陳瀅
陳瀅

陳瀅加國返港酒店隔離21日 小白Tee疑真空上陣性感回歸

影視娛樂

廣告

去年12月離開香港返加探親的陳瀅,終於放完大假要返香港面對現實,因為政府規定由外地返港的市民要在酒店強制隔離21日,陳瀅一抵港即入住酒店。要三個星期困在酒店房應該唔易過,不過陳瀅有花收有紅酒飲,酒店仲安排好健身單車同跑步機,陳瀅似乎好享受隔離的生活。此外,陳瀅還自拍自娛,著住件中間綁蝴蝶的小白Tee,疑似真空上陣,盡顯身材非常誘人!

撰文:東方新地 圖片:陳瀅IG圖片、LingIG圖片

陳瀅
冇見兩個多月的陳瀅已經由加拿大返港,她在IG上載身處酒店隔離的自拍照,小白Tee中空設計非常特別,睇真啲仲似係真空,非常誘人。
陳瀅
陳瀅非常聽話,隔離期間戴上檢疫手戴。

陳瀅安全抵港報平安

在加拿大逗留了兩個幾月的陳瀅,日前返港並入住酒店開始隔離21日,她一直keep住在IG報告行蹤,更上載了多張在酒店房內的照片與片段。陳瀅看來非常享受隔離生活,有花收有紅酒飲,日日都食得好,酒店更在酒店房放了健身單車及跑步機讓她做運動。陳瀅放完大假都冇肥到,身穿小白Tee的她,疑似真空上陣玩自拍,一於性感回歸香港。

陳瀅
酒店一早佈置好歡迎陳瀅入住。
陳瀅
隔離都有花送去酒店,陳瀅的追求者都做得好足。
陳瀅
酒店連紅酒都送上房,陳瀅一個人可以隊晒成枝?
陳瀅
陳瀅日日浸浴好梳乎。

陳瀅每年返加探親風雨不改

陳瀅每年都堅持放大假返加拿大探親,去年都唔例外,雖然受疫情影響,但無阻她返娘家的決心,經過隔離與多次檢測後,陳瀅順利與家人歡渡聖誕節及過新年。早前陳瀅上載與家姐Ling在雪地上的合照上社交網,令索爆家姐曝光,被網民大讚兩姊妹一樣咁靚。陳瀅家姐Ling已婚育有一歲兒子,擁有仙氣上鏡面孔,與妹妹陳瀅一樣身材火辣有肉地,而且亦喜歡扮靚愛買名牌,與陳瀅志趣相投,難怪兩姊妹感情要好。

陳瀅
陳瀅在加拿大好歎,唔係滑雪就去浸jacuzzi。
陳瀅
陳瀅在IG上載與家姐Ling的合照,兩姊妹同樣下巴尖尖五官標緻,被指顏值爆燈。
陳瀅
陳氏姊妹花在雪地上合照,二人無論高度與身材都差唔多。

陳瀅家姐靚樣曝光

31歲的陳瀅樣靚身材正,被不少宅男封為女神,但原來其家姐Ling都得天獨厚,唔入行做星認真浪費。陳瀅早前缺席「夢千星輝頒獎禮」,原來是一早向公司請大假返回加拿大溫哥華陪伴婆婆及家人,順道歡渡聖誕節及農曆新年,返家後放鬆心情盡情吃喝玩樂,日前更同索家姐Ling合照,令家姐意外登場。

陳瀅
網民都覺得陳瀅與家姐一樣咁可愛。
網民大讚兩姊妹省鏡。
網民大讚兩姊妹省鏡。
陳瀅
陳瀅來港發展多年,最唔捨得是婆婆,所以每年都返加國,其母與家姐都在加國生活。

陳瀅家姐個樣有混血feel

陳瀅與家姐Ling的合照獲網民高度關注,大家都讚陳瀅家姐顏值高分,不比妹妹輸蝕,比起陳瀅更多了一份混血feel。Ling在社交網亦有人氣,其IG帳戶有逾2,000粉絲追蹤,擔任會計師的她,2013年結婚,2019年生了囝囝Nathan,婚姻生活美滿,不時在社交網上載幸福家庭照。Ling更於去年重返職場,有仔萬事足的她曾在IG出post坦言復工後令她少了時間見證仔仔成長,但她仍希望可以成為一個出色的在職媽媽,可見事業心同樣重。

陳瀅
陳瀅家姐結婚8年育有一歲多的兒子,一家三口非常幸福。
陳瀅
陳瀅姊妹情深,所以每年都希望返加國與家姐聚天倫。

陳瀅姊妹同愛扮靚

陳瀅自小在加拿大溫哥華長大,為華裔加拿大人,家有一姊一弟,畢業於英屬哥倫比亞大學(工商管理學士),回流香港後成為模特兒再加入無綫,雖然家姐Ling同樣天生麗質,但沒有像妹妹一樣發明星夢,據知兩姊妹自細喜歡研究時裝,平時會一齊買衫扮靚,家姐Ling與陳瀅一樣身材豐滿,珠圓玉潤,其IG內更有不少泳衣照。

陳瀅
雖然長年分隔兩地生活,陳瀅一有時間就相約家姐一齊去旅行,這次兩姊妹相約在泰國。
陳瀅
家姐Ling唔止樣靚,身材亦好惹火。
陳瀅
家姐Ling的IG有不少泳衣照,其實她與陳瀅身形都好似,同樣好有肉地。
陳瀅
大肚影寫真,家姐Ling一雙長腿亦好吸引。

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

資料或影片來源:原文刊於東方新地