錢嘉樂
錢嘉樂

57歲錢嘉樂忽然爆曾激嬲黃子華!拍《霹靂火》:話我戲份多過佢

影視娛樂

廣告

錢嘉樂在娛樂圈打滾多年,日前他與老婆湯盈盈接受港台節目《一起走過》主持人楊紹鴻、文頌嫻訪問,錢嘉樂和文頌嫻1995年因合作拍攝成龍電影《霹靂火》而認識,自不然提到當年所見所聞,內容竟涉及有份參與的黃子華身上!

錢嘉樂日前與老婆湯盈盈接受港台節目《一起走過》主持人楊紹鴻、文頌嫻訪問。
錢嘉樂日前與老婆湯盈盈接受港台節目《一起走過》主持人楊紹鴻、文頌嫻訪問。(圖片來源:香港電台《一起走過》網頁)
錢嘉樂指是成龍邀他幫手演出電影《霹靂火》,卻激嬲黃子華。
錢嘉樂指是成龍邀他幫手演出電影《霹靂火》,卻激嬲黃子華。(圖片來源:《霹靂火》截圖)

錢嘉樂爆黃子華妒忌戲份多

錢嘉樂和文頌嫻1995年因合作拍攝成龍電影《霹靂火》而認識,自不然提到當年所見所聞,內容竟涉及有份參與的黃子華身上,錢嘉樂表示:「95年同一時間拍緊《烈火戰車》,我就斷腳養傷…嗰段時間成龍大哥問我呢排拍緊乜,叫我過去幫手,於是我就去拍《霹靂火》,去到黃子華見到我,就話『嘉樂,你咁多戲嘅?我真係有casting,都唔夠你咁多戲喎』,哈哈!」

錢嘉樂 黃子華在電影《霹靂火》扮演攝影師,與袁詠儀最多對手戲。
黃子華在電影《霹靂火》扮演攝影師,與袁詠儀最多對手戲。(圖片來源:《霹靂火》截圖)

「黃子華就係嬲呢樣嘢」

文頌嫻表示:「黃子華係同靚靚(袁詠儀)嗰條線嘅,佢哋喺車房好多戲,我就同成龍另一個阿妹練踢毽,練到身水身汗,結果拍出嚟冇要到,只係擺咗少少喺幕後花絮,好多鏡頭拍晒係唔要。」錢嘉樂繼續講:「所以黃子華就係嬲呢樣嘢,佢話『嘉樂,你係咩人嚟㗎』……佢哋真係casting先入劇組,唔知點解我又突然入咗去,戲份又多過佢。」

錢嘉樂指黃子華當年拍《霹靂火》要試鏡,問錢嘉樂為何可中途加入。
錢嘉樂指黃子華當年拍《霹靂火》要試鏡,問錢嘉樂為何可中途加入。(圖片來源:《霹靂火》截圖)

文頌嫻《霹靂火》搶鏡

當年19歲的文頌嫻在《霹靂火》中飾演成龍親妹,因被壞人脅持激發成龍飾演的火哥賽車及功夫潛能,角色甚至比女主角袁詠儀更搶戲。

錢嘉樂 文頌嫻在電影中飾演㚼妹。
文頌嫻在電影中飾演㚼妹。(圖片來源:《霹靂火》截圖)
錢嘉樂 電影中文頌嫻被人非禮。
有「𡃁妹」之稱的文頌嫻16歲在亞視出道,19歲已被選中於成龍電影飾著校服飾演學生妹,慘被非禮,要大哥代妹出頭。(圖片來源:《霹靂火》截圖)

錢嘉樂衰格被曾志偉睇中

錢嘉樂早年主力於電影圈做武師,於90年代轉到電視台,成為《獎門人》的獎老,他說:「多謝曾志偉,我以前係唔識講嘢,唔係點講嘢,如果熟人就可以一輪咀。」錢嘉樂指曾志偉睇中他夠衰格:「以前打燈時佢會入嚟化妝間,聽我哋武師講嘢,覺得我講嘢幾衰衰格格,幾好笑,適逢陳小春想轉做歌手,志偉就問我有冇興趣。」

錢嘉樂謂主持《獎門人》系列係一個踏台階,感謝曾志偉邀他做獎老。
錢嘉樂謂主持《獎門人》系列係一個踏台階,感謝曾志偉邀他做獎老。(圖片來源:TVB提供)

「嗰時轉型都要成年時間」

錢嘉樂謂主持《獎門人》系列係一個踏台階:「記得第一次介紹自己嗰幾句嘢,覺得好似行刑咁!唔知TVB係咪覺得錢嘉樂係可造之材,第二年安排我同肥姐(沈殿霞)喺紅館做回歸大騷,嗰年開始做港姐、台慶等大騷。呢啲機會,曾經覺得理所當然,而家會把握多啲,嗰時轉型都要成年時間。」

錢嘉樂可以話係第二代獎老,陳小春冇撈之後由佢頂替。
錢嘉樂可以話係第二代獎老,陳小春冇撈之後由佢頂替。(圖片來源:《獎門人》截圖)

湯盈盈心痛錢嘉樂成日傷

問到湯盈盈同錢嘉樂如何邂逅?湯盈盈口窒窒話:「我哋拍《獎門人》旅遊節目時識,唔係玩遊戲嗰啲。」點解睇中錢嘉樂?湯盈盈甜笑:「Love is Love,哈哈!」當年可有擔心錢嘉樂拍戲受傷?湯盈盈答道:「同佢一齊時佢拍緊《獎門人》啦,唔會受傷。有時同佢去武師公會睇佢以前啲片,都會好心痛!」

今年是錢嘉樂和湯盈盈結婚10周年。
今年是錢嘉樂和湯盈盈結婚10周年。(圖片來源:東方新地)

結婚10周年:兩個夠晒數

錢嘉樂和湯盈盈在2000年合作拍攝劇集《封神榜》,錢嘉樂笑言:「二郎神對住琵琶精,最好睇係戲入面我收(服)佢,戲外佢收我,收到而家成屋女人。」今年是錢嘉樂和湯盈盈結婚10周年,有甚麼想對另一半講?湯盈盈說:「我好開心囉,哈哈!」會追多個仔女?她說:「冇,兩個都夠。」錢嘉樂則笑說:「送咗個屋企畀我。」

問到會否追多個仔女,湯盈盈滿足說兩個都夠。錢嘉樂則笑說:「多謝送咗個屋企畀我。」
問到會否追多個仔女,湯盈盈滿足說兩個都夠。錢嘉樂則笑說:「多謝送咗個屋企畀我。」(圖片來源:[email protected]_ying_ying)

常見問題

世界盃熱播中,電視台劇集方面有咩特別安排?

TVB台慶檔劇集陣容強勁,包括:晚上8:30黃宗澤蔡思貝主演嘅《法證先鋒V》,按此看劇集&角色介紹;到9:30播放《鐵拳》班底拍攝嘅《超能使者》,按此看劇集&角色介紹;而ViuTV包攬世界盃賽事播放,即睇緊湊嘅賽程表,仲有熱播中嘅原創劇《繩角》即將進入結局周⋯⋯按此看劇集&角色介紹

2022到2023上半年度演唱會多鑼鑼,有咩搶飛攻略?

本地歌手/組合包括:ERROR日前終於宣布12月中開show,門票於11月24日公開發售,按此看購票詳情;許廷鏗成立個人公司後開首個個人音樂會,門票將分為三個階段進行,於11月24日進行優先購票,按此看詳情;仲有闊別三年終於回歸嘅Clockenflap,將於2023年3月於中環海濱舉行,即睇場地及售票詳情;另外,疫情逐漸緩和,不少外國歌手/組合亦陸續宣布來港開Show與一眾粉絲久別重逢,包括:女團MAMAMOO舉行世界巡迴,香港站定於2023年1月7日,即睇票價及搶飛攻略;出道25周年的愛爾蘭男子天團Westlife都來香港開Show,仲要定於情人節2月14日亞博館Arena舉行,將於11月28日優先購票,按此看售票詳情

撰文:東方新地圖片來源:香港電台《一起走過》網頁、TVB、《霹靂火》截圖、[email protected]_ying_ying

最新吃喝玩樂資訊