鄭中基拍ViuTV 新劇打無綫!狙擊楊千嬅飾演「多功能」湊仔公

影視娛樂

廣告

早前ViuTV炮製效法當年無綫《美女廚房》遊戲式烹飪節目《辣火頭》,已經傳出鄭中基會擔任節目主持,不過,最終Ronald(鄭中基)冇影,由陶大宇郭政鴻擔正主持揀美女廚神。做唔成綜藝節目,原來鄭中基已同ViuTV傾掂數,以往同無綫合作無間的他,將倒戈幫Viu拍劇打無綫,角色更似足舊愛楊千嬅早前在《多功能老婆》一樣,同幾歲𡃁仔拍劇做慈父,自從娶咗主播余思敏生咗一仔一女,大女Emma今年八歲,細仔Evan亦已經五歲,由無賴變住家男的鄭中基,早已是個多功能老竇,做番自己當然手到拿來。

原文刊於《東方新地》

鄭中基唔幫無綫 睇中ViuTV

近日無綫劇集收視創新高,ViuTV自家製作一樣搶fo,可謂各自各精彩,ViuTV繼劇集《二月廿九》、《教束》網民勁Like之後,將再有實力藝人幫拖,去年梁漢文拍完劇集《假設性無罪》後,好兄弟鄭中基原來亦會幫Viu拍劇。其實早在上年初在港舉行演唱會,Ronald 已在台上放聲氣表示有意再拍電視節目,當時大家都估計他會再幫無綫拍《美女廚房》,不過他卻漏口風透露電視台唔止得無綫,仲有ViuTV,果然唔係齋Talk;咁又係,兩個好拍檔方力申及梁漢文都先後幫ViuTV做主持,梁漢文去年更拍埋劇集,鄭中基睇中Viu亦無可厚非。

鄭中基、方力申及梁漢文06年合作主持《美女廚房》爆紅,節目曾創下 42點高收視成績,三人抵死搞笑演出是唔少人的集體回憶!
鄭中基、方力申及梁漢文06年合作主持《美女廚房》爆紅,節目曾創下 42點高收視成績,三人抵死搞笑演出是唔少人的集體回憶!
方力申早於16年已為ViuTV做《美選DnA》主持兼評判。
方力申早於16年已為ViuTV做《美選DnA》主持兼評判。
除了小方,梁漢文都成ViuTV常客,除主持遊戲節目《全民星戰》,去年又與王敏奕拍劇集《假設性無罪》,Edmond更一改斯文形象,演性侵女職員高層。
除了小方,梁漢文都成ViuTV常客,除主持遊戲節目《全民星戰》,去年又與王敏奕拍劇集《假設性無罪》,Edmond更一改斯文形象,演性侵女職員高層。
鄭中基傾唔掂數,最後拍唔成《辣火頭》,換來陶大宇及郭政鴻擔任主持。
鄭中基傾唔掂數,最後拍唔成《辣火頭》,換來陶大宇及郭政鴻擔任主持。
對上一次拍無綫劇,已經是02年演出20集TVB劇《我要fit一fit》
對上一次拍無綫劇,已經是02年演出20集TVB劇《我要fit一fit》
去年客串ViuTV劇《仇老爺爺》,演小時候的仇學秋父親,似乎Ronald真係同𡃁仔拍上癮!
去年客串ViuTV劇《仇老爺爺》,演小時候的仇學秋父親,似乎Ronald真係同𡃁仔拍上癮!

唔肯再做《美女廚房》劇癮起做慈父

據知情者透露:「其實上年年中ViuTV籌備開拍效法無綫《美女廚房》嘅遊戲烹飪節目,已經傾Ronald做主持,但Ronald就講明再做一定要搵埋小方、Edmond(梁漢文)一齊合作先拍,當年《美女廚房》大受歡迎,呢個鐵三角合體好貴,而且Viu嗰邊亦唔想完全copy無綫節目舊瓶新酒,最終傾唔成,不過Ronald放聲氣願意拍劇,對Viu嚟講絕對係好消息,睇番Ronald擔正拍劇,已經係02年嘅《我要fit一fit》,近年佢喺電影發展順利,再拍劇幾乎冇乜可能,不過Viu就畀好大自由度佢,角色亦為佢度身訂造,上年游學修監製ViuTV劇集《仇老爺爺》,已經搵過Ronald客串一集,今次Viu斟Ronald合作,角色好討好,係個任勞任怨嘅慈父角色,佢睇完劇本超級鍾意!」早已是廿四孝慈父的鄭中基,當然好願意將自己真實一面同觀眾分享,難怪ViuTV能夠成功打動他再拍劇!

婚後唔再夜蒲的鄭中基,收工會第一時間趕返屋企陪老婆仔女,今年八歲的大女Emma更非常黐爸爸,相信拍劇做湊仔公絕對難不到他!
婚後唔再夜蒲的鄭中基,收工會第一時間趕返屋企陪老婆仔女,今年八歲的大女Emma更非常黐爸爸,相信拍劇做湊仔公絕對難不到他!
11年同主播余思敏結婚後,鄭中基由浪子變住家暖男,對住一對寶貝仔女時刻冧滋滋,難怪會被ViuTV睇中他好爸爸形象,找他演出多功能慈父角色。
11年同主播余思敏結婚後,鄭中基由浪子變住家暖男,對住一對寶貝仔女時刻冧滋滋,難怪會被ViuTV睇中他好爸爸形象,找他演出多功能慈父角色。
同楊千嬅一樣十幾年後回歸拍劇,不過千嬅幫無綫演《多功能老婆》,Ronald則轉投ViuTV,相同嘅係大家同樣要與小演員做對手戲。
同楊千嬅一樣十幾年後回歸拍劇,不過千嬅幫無綫演《多功能老婆》,Ronald則轉投ViuTV,相同嘅係大家同樣要與小演員做對手戲。
近日新冠肺炎肆虐,放假中的鄭中基忙於捐贈口罩及搓手液給慈善機構幫助弱勢社群!
近日新冠肺炎肆虐,放假中的鄭中基忙於捐贈口罩及搓手液給慈善機構幫助弱勢社群!

關鍵詞
鄭中基