陳凱琳
陳凱琳

陳凱琳貼一家五口全家福反擊林作 出100萬驗DNA被嫌太少有金主科水

影視娛樂

廣告

陳凱琳(Grace)的龍鳳胎細佬Derek由於貌似混血兒,不時被網民質疑他和陳父陳母的血緣關係,近日「抽水王」林作更提出用100萬利誘Derek和陳父去驗DNA,引起網民熱討!一直無開腔回應的陳凱琳,今日(6月23日)就趁著兩姊弟31歲生日,在IG分享了一段一家五口全家福影片,反擊林作!

陳凱琳:我們全家充滿愛

陳凱琳在社交網post出和父母及家姐、細佬一起拍攝的全家福影片,同時又用英文表示:「如果不是因為我們美麗、美妙、耐心、堅韌、善良、傻氣、有趣、搞笑、支持和絕對充滿愛的家庭,我們不會成為今天的我們!父母對我們來說意味著世界,謝謝你們為我們的生日帶來快樂。」力證一家人的心情都無受林作影響。

陳凱琳 陳凱琳一家五口一齊去影全家福,以慶祝她和細佬的31歲生日。
陳凱琳一家五口一齊去影全家福,以慶祝她和細佬的31歲生日。(圖片來源:[email protected]

鄭嘉穎:唔回應就係最好嘅回應

鄭嘉穎在出席活動受訪時,亦有代老婆發言,指林作今次掀起的「抽水」風波,絕對無破壞他們一家人的心情,他表示指陳凱琳細佬及家人心情都好正常,而嘉穎亦認為大家很清楚林作有何目的,不回應就是最好的回應,總之事件對他們一家人並沒有影響。

陳凱琳 鄭嘉穎話冇送生日禮物畀太太,但就去咗佢哋每年都去嘅一間餐廳度食飯慶祝。
鄭嘉穎話冇送生日禮物畀太太,但就去咗佢哋每年都去嘅一間餐廳度食飯慶祝。(圖片來源:[email protected]

林作指獲母親資助500萬

另一方面林作就轉載了一個疑似陳凱琳家姐Joyce發出的帖文,內容話:「林作先生,100萬會唔會少咗啲?」,林作加以「解讀」指:「佢嘅意思係願意做test,但價格出手太低!…本人馬上聯絡身在深圳嘅林母,睇吓佢可否返嚟幫拖。」其後林作上載了自己與林母的對話,又貼出林母的相片,指林母對他想借500萬來驗證Derek血統問題的要求,表示:「OK!」

陳凱琳 林作
林作轉載疑似陳凱琳家姐Joyce發出的帖文。(圖片來源:[email protected]
陳凱琳 林作又貼出母親照片,話佢對自己要借錢嘅要求表示OK。
林作又貼出母親照片,話佢對自己要借錢嘅要求表示OK。(圖片來源:[email protected]

林作拒認種族歧視

之後林作又發長文表示自己反對種族歧視,同時不認同混血比純種低賤,他說:「一方說我破壞人家家庭,多管閒事製造話題。話題不是我製造的,是媒體和網民製造的,我只是加把口,但我是大家裡面最敢言、最有知名度的而已。另一方面的人,一直在暗示明示陳爸爸被戴綠帽。我完全不認同這樣的取笑,本人也從未如此指控。…我XX就僅僅是說這不可能是兩父子而已,因為一個是100%南方華人,另一個,在我看來,是99%印裔。…批評我不要緊,但搞清楚我在說甚麼,不要誤解我。」

林作 陳凱琳
林作做法惹來網民爭議。(圖片來源:[email protected]

林作挑機陳凱琳細佬Derek 以100萬要求驗父子DNA:盲嘅都睇得出

陳凱琳的龍鳳胎細佬Derek日前趁著父親節,在社交網分享了一張與爸爸的合照,相中陳父坐在兒子大腿上,更含著手指公扮BB,Derek亦搞笑地寫上:「父親節快樂!你長大了很多,為你驕傲!」大玩父子調轉身份。但因為他擁有像混血兒般的外貌,膚色也比起爸爸深色得多,令他兩父子的血緣關係再度成為網友焦點,連林作都趁機出post抽水。

林作 陳凱琳細佬Derek日前趁著父親節,在社交網大晒與爸爸的溫馨父子合照。
陳凱琳細佬Derek日前趁著父親節,在社交網大晒與爸爸的溫馨父子合照。(圖片來源:[email protected]_hcc)

林作豪言畀100萬驗DNA:順便比照係咪有印巴血統

一向愛抽水的林作,在社交網轉發了相關的報道,表示:「本人願意用100萬港幣向Derek Chan not Cheung 發出挑戰:畀你一條毛畀我。同埋你老豆一條毛。如果DNA比照證實你地係父子,我畀100萬你。如果唔係,順便比照係咪有印巴血統。順便咋,純八卦,驗到冇嘅我都畀100萬你。冇他,純粹之前嗰個Derek畀咗我一百萬零用錢冇埞使。同埋真心好奇及堅信不移。Derek,你願意接受挑戰嗎?」

陳凱琳 林作 林作話要畀100萬Derek,要求佢兩父子去驗DNA,順便驗埋係咪有印巴血統。
林作話要畀100萬Derek,要求佢兩父子去驗DNA,順便驗埋係咪有印巴血統。(圖片來源:[email protected]

林作回應網民批評:老老實實,想唔想知先?

有不少網友批評林作今次的言論玩得太過火,紛紛指摘他不應干預別人的家事等,對此林作回應:「唔好再喺度話我多管閒事,我淨係問你兩句:第一,佢哋係咪公眾人物,係,就有公眾利益,也必須承受被人指指點點,我都係市民一個。第二,老老實實,想唔想知先?」

陳凱琳 林作 林作回應網民留言,問佢哋:「老老實實,想唔想知先?」
林作回應網民留言,問佢哋:「老老實實,想唔想知先?」(圖片來源:[email protected]
陳凱琳 林作 仲話大家都好鍾意佢嘅做法!
仲話大家都好鍾意佢嘅做法!(圖片來源:[email protected]

林作解釋挑機原因:實在忍了太多年

之後林作接受傳媒訪問,被問到是否未使完鍾培生給的100萬?他表示100萬求其在他床下底搵出來都有。而講到為何突然向Derek發出挑戰,他就回答自己實在忍了太多年。他說這是一種公義,因為盲的都睇得出(他們是否有血緣關係),但這麼多年來卻無人肯企出來講,所以需要敢言的林作站出來。

林作 陳凱琳入行9年,其細佬與父母差異甚大的混血兒樣貌亦被人講足9年。
陳凱琳入行9年,其細佬與父母差異甚大的混血兒樣貌亦被人講足9年。(圖片來源:[email protected]

陳媽媽曾剖白子女被指似印度人之謎

其實陳凱琳母親劉惠嫺Connie曾經接受港台節目《舊日的足跡》訪問,罕有開腔為子女的混血外表解畫。Connie表示Grace與Derek出世時與長女Joyce同樣白淨,不過後來兩姐弟去到14至15歲突然變得眼大臉尖,而細佬Derek更生多了鬚根。Connie又透露自己母親擁南亞血統:「可能我媽媽係馬來西亞人,擁有亞裔嘅容貌,細佬又喜歡戶外活動,又或者加拿大嘅食物有好多荷爾蒙啦」。所以 Grace和細佬Derek都有著混血的外表。

林作 陳凱琳父母都是中國人,Grace與龍鳳胎弟弟Derek的外表卻像混血兒,不時成為網民討論焦點。
陳凱琳父母都是中國人,Grace與龍鳳胎弟弟Derek的外表卻像混血兒,不時成為網民討論焦點。(圖片來源:[email protected]_hcc)

早前陳凱琳孖生細佬Derek報喜,升呢人夫,陳凱琳升呢姑奶當然開心,同時亦令全家高顏值都齊齊曝光,原來陳凱琳仲有個家姐,不過大家姐同陳凱琳及孖生細佬好唔似樣,細佬樣子更被指似印度人。

林作 陳凱琳在細佬婚後兩日出po祝賀:「Call me 二姑奶 Congratulations to my little brother @derek_hcc for marrying the love of his life! 由細睇到你大⋯你真係大個仔啦!要好好錫老婆!」
陳凱琳在細佬婚後兩日出po祝賀:「Call me 二姑奶 Congratulations to my little brother @derek_hcc for marrying the love of his life! 由細睇到你大⋯你真係大個仔啦!要好好錫老婆!」(圖片來源:[email protected]

其實早在Grace當選港姐時已被誤會是混血兒,不過父母都中國人臉孔,曾引起一陣話題。當年陳凱琳曾回應傳媒說: 「我係爸爸媽媽親生,細佬同我一樣,由細到大都鬼鬼哋⋯」

林作 一家五口的全家福中,可以見到大家姐同父母最似樣,都係純正中國人樣,但陳凱琳同孖生細佬,點睇都以為佢哋係mix!
一家五口的全家福中,可以見到大家姐同父母最似樣,都係純正中國人樣,但陳凱琳同孖生細佬,點睇都以為佢哋係mix!(圖片來源:[email protected]
林作 陳凱琳細個已經被人話似混血兒,細佬則由細到大都膚色較黑。
陳凱琳細個已經被人話似混血兒,細佬則由細到大都膚色較黑。(圖片來源:[email protected]

撰文:東方新地圖片來源:[email protected][email protected]

最新吃喝玩樂資訊