鄭欣宜演唱會
鄭欣宜演唱會

鄭欣宜演唱會|第二場驚喜大過Anson Lo! 鄭少秋現場見證嘉賓跪地送戒指

影視娛樂

廣告

鄭欣宜(Joyce)一連三場《Between Us 鄭欣宜演唱會2022》在紅館開鑼,首場嘉賓方面有Anson Lo將自己當做禮物送給Joyce,星期六晚第二場更有「大驚喜」——75歲的秋官鄭少秋在觀眾席上現身,仲見證神秘嘉賓向欣宜單膝跪地送上戒指!

鄭欣宜演唱會第二場|資深藝人長輩結伴撐場 欣宜感觸後台淚崩

(周六更新)第二場觀眾席上除了秋官(詳見下文),還有不少藝人前輩到場,資深傳媒工作者汪曼玲分享了一輯後台探班照片,可以見到一班《歡樂今宵》藝人看完演唱會後,到後台與欣宜合照,每位都係睇住欣宜出世的「銀髮族前輩」,照片中可以見到欣宜開心到流淚:

鄭欣宜演唱會2022 ansonlo 一班《歡樂今宵》EYT前輩集齊後台,為欣宜送上驚喜。
一班《歡樂今宵》EYT前輩集齊後台,包括陳敏儀、盧海鵬、鄧英文、胡楓、馬海倫等等,大家為欣宜送上驚喜。(圖片來源:[email protected]汪曼玲)
鄭欣宜演唱會2022 ansonlo 汪曼玲圖右)與秋官、李琳琳及友人合照。
汪曼玲(圖右)與秋官、李琳琳及友人合照,李琳琳丈夫姜大衛亦有到場。(圖片來源:[email protected]汪曼玲)
鄭欣宜演唱會2022 ansonlo 一班前輩見證欣宜的成長,汪曼玲直擊欣宜開心的眼淚。
一班前輩見證欣宜的成長,汪曼玲直擊欣宜開心的眼淚。(圖片來源:[email protected]汪曼玲)
鄭欣宜演唱會2022 ansonlo 站在後面還有扮過欣宜的鵬哥盧海鵬!
站在後面還有扮過欣宜的鵬哥盧海鵬!(圖片來源:[email protected]汪曼玲)
鄭欣宜演唱會2022 ansonlo Uncle & Auntie 大合照!
Uncle & Auntie 大合照!(圖片來源:[email protected]汪曼玲)
鄭欣宜演唱會2022 鄭欣宜Joyce紅館個唱昨晚6月10日)開鑼,一眾圈中好友現身撐場。
鄭欣宜Joyce紅館個唱 6月10日開鑼,一眾圈中好友及前輩現身撐場。(圖片來源:大會提供相片)

欣宜一開騷唱完《女神》就想喊

欣宜以一襲橙色巨型紗裙登場,見她狀態大勇,亦見修身有成績。清唱一曲《女神》揭開序幕大曬唱功,見台下觀眾驚喜尖叫,Joyce一度感動哽咽,說:「我唔想喊住,畀我講啲好重要嘅嘢先。非常之多謝,每一位買飛入嚟支持我嘅人。」她又憶起四前年首次開紅館,覺得今次感覺似係第一次開紅館,感激fans畀耐性支持。她又說:「無論個世界變得幾壞都好,只要有『我地』Everything will be OK,因為Love is always inside。」然後以新歌《我地》以及《救命歌》的歌詞鼓勵觀眾。

鄭欣宜演唱會2022 欣宜開紅館,一開始唱完《女神》就感動到想喊。
欣宜開紅館,一開始唱完《女神》就感動到想喊。(圖片來源:大會提供相片)

Anson Lo出場:我就係禮物 冧死「中女鏡粉」欣宜

連場勁歌熱舞後,到大家最期待的嘉賓環節,欣宜鍾意Anson Lo@MIRROR人所共知,今次開騷當然要自肥,邀請教主Anson Lo做嘉賓。二人合唱《不可愛教主》時,Anson Lo搭住欣宜膊頭,欣宜即刻怕醜甜笑:「夢想真係可以成真㗎!」再公開表白:「真係好鍾意佢!」Anson Lo又體貼用紙巾為她抹汗,大讚欣宜對音樂、事業的認真,如今夢想成真,「作為後輩」戥佢開心。欣宜大為感動,但聽到「後輩」一詞笑說:「我唔係大你好多啫!點解你冇帶禮物送畀我嘅?」Anson Lo深情說:「我個人咪就係禮物!」欣宜大叫:「喂呀,我輸啦!」然後Anson Lo跳唱新歌《KING KONG》。

鄭欣宜演唱會2022 Anson Lo一出場就幫欣宜抹汗,冧到佢暈晒浪。
Anson Lo一出場就幫欣宜抹汗,冧到佢暈晒浪。(圖片來源:大會提供相片)
鄭欣宜演唱會2022 Anson Lo仲話:「我咪就係禮物囉!」Sweet到令欣宜認輸。
Anson Lo仲話:「我咪就係禮物囉!」Sweet到令欣宜認輸。(圖片來源:大會提供相片)

ERROR壓軸出場唱《愛回家》 自封「MakerVille地底泥」

ERROR出場做壓軸encore嘉賓,與欣宜合唱TVB劇集《愛回家》主題曲《擁抱愛》,欣宜問點佢哋點解一定要唱呢首歌,肥仔發功說:「因為首歌好聽又入屋,好似我哋咁,啱唔啱呀?」台下笑聲四起。阿Dee抵死說:「我哋唱得唔好嘅話係故意嘅!唱得好係意外嚟,我哋作為MakerVille地底泥都明嘅!不過又鍾意唱嗰下抵死嘛!」然後ERROR送印有各成員肖像的T恤給Joyce,更命名「春夏秋冬系列」。代表春天阿Dee笑說:「春天令人諗到潮濕,你著我呢件tee就好潮,然後好濕。」全場爆笑,Joyce作狀打他。他即解釋:「我意思係熱到出汗,濕晒!」此話一出其他成員即刻阻止,怕收紅館投訴信。最後後ERROR唱出《愛情值日生》,邊唱邊向觀眾派心,首場演唱會在兩度Encore下圓滿結束。

鄭欣宜演唱會2022 ERROR壓軸出場同欣宜合唱《愛回家》主題曲。
ERROR壓軸出場同欣宜合唱《愛回家》主題曲。(圖片來源:大會提供圖片)
鄭欣宜演唱會2022 阿Dee講有味笑話,三個兄弟即刻阻止佢,費事俾紅館投訴。
阿Dee講有味笑話,三個兄弟即刻阻止佢,費事俾紅館投訴。(圖片來源:大會提供圖片)

第二場嘉賓:Gareth.T 鄭少秋面前單膝跪欣宜

欣宜表示湯令山Gareth.T感覺像他的弟弟,表示從小夢想就有一個有才華又聽話的細佬,介紹Gareth.T後,二人合唱《Boyfriend Material》:

Gareth.T在演唱後對欣宜送上禮物,竟然是一枚戒指,欣宜笑指「我老豆喺度」你咁大膽?然後鏡頭真係拍向觀眾席上的鄭少秋,即時引起現場哄動!

鄭欣宜演唱會2022 ansonlo 欣宜收戒指!
欣宜收戒指!(圖片來源:寰亞娛樂)
鄭欣宜演唱會2022 ansonlo 好Cute嘅戒指!
好Cute嘅戒指!(圖片來源:寰亞娛樂)
鄭欣宜演唱會2022 ansonlo 欣宜扮秋官叫「哎吔!」
欣宜扮秋官叫「哎吔!」(圖片來源:寰亞娛樂)
鄭欣宜演唱會2022 ansonlo 觀眾席上的鄭少秋都畀like!
觀眾席上的鄭少秋都畀like!其實早在5月中宣傳演唱會時,欣宜已經向傳媒透露已邀請爸爸鄭少秋欣賞她的演唱會,結果在星期六晚第二場,果然見到秋官現身!(圖片來源:寰亞娛樂)

第二場另一位嘉賓是Jay Fung 馮允謙,立即睇片重溫!

常見問題

鄭欣宜演唱會第二場有咩神秘嘉賓?

欣宜請嚟湯令山Gareth.T,二人合唱後Gareth.T突然向欣宜下跪⋯⋯詳情請看

鄭欣宜完騷後為咩事淚崩?

爸爸秋官第二場現身支持,原來仲有一班資深藝人長輩結伴撐場⋯⋯詳情請看

撰文:東方新地圖片來源:大會提供相片資料或影片來源:YouTube@橫間道

最新吃喝玩樂資訊