖片來源:紫恩IG)
陸浩明 馮盈盈 後生仔傾吓偈 跳掣
早前正式簽約成為無綫旗下藝人,並由芷欣改名紫恩。(圖片來源:紫恩IG)
馮盈盈同已離巢的麥明詩仍保持聯絡,卻在節目中大數麥明詩係一個跳掣人。(圖片來源:麥明詩IG)
馮盈盈同已離巢的麥明詩仍保持聯絡,卻在節目中大數麥明詩係一個跳掣人。(圖片來源:麥明詩IG)
陸浩明、麥明詩和馮盈盈除了在《後生仔》合作,更在多次大騷中合作﹗(圖片來源:陸浩明IG)
陸浩明、麥明詩和馮盈盈除了在《後生仔》合作,更在多次大騷中合作﹗(圖片來源:陸浩明IG)

最新吃喝玩樂資訊