陳冠希、余文樂昔日死敵今一同變大叔!吳彥祖髮線再上移變甩毛男神
廣告
明星似乎特別襟老,大部分都像食了防腐劑一樣,凍齡般廿年不變,年過半百的劉德華、郭富城就係表表者,開十幾場演唱會又唱又跳都應付自如,仲有仲有年過六十的周潤發、苗僑偉,都仲係咁有型靚仔,要數真係有排數,難怪穩坐多年男神位置。之不過身為佢哋後輩、未到四字頭嘅陳冠希、余文樂,曾是那些年的男神,不但守唔住呢個稱號,雙雙已經變成大叔,粉絲睇見偶像崩壞,真係喊咁口!
撰文、圖片:東方新地
陳冠希未到40已變大叔
去年正式踏入40歲的陳冠希(Edison)近年移居美國,專注其時裝品牌生意,17年和中國名模秦舒培結婚,同年3月升呢為人父,囡囡Alaia剛滿三歲,升呢人父後的 Edison 錫女錫到燶,IG 大部分也是妻女的生活照,閒時一家三口去遊樂場,好一個典型幸福家庭,昔日壞孩子似乎改變了,過去媾女四圍蒲的日子不再。之不過連外型都有好大變化,20歲一出道因為個樣鬼鬼地加上五官標緻,立即成為萬人迷,不過昔日的萬人迷,現在臉上一道道的皺紋、眼神變慈祥同時都變得甚為蒼老,未到四十歲已經變大叔!
白鬚蒼蒼 39歲余文樂
陳冠希死敵余文樂是同期出道,曾為爭女爭上位,屢傳不和,雖然大家已不在同一圈子,不過似乎仍互睇大家唔順眼,早前余文樂潮牌出品的衫引起風波,要道歉補鑊,相隔半個地球之遠的 Edison,立即在其時裝品牌網頁推出一件印有禁止666圖案的 T 恤(余文樂的 IG 帳號是 lok666),明揶揄對方。兩宿敵爭餐死,依家都出現未老先衰的跡象,余文樂近來突然留鬚,而且鬍鬚灰白,老咗十年有多,當日青靚白淨版靚仔已不復在。
![模特兒出身的余文樂,加入娛樂圈後,由於外形可塑性高,外界對其一時文青,一時健康男孩都好受落,甚受廣告商歡迎,演藝事業一帆風順。](https://imgs.weekendhk.com/wp-content/uploads/2020/03/lok_1163a_aunt_p8_9_7798118945e7313f73f0ac-564x800.jpg)
![余文樂跟 I.T 老闆沈嘉偉成為朋友,品味及人際網絡都大大提升,亦成為潮人代表。後來有樣學樣創立自家潮牌,加上其人氣,財源滾滾來,近年又成立電競隊,顧住做生意,演藝事業已放埋一邊。變成生意人的余文樂,仍然一身潮牌放上身,但已現老態。](https://imgs.weekendhk.com/wp-content/uploads/2020/03/y1_1163a_aunt_p8_9_5621279005e7313f94ca40-576x800.jpg)
甩毛男神46歲吳彥祖
吳彥祖和太太LisaS.及現年6歲囡囡Raven移居美國,近日到訪台灣,被當地女藝人貼出合照,網民驚訝不已,並不是因為久未露面,而是被稱為一代男神吳彥祖的髮線嚇親,相片可見其髮線嚴重向上移,頭髮稀疏,網民悲痛大叫男神崩壞。
![吳彥祖當年被美學大導楊凡睇中邀拍《美少年之戀》而入行,五官突出,身形健碩、ABC式唔鹹唔淡的廣東話,一出道就迷死少男少女。熱愛功夫的吳彥祖操到六嚿腹肌,雖然不再少年,不過愈來愈有男人味,男神之位當之無愧。](https://imgs.weekendhk.com/wp-content/uploads/2020/03/a9_1163a_aunt_p8_9_2885132455e7313f4ae70e-577x800.jpg)