陳智燊
陳智燊

陳智燊宋熙年夫妻檔做KOL月搵60萬 又搬大屋有超巨廚房加衣帽間

影視娛樂

廣告

育有兩子的陳智燊(Jason)和太太宋熙年(Sarah),由TVB藝人轉型做KOL後,有傳月入高達六十萬,未有打算置業一直租屋住的兩人,日前拍片分享了他們由細屋搬大屋的經過,Jason透露新居面積比舊居大兩成,其中他最愛新居中的超大廚房,而Sarah就最開心可以有番個屬於自己的衣帽間!

文:東方新地|圖:Jason及Sarah IG及YouTube影片截圖、新傳媒圖片

陳智燊、宋熙年 DIY螞蟻搬屋

現年43歲的陳智燊(Jason)和35歲太太宋熙年(Sarah)自2016年9月結婚,到2018年8月誕下大仔陳裕炘(Damon),去年再誕下細仔陳昆佑(Jamie),一家四口原本租住馬鞍山天宇海一個月租近三萬元的過千呎單位,日前兩人拍片分享他們搬新屋的經過,片中Jason還介紹了新居的間隔,除了他們兩公婆住的主人房外,兩個小朋友都可以各自有擁有一間睡房,另外還有一間頗大的客房。

陳智燊 Jason和Sarah已三年抱兩。
Jason和Sarah已三年抱兩。(圖片來源:Jason IG )
陳智燊 有網友問Jason同Sarah係咪般去同一區指馬鞍山)?佢哋答可以嘅話都唔想搬太遠。
有網友問Jason同Sarah係咪般去同一區(指馬鞍山)?佢哋答可以嘅話都唔想搬太遠。(圖片來源:YouTube影片截圖)
陳智燊 Jason透露搬新屋後Damon每日跑來跑去,非常開心,令他覺得就算搬屋幾辛苦都完全值得。
Jason透露搬新屋後Damon每日跑來跑去,非常開心,令他覺得就算搬屋幾辛苦都完全值得。(圖片來源:YouTube影片截圖)

Jason透露新居面積比舊居大兩成,再加上租金差不多,所以才決定搬新居轉換環境,其中他最愛新居中的超大廚房,他笑言雖然無他片中所講的300呎,但目測也應該有10呎乘10呎,不過他自嘲不會下廚,平時大都由太太Sarah負責做「一家之煮」,他笑言以後「阿年廚房」將會變成「阿年大廚房」。

陳智燊 Jason話最鍾意個大廚房中間有張Bar枱,可以煮完之後就一齊喺張Bar枱度食嘢。
Jason話最鍾意個大廚房中間有張Bar枱,可以煮完之後就一齊喺張Bar枱度食嘢。(圖片來源:YouTube影片截圖)
陳智燊 Jason介紹新居共有四間房,兩個小朋友都可以各自有擁有一間睡房。
Jason介紹新居共有四間房,兩個小朋友都可以各自有擁有一間睡房。(圖片來源:YouTube影片截圖)
陳智燊 呢間咁闊落嘅原來係客房嚟!
呢間咁闊落嘅原來係客房嚟!(圖片來源:YouTube影片截圖)

而Sarah就最開心就是主人房內有一個步入式衣帽間,她表示之前在舊居也曾有一個衣帽間,但在生了兩個小朋友後,衣帽間就被小朋友的衫褲鞋襪和雜物霸佔了,因此現在搬新屋終於有番個屬於自己的衣帽間,令她非常開心。

陳智燊 新屋一入門口便有一個超大鞋櫃,不過Sarah就嫌棄個鞋櫃內櫳太深,會好難搵鞋。
新屋一入門口便有一個超大鞋櫃,不過Sarah就嫌棄個鞋櫃內櫳太深,會好難搵鞋。(圖片來源:YouTube影片截圖)
陳智燊 Sarah最開心就是主人房內有一個步入式的大衣帽間。
Sarah最開心就是主人房內有一個步入式的大衣帽間。(圖片來源:YouTube影片截圖)
陳智燊 由於租屋住預咗要經常搬家,Jason同Sarah話平日都好留意唔會儲太多垃圾。
由於租屋住預咗要經常搬家,Jason同Sarah話平日都好留意唔會儲太多垃圾。(圖片來源:YouTube影片截圖)

Jason指今次由決定睇樓、揀啱到搬屋,整個過程花了幾個月,搬屋亦花了差不多一個星期,共搬了兩次,他形容過程是「螞蟻搬屋」,因為想先安頓好兩個小朋友,所以第一次搬屋時,便將小朋友要用到的物件率先搬去新屋,第二次才開始搬一些大型的傢俬。

陳智燊 Sarah搞笑指今次搬屋所有搬搬抬抬嘢都係靠Jason,所以等Jason再老啲嘅話真係搬唔郁。
Sarah搞笑指今次搬屋所有搬搬抬抬嘢都係靠Jason,所以等Jason再老啲嘅話真係搬唔郁。(圖片來源:YouTube影片截圖)
陳智燊 不過Sarah亦有賣口乖話:「我老公都幾正嘅,未必好大隻,但係夠用!」
不過Sarah亦有賣口乖話:「我老公都幾正嘅,未必好大隻,但係夠用!」(圖片來源:YouTube影片截圖)

Sarah解釋選擇在深夜搬屋係因為日頭太熱,她又指由於小朋友都已入睡,令兩公婆好似在做小偷。期間Jason大讚Sarah提議用拖板搬屋好醒,Sarah則要求Jason講一百次她這個Idea好正,因為她當初話要用200蚊買這個拖板時,曾被Jason極力反對。

陳智燊 Sarah用200蚊買了個拖板搬屋,慳水慳力。
Sarah用200蚊買了個拖板搬屋,慳水慳力。(圖片來源:YouTube影片截圖)
陳智燊 Sarah指Jason有潔癖,所以做清潔活動都做到凌晨兩點,抹得特別辛苦。
Sarah指Jason有潔癖,所以做清潔活動都做到凌晨兩點,抹得特別辛苦。(圖片來源:YouTube影片截圖)
陳智燊 此外在搬家期間講到兩個小朋友時,Jason竟然叫錯自己囝囝Damon和Jamie的名字做Jamon和Damie,真係個烏龍爸爸!
此外在搬家期間講到兩個小朋友時,Jason竟然叫錯自己囝囝Damon和Jamie的名字做Jamon和Damie,真係個烏龍爸爸!(圖片來源:YouTube影片截圖)

延伸閱讀:

回顧陳智燊、宋熙年舊居三房兩廳

婚前喺將軍澳租個幾百呎細單位,婚後Jason同Sarah睇中馬鞍山,曾用近三萬月租租住天宇海一個過千呎單位,一直住到今次搬新屋。由於兩公婆轉職做咗 KOL,經常喺屋企就地取材拍片 sell 貨,再加上親子互動令每個屋企角落都係父子倆遊戲間,不經意將大屋布置間隔都曝埋光,目測屋中布置簡單又溫馨、大廳闊落走廊又長又深、起碼三房間隔,兩公婆、Damon、工人姐姐各有一間房,啱啱好唔使爭!

上個月啱啱至同兩歲 Damon 慶祝完生日,今個月細佬 Jamie 剛剛出世,不過離陳智燊生四個目標仲爭一段距離!
Damon將於今年8月踏入三歲大,細佬 Jamie 則出世了九個月,不過離陳智燊生四個目標仲爭一段距離!(圖片來源:新傳媒圖片)
陳智燊 婚前係電視台筍盤,婚後亦都愛家愛老婆 keep 住最佳狀態接 job 養家,Jason搞鬼舉啞鈴相背後,可見兩歲人仔 Damon嘅大作已經掛滿大廳。
婚前係電視台筍盤,婚後亦都愛家愛老婆 keep 住最佳狀態接 job 養家,Jason搞鬼舉啞鈴相背後,可見大仔 Damon嘅大作已經掛滿大廳。(圖片來源:新傳媒圖片)
陳智燊 小朋友事情唔止媽媽一個上心,暖男 Jason 除了幫手餵奶分擔家務外,早前透露用盡方法令抗拒口罩嘅 Damon 習慣戴口罩,終於成功氹掂小 Damon 一家人即時影相留念。
小朋友事情唔止媽媽一個上心,暖男 Jason 除了幫手餵奶分擔家務外,又曾用盡方法令抗拒口罩嘅 Damon 習慣戴口罩,終於成功氹掂小 Damon 一家人即時影相留念。(圖片來源:新傳媒圖片)

早在英國共同置業香港只租不買

一家四口加埋工人姐姐就話啱啱好,不過陳智燊一早揚言要跟自己屋企大家庭一樣,生夠四個至收手,相信宋熙年個肚有排都未收得工呢!其實18年先後離巢成為全職 KOL,兩公婆口齒伶俐形象討好大受品牌歡迎,高峰期一個月搵超過六十萬收入,一心組成大家庭、又正值事業搏殺期,一千呎邊夠住呀?原來兩公婆一早喺英國共同置業,終究會返Jason長大嘅英國養育兒女,所以有共識只喺香港租樓唔會置業,因此見到陳家裝修基本陳設簡單,完全唔覺得出奇!

陳智燊 抗疫期間加上媽媽安胎最緊要安全,幾個月來Damon冇得去公園,家中大廳就劃出專屬安全又舒適嘅遊戲區,爸爸媽媽輪流陪玩。
抗疫期間加上媽媽安胎最緊要安全,去年Damon冇得去公園,Jason就在家中大廳劃出專屬安全又舒適嘅遊戲區,爸爸媽媽輪流陪玩。(圖片來源:新傳媒圖片)
陳智燊 陪囝囝放電,反而搞到自己冇晒電!
陪囝囝放電,反而搞到自己冇晒電!(圖片來源:新傳媒圖片)
陳智燊 陳氏伉儷形象討好成為各大家居品牌紅人,sell貨之餘,都可見千呎家居四正又實用,最少有三房,長廊行到尾係主人房,夠闊落又光猛。
陳氏伉儷形象討好成為各大家居品牌紅人,sell貨之餘,都可見千呎家居四正又實用,最少有三房,長廊行到尾係主人房,夠闊落又光猛。(圖片來源:新傳媒圖片)
陳智燊 邊畫邊認動物同生字自然學得快又記得更生動,最緊要全程有爸爸陪玩陪學。
呢一代港爸港媽提倡玩樂中學習亦都不能扼殺孩子創意,所以大廳地板變咗Damon畫板任畫唔嬲,邊畫邊認動物同生字自然學得快又記得更生動,最緊要全程有爸爸陪玩陪學。(圖片來源:新傳媒圖片)
陳智燊 為新成員布置育嬰室又可以順手介紹吓代言產品,亦可見房簡潔光猛仲大把空間。
為新成員布置育嬰室又可以順手介紹吓代言產品,亦可見房簡潔光猛仲大把空間。(圖片來源:新傳媒圖片)
陳智燊 年初城中鬧廁紙荒,負責採購日用品嘅Jason感慨唔夠師奶大媽搶,不過網民焦點就放晒喺個廁所裝修又大又豪華。
去年初城中鬧廁紙荒,負責採購日用品嘅Jason感慨唔夠師奶大媽搶,不過網民焦點就放晒喺個廁所裝修又大又豪華。(圖片來源:新傳媒圖片)

常見問題

世界盃熱播中,電視台劇集方面有咩特別安排?

IFA卡塔爾世界盃足球賽於11月舉行,每天都有隊伍晉級,分組賽中勝出者分別為…即看世界盃2022賽果一覽;想知道每天世界盃賽事賽果及各個小組積分表、出線走勢,按此看世界盃分組賽積分表;如想知道世界盃外圍賽五大洲各出線國家隊伍的戰績及積分榜,按此看世界盃2022外圍賽詳情;各個國家除了競逐冠軍錦標外,每國球員也同時爭取個人榮譽及獎項,按此看世界盃神射手及助攻王排行榜。而電視台劇集方面,TVB台慶檔劇集陣容強勁,包括:晚上8:30黃宗澤蔡思貝主演嘅《法證先鋒V》,按此看劇集&角色介紹;到9:30播放《鐵拳》班底拍攝嘅《超能使者》,按此看劇集&角色介紹;而ViuTV熱播中嘅原創劇《繩角》即將進入結局周⋯⋯按此看大結局劇情劇透

聖誕快將來臨,而2022到2023演唱會更是多鑼鑼,有咩搶飛攻略?

一年一度的聖誕節又到啦!今年聖誕各個商場都有各式各樣的聖誕擺設,小編為你整合多個聖誕好去處2022聖誕餐廳推介,與親朋戚友一同品嘗聖誕大餐。而交換禮物更是每年聖誕必備環節,不同價位的實用聖誕禮物推薦,定有一款啱你心意!而隨著疫情過去,有不少歌手宣布舉辦演唱會,例如:MC張天賦演唱會(12月20日公開發售)Westlife演唱會(12月1日公開發售)、許廷鏗演唱會(12月2日公開發售),更有Twins演唱會鄭秀文演唱會Clockenflap;喜歡K-pop的你亦有福了,因不少韓國天團更宣布有巡迴演唱會香港站,即睇:AOMG香港演唱會,5大人氣歌手大唱Hip Hop騷(12月5日公開發售)、MAMAMOO演唱會!小編為你整合了優先購票日期、公開售票日期、門票價錢、座位表等,想搶飛粉絲必定要留意!

最新吃喝玩樂資訊