鄺潔楹 新四十二章
鄺潔楹 新四十二章

新四十二章丨鄺潔楹不忿被批戲屎大反擊 公開擇偶條件 嘟姐O嘴!

影視娛樂

廣告

鄺潔楹昨日接受鄭裕玲(Do姐)商台節目《口水多過浪花》訪問,在《新四十二章》造型突出的鄺潔楹,原來起初好抗拒爆炸頭造型!她又談到因為其155cm身高,限制了她的演出。

鄺潔楹 新四十二章 鄺潔楹談到因為其155cm身高,限制了她的演出。
鄺潔楹談到因為其155cm身高,限制了她的演出。(圖片來源:[email protected]
鄺潔楹 新四十二章 Do姐大讚鄺潔楹真性情,身形嬌小原來是辣椒仔。
Do姐大讚鄺潔楹真性情,身形嬌小原來是辣椒仔。(圖片來源:IG@do_do_cheng)
鄺潔楹 新四十二章 鄺潔楹除了做演員,也是老闆娘,瓣數多多。
鄺潔楹除了做演員,也是老闆娘,瓣數多多。(圖片來源:[email protected]

鄺潔楹初見爆炸頭假髮:以為邊個演員得罪咗人

提到鄺潔楹在《新四十二章》飾演雙兒托世的「蘇子瑜」,其爆炸頭造型十分突出,好幫助到角色,鄺潔楹反而說:「記得我喺化妝間一見到爆炸頭假髮,我以為邊個演員得罪咗人。我一開始有少少抗拒,更加唔會諗到擺喺我度,吓我戴咁我咪仲細粒咗!我睇埋全身相…心想Oh No!點算呀?我比例更加奇異,我身高成日畀咁多人挑剔,真係大件事!」Do姐安慰她:「其實呢,成日批評你身高又唔係好啱,我就咁睇鄺潔楹,唔好拍埋其他人,佢係好均勻,不過拍埋其他演員嗰度,你就好細粒。」

鄺潔楹 新四十二章 鄺潔楹拍埋江嘉敏身邊,的確十分搶眼。
鄺潔楹拍埋江嘉敏身邊,的確十分搶眼。(圖片來源:《新四十二章》截圖)
鄺潔楹 新四十二章 鄺潔楹在《新四十二章》飾演雙兒托世的「蘇子瑜」,其爆炸頭造型十分突出。
鄺潔楹在《新四十二章》飾演雙兒托世的「蘇子瑜」,其爆炸頭造型十分突出。(圖片來源:[email protected]
鄺潔楹 新四十二章 鄺潔楹慶幸這個角色獲不少觀眾喜歡。
鄺潔楹慶幸這個角色獲不少觀眾喜歡。(圖片來源:《新四十二章》截圖)

鄺潔楹為藝術犧牲:髮線移後咗0.5cm

鄺潔楹指「蘇子瑜」是辣椒仔,個人比較癲,我行我素、不理世事的角色,為了配突出型、爆,她難以推掉這個爆炸頭造型,Do姐笑說:「你咪好彩囉!唔係要你走去電一個爆炸頭,到時你就喊喇!」鄺潔楹:「一開始真係有諗過(電爆炸頭),但我髮量冇咁多,二嚟要預我中間要補電,但拍攝期好緊湊,冇時間畀我補電,變咗每日拍攝係用真髮駁住呢個假髮,但駁完之後,我發現髮線有向後咗少少,拍咗5個月,髮線移後咗0.5cm,而家仲補救緊。」幸好,這個角色獲不少觀眾、網民喜歡。

鄺潔楹 新四十二章 新四十二章 造型 新四十二章 鄺潔楹在前年10月就已經公開過每日長時間變髮過程影片,並且留言表示「Everyday is Halloween」。
鄺潔楹在前年10月就已經公開過每日長時間變髮過程影片,並且留言表示「Everyday is Halloween」。(圖片來源:[email protected]

被批戲屎 報演技班「唔想俾人睇死」

有網民指鄺潔楹在2021年劇集《十月初五的月光》每次發惡時都一味碌大眼,表情非常誇張,形容她為爆笑式演技!而2020年拍攝《七公主》時,監製陳維冠找她飾演「方楚瑜」一角,鄺潔楹說:「監製搵我做時知我係新人,都唔會畀個同我差太遠嘅角色畀我做,個角色偏向開心、樂觀,我最初以為自己應付到,點知出到嚟有人話唔係好自然,我都覺得有啲位係好造作,有啲位以為自己交足戲,但係我睇番,『嘩,咁猙獰嘅』!我都交足功課啦,點解啲人覺得唔夠呢?」鄺潔楹在拍完《七公主》後,決定報讀演技班「因為唔想俾人睇死!」

鄺潔楹 新四十二章 鄺潔楹在《十月初五的月光》每次發惡時都一味碌大眼,表情非常誇張,被形容為爆笑式演技!
鄺潔楹在《十月初五的月光》每次發惡時都一味碌大眼,表情非常誇張,被形容為爆笑式演技!(圖片來源:《十月初五的月光》截圖)

慨嘆哈比身高局限角色

鄺潔楹指個子矮小是網民話題之一:「我睇咗好多評論,覺得係自己做得唔夠好,表現唔好,大家先咁在意我嘅身高。」Do姐問她是否覺得身高阻礙發展機會?鄺潔楹:「坦白講當然有啦!有啲角色我一定做唔到,受高度限制嘅角色一定唔會搵我啦,例如空姐,就算寫一個空姐角色畀我,都好勉強。」

鄺潔楹 新四十二章 身高155cm的鄺潔楹,笑言被派演空姐角色都覺得尷尬。
身高155cm的鄺潔楹,笑言被派演空姐角色都覺得尷尬。(圖片來源:娛樂新聞台截圖)

鄺潔楹愛佬味熟齡男:我鍾意苗僑偉

鄺潔楹原來好恨拍愛情劇:「嚟緊想拍唔同劇種,唔知點解公司冇安排感情線畀我,好想拍愛情劇,就算有啲感情線都好微弱囉。」Do姐問:「有冇諗過對手係邊個呢?」鄺潔楹坦白說:「我鍾意佬味好重嘅男演員,我鍾意苗僑偉,如果有套劇我同苗僑偉拍拖,會唔會太重口味?哈哈!我鍾意好大個嘅,同我年紀相若嘅好少過到電。以前拍拖鍾意啲大我8年、9年嘅,而家就睇過唔過電嘅啫,但我試過細我半年都唔得,我望住佢覺得係𡃁仔,過唔到電。」

鄺潔楹 新四十二章 三哥苗僑偉年屆64歲,竟迷倒30歲的鄺潔楹!
三哥苗僑偉年屆64歲,竟迷倒30歲的鄺潔楹!(圖片來源:IG@michaelkiuwaimiu )
鄺潔楹 新四十二章 鄺潔楹口味獨特鍾情佬味熟男,遇周潤發即爭住合照,緊張到連鏡頭都唔識望。
鄺潔楹口味獨特鍾情佬味熟男,遇周潤發即爭住合照,緊張到連鏡頭都唔識望。(圖片來源:[email protected]

撲BLACKPINK門票被黃牛抬價嬲爆

Do姐問鄺潔楹除了演藝方面,還有甚麼搞作,她表示:「而家有經營小生意,賣曲奇、同伍富橋合資gym room,同埋賣衫,因為疫情令演藝方面收入少咗,好在有小生意幫補返,夾埋投資過50萬,都未回本。」提到偶像BLACKPINK早前來港開騷,鄺潔楹慘遇黃牛黨:「朋友個朋友個朋友話幫我留咗,點知臨尾個人叫我畀多幾千蚊,我話吓你勒索我!原來呢個朋友個朋友係黃牛!我好嬲,你早啲同我講我可以去泰國睇騷,你呃咗我兩個月,要我畀8千蚊梗係唔得啦,最後佢畀返三千蚊我,結果因為湯洛雯知我係fans,班到最後嗰場畀我睇。」

鄺潔楹 新四十二章 湯洛雯夠老友,班到BLACKPINK港騷畀鄺潔楹睇。
湯洛雯夠老友,班到BLACKPINK港騷畀鄺潔楹睇。(圖片來源:IG@roxannetong)

《新四十二章》與梁朝偉版本《鹿鼎記》為何有關係?

《新四十二章》呼應1984年劇集版《鹿鼎記》故事情節,融合歷史與功夫元素,劇中角色都與《鹿鼎記》的角色有微妙連結⋯⋯按此看詳情

《新四十二章》分集劇情及結局劇透?

新四十二章|第1-5集:龔嘉欣患有生鬚怪病 陳豪患有失眠症
新四十二章|第6-10集:糖妹登場疑似Final Boss!再世總舵主手上藏有兩頁尋寶筆記
新四十二章|第11-15集:江嘉敏周嘉洛闖進神秘組織
新四十二章|第16-20集(最新!): 糖妹殺死鄭子誠未婚妻被、譚凱琪身份被揭穿
新四十二章|第21-25集大結局(待更新)

撰文:東方新地圖片來源:[email protected]、IG@do_do_cheng、《新四十二章》截圖、《十月初五的月光》截圖、娛樂新聞台截圖資料或影片來源:原文刊於東方新地