陳豪
陳豪

陳豪被郭晉安強行扯低口罩遭網民轟唔尊重 「罩不離口」陳豪竟讚對方

影視娛樂

廣告

陳豪、郭晉安和馬國明近日一齊在TVB的《周年慶典節目巡禮2022》上接受《東張西望》訪問,期間郭晉安忽然出手扯低陳豪口罩,當時陳豪一臉愕然,此事引來網民極大爭議,有不少網民都狠批郭晉安唔尊重陳豪﹗

陳豪 望夥郭晉安、馬國明搞「白色天使」組合

當日節目巡禮招待600廣告客戶到場,預告下半年節目「吸金」,無綫傾盡全台藝人出席。馬國明與陳豪、郭晉安一同接受《東張西望》訪問,唯獨陳豪堅守防疫一直戴住口罩﹗而馬明直言不介意同女友湯洛雯情侶檔拍廣告:「想呀,等錢使呀!(有幾等呀?)好等錢使呀!拍咩都得啦!最好阿Mo(陳豪)漏啲畀我啦!」陳豪就話:「依家興組合,《白色強人》可以搞個『白色天使』或者『白色組合』,唔好理佢係咩,有廣告算係咁。」

陳豪 曾志偉 馬國明表示等錢使,唔介同湯洛情侶檔拍廣告。
馬國明笑言等錢使,歡迎有廣告商搵佢同湯洛情侶檔拍廣告。(圖片來源:《東張西望》截圖)

郭晉安:YEAH,我終於剝到佢個口罩啦!

講講吓郭晉安突然出手扯低陳豪個口罩,笑問他:「你係咪成日要做口罩廣告呢?係咪想接口罩廣告?」之後更歡呼:「YEAH,我終於剝到佢(陳豪)個口罩啦!」陳豪隨即無奈又愕然表示:「OKOK,開畀大家睇!」女主持亦跟著郭晉安在側邊大笑,馬明就試圖打圓場,拉回話題繼續做訪問。訪問片段被播出後,即引起網民熱討,紛紛指摘郭晉安玩得太過火,一啲都唔識尊重人!

陳豪 陳豪被扯口罩一刻。
陳豪被扯口罩一刻。(圖片來源:《東張西望》截圖)
陳豪 郭晉安扯低陳豪口罩後,興奮歡呼。
郭晉安扯低陳豪口罩後,興奮歡呼,《東張西望》女主持都興奮埋一份,但陳豪係笑得好尷尬嘅。(圖片來源:《東張西望》截圖)

網民狠批行為似足小學雞

陳豪為保護家人,一向都做足防疫措施,幾乎24小時長戴口罩,連返到屋企都唔例外,因此有不少網民都留言指摘郭晉安「好玩唔玩玩口罩」、「好無禮貌」、「有無諗過陳豪家人嘅健康」、「幾十歲人行為仲咁小學雞」、「如果之後確診就真係恭喜晒」等等,但亦有網民力撐郭晉安,表示「人地不知幾frd」、「當事人都唔介意,你地3唔識7反而嘈」、「陳豪之後自己都有除口罩」等。

陳豪 網民狠批郭晉安扯陳豪口罩一事冇禮貌又唔尊重人。
網民狠批郭晉安扯陳豪口罩一事冇禮貌又唔尊重人。(圖片來源:《東張西望》截圖)

陳豪護郭晉安表示冇尷尬 自爆屋企瞓覺得戴口罩

陳豪日前出席電影《逃獄兄弟3》首映受訪時,親自開腔為郭晉安辯護,叫大家唔好鬧安仔,因為佢同安仔係好朋友,更指安仔當時是友善舉動,而非敵對行為為﹗並指當時大家做訪問都冇戴口罩,所以安仔都唔想佢戴住口罩去見觀眾。被問到當時係咪好尷尬?陳豪答話冇尷尬,只係有少少愕然,佢直言如果介意安仔扯開佢個口罩,佢就會即刻戴番,但當時佢都照除。陳豪解釋現時疫情已緩和,因此不介意除口罩示人,但都要保持住社交距離。他又承認現時在家仍會戴著口罩睡覺,因為感覺會安心些。

陳豪 陳豪話如果佢真係介意安仔扯佢個口罩,當時佢就會即刻戴番,而唔係照除。
陳豪話如果佢真係介意安仔扯佢個口罩,當時佢就會即刻戴番,而唔係照除。(圖片來源:《東張西望》截圖)
陳豪 郭晉安同陳豪近年合作拍攝了兩輯《白色強人》,成為了好朋友。
郭晉安同陳豪近年合作拍攝了兩輯《白色強人》,成為了好朋友。(圖片來源:[email protected]_kwok)
陳豪 太太陳茵媺同三名子女,上月為陳豪慶祝生日時,在家舉行小型派對,陳豪都是全程戴住口罩﹗
太太陳茵媺同三名子女,上月為陳豪慶祝生日時,在家舉行小型派對,陳豪都是全程戴住口罩﹗(圖片來源:[email protected]_official)

即睇《東張西望》訪問片段:

重溫陳豪2,200呎南灣豪宅避疫 月租10萬匿50呎露台生活 與妻兒隔離

今年3月,因為胡定欣確診,令同劇男主角陳豪極度恐慌,疫情期間在家堅持戴口罩的他,防疫行動再度升級,除了與老婆陳茵媺分房瞓外,一日三餐及活動範圍亦只限於家中約50呎的露台。陳豪與陳茵媺一家五口所住的南灣豪宅屋企有成2,200呎,陳豪寧願屈就自己,都要安全至上。

陳豪 從陳茵媺放上社交網的照片可見,陳豪在露台的小枱上用餐。
從陳茵媺放上社交網的照片可見,陳豪在露台的小枱上用餐。(圖片來源:[email protected]_official)

陳豪露台孤獨食

香港受到第五波疫情影響,確診人數有增無減,無綫電視城亦爆疫,多位藝員先後確診,早前有《愛回家》的周嘉洛與羅樂林,再有花旦群組胡定欣、馮盈盈及戴祖儀。至於與胡定劇合作拍新劇《破毒強人》的陳豪,受到胡定欣確診後表明非常擔心,謹慎起見更加強防備,除24小時戴口罩外,更限制自己在家中的活動範圍,食飯都要在露台。

陳豪 陳豪細女好乖,為爸爸傳送食物。
陳豪細女好乖,為爸爸傳送食物。(圖片來源:[email protected]_official)
陳豪 陳豪二仔Nathan日前7歲生日,囝囝隔住玻璃睇陳豪食飯,真係好無奈。
陳豪二仔Nathan日前7歲生日,囝囝隔住玻璃睇陳豪食飯,真係好無奈。(圖片來源:[email protected]_official)

陳豪疫市繼續有工開做足防疫措施

陳豪在疫情期間開工拍劇亦好緊張做足防疫措施,戴口罩雙重保護,在口罩內攝多層紙巾,每拍完一個鏡頭,都緊張戴回口罩,又不停用搓手液搓手相當緊張,慎防有機會把病菌帶返屋企。

陳豪自爆除了吃飯,連睡覺也會戴住口罩,每天差不多戴足24小時,見的只為保護妻兒。
陳豪自爆除了吃飯,連睡覺也會戴住口罩,每天差不多戴足24小時,見的只為保護妻兒。(圖片來源:[email protected]_official)
屋企有大有細的陳豪,拍劇亦非常緊張防疫,一停機就會即刻戴回口罩,又搓手液、消毒用品時刻跟身。
屋企有大有細的陳豪,拍劇亦非常緊張防疫,一停機就會即刻戴回口罩,又搓手液、消毒用品時刻跟身。(圖片來源:新傳媒照片庫)

陳豪一家五口進駐2,200呎南灣海景大單位

陳豪與陳茵媺(Aimee)婚後三年抱三,一家五口不時公開晒幸福,前年陳茵媺在社交網狂po新居照,原來為方便三個仔女在港島區返學,陳豪一家搬去南灣嘉麟閣住,有感仔女開始長大需要更多活動空間,陳豪去年底在同一屋苑隔籬座搵到同樣擁無敵大海景的2,200呎單位,一於細屋搬大屋,據聞以月租10萬元租住。而太太陳茵媺近年就專心相夫教子,把頭家照顧得非常企理,更不時公開家居生活,帶大家參觀豪宅。

陳豪 陳豪陳茵媺日前上載全家賀年照上社交網,新居的大廳放了一棵大桃花,地方非常闊落。
陳豪陳茵媺去年上載全家賀年照上社交網,豪宅的大廳放了一棵大桃花,地方非常闊落。(圖片來源:[email protected]_official)
陳豪 陳豪難得新年有假放,在新居廚房表演拋鑊。
陳豪難得新年有假放,在新居廚房表演拋鑊。(圖片來源:[email protected]_official)
陳豪 陳豪新居露台有無敵大海景,更放了一個大燒烤爐,方便開party。
陳豪新居露台有無敵大海景,更放了一個大燒烤爐,方便開party。(圖片來源:[email protected]_official)
陳豪 陳豪日前在新居內幫大仔剪髮,另一角度看到全個大廳都望到無敵海景。
陳豪日前在新居內幫大仔剪髮,另一角度看到全個大廳都望到無敵海景。(圖片來源:[email protected]_official)

撰文:東方新地圖片來源:《東張西望》截圖、[email protected]_kwok資料或影片來源:TVBUSA

最新吃喝玩樂資訊