林明禎
林明禎

飯戲攻心|林明禎VS鄧麗欣女神二選一!壓倒性結果網民指毫無懸念

影視娛樂

廣告

鄧麗欣 Stephy同林明禎近日在電影《飯戲攻心》中合作,林明禎被稱為天使與魔鬼的混合體,擄獲唔少男性心靈!佢過去一年長留香港,成為廣告女王,勁吸人氣。而鄧麗欣近年轉行實力派,《飯戲攻心》上映後演技備受讚賞,人氣持續高企。有網民在討論區作出殘酷大對決,鄧麗欣同林明禎二選一,結果竟然一面倒!

鄧麗欣 鄧麗欣定林明禎?
鄧麗欣定林明禎?(圖片來源:《飯戲攻心》劇照)

鄧麗欣大比數勝出

鄧麗欣和林明禎在《飯戲攻心》中分別做黃子華前度及現任女友,除了戲中大哥黃子華成焦點,兩位女星之間的比較亦很有睇頭,近日有網民在討論區,以「鄧麗欣定林明禎?」為主題,網民反應熱烈,最後聲稱自己有份同鄧麗欣「一同長大」的網民,就以壓倒性票數揀鄧麗欣,並大數她完勝原因,直指揀Stephy:「毫無懸念」。

鄧麗欣 鄧麗欣以壓倒性完勝林明禎。
鄧麗欣以壓倒性完勝林明禎。(圖片來源:IG@Stboo)

鄧麗欣瞓係度都贏

講到體態,林明禎練得一身好線條,鄧麗欣似乎明顯不及,但就有網民反駁,用「現役」Stephy同林明禎比,恐怕唔夠準確,因為林明禎無論年齡身形都剛剛好,咁樣對目前已轉行成熟穩重路線的Stephy就非常不公平,因此應該用各自兩人「全盛期」比較會更加貼切,例如至少用鄧麗欣清純路線時的打扮做比較。最後網民討論之後表示鄧麗欣其實已經贏晒。而對於兩人外貌身形,網民就指鄧麗欣資質純天然無添加,林明禎就有上身僭建加工、造假甚至「變樣」之嫌,剩係呢點已經好難贏Stephy。網民更加話:「屎塔肥(Stephy)世一㗎喎,點比?」、「講身材睇整體性,Stephy雖然纖瘦,但望落去都係引死人嘅!」、「Stephy似係嗰啲平時密密實,好少可露下就好矜貴」、「諗咗陣,我都係揀鄧麗欣」。

林明禎 鄧麗欣 鄧麗欣早前代表《飯戲攻心》到意大利參加電影展,並順道旅遊,激罕大露背,物以罕為貴,都成為網民揀佢的原因!
鄧麗欣早前代表《飯戲攻心》到意大利參加電影展,並順道旅遊,激罕大露背,物以罕為貴,都成為網民揀佢的原因!(圖片來源:IG@Stboo)

鄧麗欣清純成熟carry到 林明禎只可以做女神

有網民指出鄧麗欣與港人好有親切感,鄰家女孩feel爆燈「女朋友、老婆一定係揀Stephy。」更指她有獨特的港式美麗!當然林明禎唔係話唔靚,而係距離好遠,感覺非常之女神。可以親自睇住Stephy出道到現在依家變得成熟,體驗同感受完全唔一樣呢!

林明禎 鄧麗欣 出外忽然大解禁。
出外忽然大解禁。(圖片來源:IG@Stboo)
林明禎 圖中間就係當年的Stephy
圖中間就係當年的Stephy(圖片來源:新傳媒資料庫)

支持林明禎網民指層次唔同

有支持林明禎網民就指,林明禎願意為觀眾付出,做運動Keep Fit,而且也經常放短片同觀眾打成一片,就算有好多「變樣」同「變形」傳聞,當你知道有個女仔肯咁努力博大家歡心,咁都係一件好事呀!當然都有網民話:「我要晒!」

鄧麗欣 林明禎出名身材好,更是小腰精!
林明禎出名身材好,更是小腰精!(圖片來源:IG@minchen333)
林明禎 鄧麗欣 明禎BB都有偽素顏!
明禎BB都有偽素顏!(圖片來源:IG@minchen333)

鄧麗欣愈大愈有女人味

Stephy十七歲出道,觀眾睇住佢成長蛻變,比起林明禎出道不到十年,自然是前輩級,有指Stephy身為「長輩」級都快四張,點可以同「後生女」林明禎比,有網民指「Stephy全盛時期一定贏明禎」、有網民即反對:「我覺得啱啱出道嘅Stephy未成型,仲baby fat,係呢十年開始愈來愈索」、「用依家嘅Stephy都贏林明禎啦,自報歲數我今年十八歲,我老豆五十幾歲都係揀Stephy喎!老豆話佢後生同依家係3不同嘅正喎!」、「雖然Stephy歲數已達姨姨級,不過愈來愈有女人味,堅係索喎!」,即有網民指「唓!林明禎都32,大家都係三張啫」,但的確Stephy都只係比林明禎大6年。

林明禎 鄧麗欣 網民讚Stephy愈來愈有女人味!
網民讚Stephy愈來愈有女人味!(圖片來源:IG@stboo)
林明禎 鄧麗欣
(圖片來源:IG@stboo)

重溫Stephy蛻變

鄧麗欣純天然素顏又睇得

有網民指Stephy大家睇住佢大,證明全身上下都係純天然,更把少女時的象腿都成功減走,對鄧麗欣多年來的保持純天然大大加分,有網民指:「林明禎個樣好膠喎,塊面硬晒!」、「林明禎好多地方都造假。」、「Stephy平時都好淡妝,睇佢《男排女將》就知,係有埋氣質嗰下正。」、「鄧麗欣素顏都好睇得。」、「Stephy唔化妝都幾正,嗰時同王子拍拖都冇姊弟feel」等

林明禎 鄧麗欣 鄧麗欣下月39歲﹐由女團Cookies出道,九餅變四餅以隊長身份,受歡迎程度較其他成員高!近年Stephy主力拍電影,演技屢受肯定!年前拍攝ViuTV青春劇《男排女將》,大受歡迎入晒屋!
鄧麗欣下月39歲﹐由女團Cookies出道,九餅變四餅以隊長身份,受歡迎程度較其他成員高!近年Stephy主力拍電影,演技屢受肯定!年前拍攝ViuTV青春劇《男排女將》,大受歡迎入晒屋!(圖片來源:IG@stboo)
林明禎 鄧麗欣 網民大讚Stephy素顏好睇得!
網民大讚Stephy素顏好睇得!(圖片來源:IG@stboo)

馬拉妹林明禎台灣走紅

32歲林明禎出身大馬,六年前到台灣發展, 憑甜美笑容加上魔鬼身材,在台灣人氣高,出過唱片、開過音樂會、拍過劇。近年開始轉戰香港,過去一年長留港,更成為香港廣告女王,瘋狂吸金!

鄧麗欣 入行初的林明禎!
入行初的林明禎!(圖片來源:IG@minchen333)
鄧麗欣 剛入行的林明禎!
剛入行的林明禎!(圖片來源:IG@minchen333)

更多:飯戲攻心|票房突破3,000萬 連續12日第一位 網民歸納7大必睇原因!

林明禎 飯戲攻心 《飯戲攻心 》上映6天票房已破1,500萬
《飯戲攻心 》上映6天票房已破1,500萬(圖片來源:FB@飯戲攻心)

常見問題

網民發起票選林明禎VS鄧麗欣,邊個勝出?

《飯戲攻心》上映後演技備受讚賞,人氣持續高企,有網民在討論區作出殘酷大對決,鄧麗欣同林明禎二選一,結果竟然一面倒⋯⋯按此看:林明禎VS鄧麗欣女神二選一結果

《飯戲攻心》戲名受到大眾質疑?

導演陳詠燊在社交平台上分享為《飯戲攻心》電影改名的趣事,表示在電影名落實之前,曾經有超過30個候選名單⋯⋯詳見:導演自爆「30棄名」候選名單

撰文:轉載自NewMonday圖片來源:IG@stboo、IG@minchen333、新傳媒圖片庫

最新吃喝玩樂資訊