陳凱琳
陳凱琳

香港小姐2022|陳凱琳親授師妹面對是非心得 爆金句又再惹林作抽水

影視娛樂

廣告

前港姐冠軍陳凱琳(Grace)的龍鳳胎弟弟Derek由於混血味濃,經常被指完全唔似爸爸,而一直都被質疑是否「親生」,早前林作公開表示願出100萬,希望Derek與父親驗DNA,成為滿城熱話,直至Derek離開香港後,這場風波才正式平息,但Grace一家一直都未有就事件正面回應。日前Grace現身向20位應屆香港小姐佳麗傳授其參選心得,講到如何化解面對是非時的壓力,Grace直言「冇一單新聞係會永永遠遠嘅」,唔知係咪就係講緊林作單新聞呢?

陳凱琳 向師妹分析社交媒體利弊

陳凱琳(Grace)自2018年嫁給鄭嘉穎,並先後生下兩子後,就無再拍劇,主力轉型做KOL,目前其IG已有超過72萬位粉絲,她日前現身同20位應屆香港小姐佳麗見面時,就親自向佳麗們傳授其經營社交媒體的心得,她笑言自己9年前參選港姐時,連IG都冇,只能用1分鐘的時間去表達自己,而現在的佳麗就可以透過社交網去讓大家認識自己,但壞處就係要直接承受外間的批評。不過她又表示:「冇一單新聞會係永永遠遠嘅,可能過幾日之後大家就會move on去另一樣嘢度,所以唔好畀自己咁大壓力!」

陳凱琳 陳凱琳勉勵各位佳麗:「冇一單新聞會係永永遠遠嘅,可能過幾日之後大家就會move on去另一樣嘢度。」
陳凱琳勉勵各位佳麗:「冇一單新聞會係永永遠遠嘅,可能過幾日之後大家就會move on去另一樣嘢度。」(圖片來源:[email protected]娛樂新聞台)

遺憾未有與同屆佳麗建立友誼

Grace又話面對今屆的20位佳麗,勾起她當年參選時的回憶,她直言好遺憾當年無更好地同其他佳麗建立友誼:「因為當時我好保守亦好驚青,可能係因為嗰陣我啱啱喺外國返嚟,中文唔係好叻,唔識得點同大家溝通,依家睇返,都好希望可以真係20個齊人出嚟聚會,當然其實係好難,因為大家都去咗唔同嘅地方,但我覺得呢個友誼係好重要,因為參選時一有咩唔開心,最了解你嘅就係你身邊嗰19位。」

陳凱琳 2013年香港小姐冠亞季軍,分別是陳凱琳、蔡思貝和劉佩玥。
2013年香港小姐冠亞季軍,分別是陳凱琳、蔡思貝和劉佩玥。(圖片來源:新傳媒照片庫)
陳凱琳 當屆參選的十強佳麗分別有由左至右)張敬仁、劉佩玥、沈桂澄、劉溫馨、梁家欣、歐陽巧瑩、蔡思貝、徐韶蓓、陳凱琳、陳偉琪。
當屆參選的十強佳麗分別有(由左至右)張敬仁、劉佩玥、沈桂澄、劉溫馨、梁家欣、歐陽巧瑩、蔡思貝、徐韶蓓、陳凱琳、陳偉琪。(圖片來源:新傳媒照片庫)

林作之後亦有公開回應陳凱琳的看法,並寫道:

我就證明俾你睇,係有嘅

陳凱琳 報道見街後,林作再抽水。
報道見街後,林作再抽水。(圖片來源:林作Facebook截圖)

張靜婷被網民話整容壓力大

分享會過後,17號張靜婷就講到自己因為被網民話整容,而備受壓力,仲忍唔住喊了出來,她表示得知Grace也承受過同樣的事情後,感覺自己接受能力高咗好多。而8號林鈺洧就話自參選以來,就因為擔心而一直唔敢出Post,就連食少少嘢都驚會被人話唔努力,自己驚咗先,但經過呢日佢就話心情放鬆咗唔少。

陳凱琳 17號張靜婷
17號張靜婷(圖片來源:[email protected]娛樂新聞台)
陳凱琳 8號林鈺洧
8號林鈺洧(圖片來源:[email protected]娛樂新聞台)

陳婉怡選港姐為挑戰自己

5號陳婉怡被Grace指太怕醜太文靜,她表示就係因為以前返工唔會學識到咁多儀態上嘅嘢,同見識到咁多人,所以想喺個舞台上面挑戰一下自己。而6號林泳怡就話自己一向都好鍾意Grace,經過今次見面已經非常滿足,又大讚Grace真人好靚、情商好高。2號林曉彤就話Grace教了她們一些參選的小貼士,自己會好好練習咁話。

陳凱琳 5號陳婉怡
5號陳婉怡(圖片來源:[email protected]娛樂新聞台)
陳凱琳 6號林泳怡
6號林泳怡(圖片來源:[email protected]娛樂新聞台)
陳凱琳 2號林曉彤
2號林曉彤(圖片來源:[email protected]娛樂新聞台)

即睇師姐陳凱琳親授港姐佳麗參選貼士:

重溫陳凱琳弟Derek血統事件懶人包!

事緣陳凱琳弟弟Derek近日在個人社交平台上載肉緊攬實爸爸的合照,相中陳父坐在他大腿上並啜手指,畫面溫馨,他用英文寫道:「你真的長大了很多,很為你感到驕傲呢!」。不過不少網民又再質疑二人是否親生父子,因為爸爸膚色較白,而Derek膚色較深,而且輪廓深像外國人,父子外貌不太似樣,頓時再次成為網友焦點。

林作 陳凱琳
(圖片來源:[email protected]_hcc)
陳凱琳
(圖片來源:連登討論區)
林作 陳凱琳
(圖片來源:[email protected]_hcc)
林作 陳凱琳
(圖片來源:[email protected]_hcc)

陳凱琳弟弟Derek曾於Instagram個人檔案中強調自己是100%香港人。

陳凱琳
(圖片來源:[email protected]_hcc)

林作出一百萬抽出求驗DNA

及後有「抽水王」之稱的林作近揚言願意拿出早前與鍾培生拳賽中得到的100萬,要求Derek與爸爸驗DNA證實是親生父子關係:「本人願意用100萬港幣向Derek Chan not Cheung 發出挑戰:俾(畀)你一條毛俾(畀)我。同埋你老豆(竇)一條毛。如果DNA比照證實你地(哋)係父子,我俾(畀)100萬你。如果唔係,順便比照係咪有印巴血統。順便咋,純八卦,驗到冇嘅我都俾(畀)100萬你。冇他,純碎(粹)之前嗰個Derek(鍾培生)俾(畀)咗我一百萬零用錢冇錠(碇)使。同埋真心好奇及堅信不移。Derek,你願意接受挑戰嗎?」

林作 陳凱琳
(圖片來源:[email protected]

鄭嘉穎、陳凱琳胞姊出面回應 林母加碼至1000萬

事件鬧大之後,林作曾透露陳凱琳胞姊Joyce曾回覆表示100萬似乎太少,及後林作即時作出反應,找到林媽媽做金主將酬勞推至1,000萬!鄭嘉穎在出席活動受訪時,表示指陳凱琳細佬及家人心情都好正常,而嘉穎亦認為大家很清楚林作有何目的,不回應就是最好的回應,總之事件對他們一家人並沒有影響。

林作 陳凱琳
(圖片來源:[email protected]
陳凱琳 林作
林作轉載疑似陳凱琳家姐Joyce發出的帖文。(圖片來源:[email protected]
陳凱琳
(圖片來源:[email protected])
陳凱琳
(圖片來源:[email protected])

林作聲稱已掌握Derek DNA 證據!可以慳返1000萬

雖然事件隨住Derek 宣布離開香港後已經逐漸掉淡,但林作在6月27日突然更新IG,表示已收到Derek的DNA資料,更聲稱資料來源是「某間醫學公司」,寫道:「除非到今晚9點,這個post有兩千個like,及IG及FB Page followers到45K,本人才會考慮公開一旦獲得的任何結果。」

陳凱琳
(圖片來源:[email protected]

公開陳凱琳弟弟離開香港真正原因 林作寸爆兩姊弟

不過其實林作早前在IG已分享於Derek宣布離港的片段,並發長文道歉,並收回1,000萬挑戰,希望挽留對方。當時已很多網民議論紛紛,批評林作玩出火:「老友,過咗火位啦」、「人地(哋)家事關你X事咩」、「覺得你無資格叫人留定走,搞完人哋再叫人唔好唔開心?」文中,林作聲稱Derek是因為不堪身世疑雲的壓力而離開香港,但其實今年四月尾,陳凱琳接受傳媒訪問時已指弟弟Derek將會跟老婆移民加拿大,一早計劃要展開新生活,她表示從來未試過與弟弟分隔如此長時間,坦言非常不捨。

陳凱琳
(圖片來源:[email protected]
陳凱琳
(圖片來源:[email protected]

離港前夕 陳凱琳鬆口似揶揄林作

日前陳凱琳與兩姊弟出海在船上搞派對,而陳凱琳於Instagram限時動態分享姊弟於Derek移民前最後一次合體慶生的合照,寫道:「Best night ever (有史以來最好一夜)」Derek就於社交平台上載慶祝生日的短片,寫道:「I’m gonna miss y’all so much.(我會好掛住你哋。)」

不過林作就即時出Post寸爆陳凱琳與Derek:「好了,這次風波終於到了一個段落。祝Derek到了加拿大後生活愉快,婚姻美滿,連生貴子。希望到時會分享啲BB仔生得係咪好得意,係咩樣。唯一奇怪係佢家姐臨別一晚話係有史以來最開心一晚,即係話弟弟走係令佢人生最開心嘅事。係咪因為以後冇人再話佢呢?」

陳凱琳
(圖片來源:[email protected]
陳凱琳
(圖片來源:[email protected]_hcc)

原來兩姊弟與朋友去赤柱玩,陳凱琳又再感觸說:「A night to remember(要記住的一晚)」

陳凱琳
(圖片來源:[email protected]
陳凱琳
(圖片來源:[email protected]

陳媽媽剖白子女被指似印度人之謎

其實陳凱琳母親劉惠嫺Connie曾接受港台節目《舊日的足跡》訪問,曾罕有開腔為子女的混血外表解畫。Connie表示Grace與Derek出世時與長女Joyce同樣白淨,不過後來兩姐弟去到14至15歲突然變得眼大臉尖,而細佬Derek更生多了鬚根。Connie又透露自己母親擁南亞血統:「可能我媽媽係馬來西亞人,擁有亞裔嘅容貌,細佬又喜歡戶外活動,又或者加拿大嘅食物有好多荷爾蒙啦」。所以 Grace和細佬Derek都有著混血的外表。

陳凱琳父母都是中國人,Grace與龍鳳胎弟弟Derek的外表卻像混血兒,不時成為網民討論焦點。
陳凱琳父母都是中國人,Grace與龍鳳胎弟弟Derek的外表卻像混血兒,不時成為網民討論焦點。(圖片來源:[email protected]
陳凱琳母親劉惠嫺Connie早前接受港台節目《舊日的足跡》訪問,曾罕有開腔為子女的混血外表解畫。
陳凱琳母親劉惠嫺Connie早前接受港台節目《舊日的足跡》訪問,曾罕有開腔為子女的混血外表解畫。(圖片來源:[email protected]_hcc)

Derek於2021年升呢做人夫

2021年三月陳凱琳孖生細佬Derek報喜,升呢人夫,陳凱琳升呢姑奶當然開心,同時亦令全家高顏值都齊齊曝光,原來陳凱琳仲有個家姐,不過當時已經因為大家姐同陳凱琳及孖生細佬好唔似樣,細佬樣子更被指似印度人。

林作 陳凱琳在細佬婚後兩日出po祝賀:「Call me 二姑奶 Congratulations to my little brother @derek_hcc for marrying the love of his life! 由細睇到你大⋯你真係大個仔啦!要好好錫老婆!」
陳凱琳在細佬婚後兩日出po祝賀:「Call me 二姑奶 Congratulations to my little brother @derek_hcc for marrying the love of his life! 由細睇到你大⋯你真係大個仔啦!要好好錫老婆!」(圖片來源:[email protected]
林作 陳凱琳細佬Derek都成為人夫,陳家三姊弟都已結婚。 Photos: @tikitproduction
(圖片來源:[email protected]_hcc)
陳凱琳 林作 Photos: @tikitproduction
(圖片來源:[email protected]_hcc)
林作 陳凱琳在Derek出post留言:To the most beautiful and loving couple ❤️ wish you all the best from the bottom of my heart Photos: @tikitproduction
(圖片來源:[email protected]_hcc)
林作 一家五口的全家福中,可以見到大家姐同父母最似樣,都係純正中國人樣,但陳凱琳同孖生細佬,點睇都以為佢哋係mix!
一家五口的全家福中,可以見到大家姐同父母最似樣,都係純正中國人樣,但陳凱琳同孖生細佬,點睇都以為佢哋係mix!(圖片來源:[email protected]
林作 弟婦(左)早已融入家中,之前細佬 Derek帶住她到陳凱琳家中慶祝聖誕節。
弟婦(左)早已融入家中,之前細佬 Derek帶住她到陳凱琳家中慶祝聖誕節。(圖片來源:[email protected]_hcc)

陳凱琳細佬Derek踏入人生新一頁,升呢姑奶的陳凱琳同老公鄭嘉穎孖住出席婚禮見證,不過未見一對寶貝囝囝,問到陳凱琳對細佬有何「訓言」?陳凱琳話冇,因為細佬同女友都拍咗拖一段日子,明言唔會催細佬生B,仲叫細佬幫忙湊自己一對囝囝取經驗,升呢姑奶的陳凱琳話送上利是作賀禮﹗

林作 陳凱琳表示細佬與女友拍拖一段時間。
陳凱琳表示細佬與女友拍拖一段時間。(圖片來源:[email protected]_hcc)
林作 陳凱琳唔止同細佬感情要好,跟弟婦(前排左二)一樣好friend。
陳凱琳唔止同細佬感情要好,跟弟婦(前排左二)一樣好friend。(圖片來源:[email protected]_hcc)

常見問題

香港小姐2022佳麗張靜婷有什麼壓力?

17號張靜婷就講到自己因為被網民話…詳情請看

陳凱琳覺得當年參選時有什麼遺憾?

陳凱琳直言好遺憾當年無更好地同其他佳麗建立友誼:「因為當時我好…詳情請看

撰文:東方新地圖片來源:[email protected]娛樂新聞台、新傳媒照片庫資料或影片來源:[email protected]娛樂新聞台

最新吃喝玩樂資訊