鍾嘉欣
鍾嘉欣

鍾嘉欣被指「假面事件」累街坊 再有網民列表疑揭多個「偽人」真面目

影視娛樂

廣告

鍾嘉欣早前被網民狠批人前人後兩個樣,私底下經常對人黑口黑面,近日再有網民在社交網專頁開post,大談「呢個圈藝人,真係人前人後兩個人,有啲好好人,有啲真係乜咁大個鼻(意指態度囂張)」,並列出他所接觸過的「冇架子」和「乜咁大個鼻」的藝人,引來不少網民大講自己的親身經歷,疑似揭穿藝人私底下的「大鼻」真面目!

鍾嘉欣 有網民在社交網專頁開post,大談「人前人後兩個人」的藝人。
有網民在社交網專頁開post,大談「人前人後兩個人」的藝人。(圖片來源:[email protected]文人多說話)
鍾嘉欣 鍾嘉欣早前被網民狠批「人前人後兩個樣」。
鍾嘉欣早前被網民狠批「人前人後兩個樣」。(圖片來源:[email protected]
鍾嘉欣 被指「乜咁大個鼻」藝人有超過20名。
被指「乜咁大個鼻」藝人有超過20名。(圖片來源:[email protected]文人多說話)

鍾嘉欣以外 「烈女」被列為「大鼻藝人」No.1

該名在社交網專頁開post的網民,以不開名的方式,列出了超過20名他接觸過的「乜咁大個鼻」藝人,包括「烈女」、「亞視副總裁」、「命硬」、「游水New」、「勁舞Dancing Queen」、「男人最痛」、「痰+E」、「越難越愛」等等,不過就無講到話對方「大鼻」的原因,其中他將「烈女」列為「大鼻藝人」No.1,有網民就認同指:「10幾年前同太太去四川影婚照,回港時當地候機室見到裂女,佢本身已經西口西面,之後有粉絲想同佢合照,佢話ok,但我之後聽到佢X助手:『有烏蠅嚟就幫我撥走佢啦』,正pk。」

亦有多個網民憶述:「N年前同烈女做個一次訪問咁大把,當時book咗間靚餐廳喺落場時間做訪問,結果佢遲咗到仲一嚟到就傾咗半個鐘頭電話先埋位,當然佢同經理人公司同事係當無事發生過一樣。」、「烈女早就臭名遠播,劇本又唔熟,埋位前就乜X都話得,一埋位就噏唔出,累全世界冇得收工,佢係正宗冚家X。」、「裂女好X巴閉咖,晚上龍崗道泊求其低架車就走入老麥買包,然後叫人快啲俾佢,十足啲廢老咁巴閉囉。」

鍾嘉欣
(圖片來源:[email protected]文人多說話)
鍾嘉欣
(圖片來源:[email protected]文人多說話)
鍾嘉欣 唱《烈女》的楊千嬅,疑似被網民列為「大鼻藝人」No.1
唱《烈女》的楊千嬅,疑似被網民列為「大鼻藝人」No.1(圖片來源:[email protected]

「E神」被指與粉絲合照後打去學校投訴

這個post又引來不少網民大講自己的親身經歷,其中有網民表示:「我小學個陣E嚟我哋學校附近拍電影。有幾個同學好中意佢,所以佢哋去問E可唔可以影相。E話可以,仲企到好埋笑面迎人咁同佢哋合照。結果轉個頭就打左去我學校度X校長老師唔識教學生 (真係爆晒粗個種) ,然後要求學校記佢哋「大過」。第二日校長特登在早會講,同我哋學生講個社會就係咁,最後學校當然采佢老X,而本身忠粉嘅同學都即刻脫飯。」

該名網民續說:「嗰時係冇智能手機,同學係用即影即有。後來我哋估因為E同助手唔會認得套校服,所以要睇相去認校徽,先可以打去投訴,所以先應承合照。所以都好好奇點解佢咁有心機時間去投訴人。」又解釋:「即影即有影出嚟嘅就直接係一張相,當時話E有要求一張佢keep,所以班同學都勁開心,以為係重視fans嘅表現。係事件發生後先估係咪咁先搵到學校,因為校服上面係有校徽。校長嗰時都有同我哋全校講話:『唔可以着校服喺街度流連』呢條校規其實都係保障大家,換咗套衫係冇人搵到你學校。」

這位網民對「E神」的爆料引來眾多網民熱烈討論,有網民指:「小學生咋喎…佢都要咁?」、「真係好陰濕!」不過亦有不少網民力撐「E神」私下係好Nice同好「吹得」。

鍾嘉欣 有網民話「E神」好Nice,亦有網民爆料,指「E神」曾經同粉絲合照後,去對方學校投訴。
有網民話「E神」好Nice,亦有網民爆料,指「E神」曾經同粉絲合照後,去對方學校投訴。(圖片來源:[email protected]文人多說話)

「𡃁坤」被指脾氣古怪EQ低

亦有網民講話最難相處的藝人係「𡃁坤」:「唔係佢鐘意扮大牌攞架子,係佢本身個人脾氣真係好古怪好難埋到身,佢D思想行為其他人好難GET到,不過鏡頭前佢又真係一個好出色專業嘅演員。」獲得其他網民認同指:「曾經做過一間餐廳serve過佢,佢真係怪怪哋。」、「佢係有啲古怪,同埋你係估唔到佢原來幾天真!難聽啲講有少少X居」、「識得佢圈子嘅人,話佢其實係eq低,性格好傲嬌,似小學雞,係燥底d,但個人其實無咩機心,好真實」等等。

鍾嘉欣
(圖片來源:[email protected]文人多說話)

「男人最痛」見網民擰歪面

有網民就講到:「男人最痛我好多年前係機場同佢面對面行過,佢一見我望到佢即刻好快擰歪面,好似好驚我會同佢打招呼咁,當時我嗰一秒都未撈到佢係邊過,佢真係當左自己大明星,以為人地一見到佢就會拎簽名」引來網民認同話:「好多奀星都係咁情況!大佬我都噏唔出你個名係熟口面唔使即刻擰歪面嘛!反而真係大明星真係唔會咁做!」、「真係奀星專係咁,同一個情況我係筲箕灣見到曹永廉,佢又係擰歪面,真係吹脹!」

鍾嘉欣
(圖片來源:[email protected]文人多說話)

「木偶怡」被指好冇禮貌兼臭串

有網民就話:「以前做Sales遇過木偶怡,佢真係好冇禮貌同好臭串,嗰時佢仲要係二線姐仔,我到而家都好憎佢!重點佢個鼻堅大。」亦有網民指「周國腎」好飄忽:「一時好nice一時好難頂,仲有啲band同rapper都係」。

但亦有網民表示:「一個藝人沒可能24小時咁好精神狀態,將心比己,如果是私人時間面口不好,不一定是臭串,特別是在公眾場合,你一nice可滿足fans,但阻到別的人便不好,便是另一種乞人憎,千期唔好用個人對ariltist的期望去衡量藝人的品格,會過份不平。」

鍾嘉欣
(圖片來源:[email protected]文人多說話)
鍾嘉欣
(圖片來源:[email protected]文人多說話)

任達華獲封「冇架子藝人」No.1

而講到「冇架子」的藝人,大家都認同任達華一定係首選,有網民激動表示:「任達華超好呀真係!有次係免稅店見到,排隊比錢佢在我前面,我細細聲同老公講佢好型呀。咁佢比完錢我以為佢走左啦,咁我比完錢佢竟然仲係對面睇一陣野,見我地出黎佢就行過黎主動傾計一齊行!!!真係好難忘」、「任達華真係無得頂 親民到爆」、「我做sales時都serve過任達華,真心nice」等等。

鍾嘉欣
(圖片來源:[email protected]文人多說話)
鍾嘉欣 網民列出接觸過的多達40名「冇架子」藝人,仲話任達華一定係首選,獲得不少網民認同。
網民列出接觸過的多達40名「冇架子」藝人,仲話任達華一定係首選,獲得不少網民認同。(圖片來源:[email protected]文人多說話)
鍾嘉欣 任達華獲讚為「冇架子藝人」No.1
任達華獲讚為「冇架子藝人」No.1(圖片來源:[email protected]

常見問題

「烈女」是暗指那位藝人?

該名在社交網專頁開post的網民,以不開名的方式,列出了超過20名他接觸過的「乜咁大個鼻」藝人,包括「烈女」,更有網民認同兼爆出更多經歷⋯⋯詳情請看

「E神」曾打去學校投訴粉絲?

有網民表示小學時期的親身經歷,更大爆「E神」曾打去學校爆粗鬧校長老師⋯⋯詳情請看

關鍵詞
鍾嘉欣
撰文:東方新地圖片來源:[email protected]文人多說話、[email protected][email protected][email protected]

最新吃喝玩樂資訊