鄧兆尊
鄧兆尊

鄧兆尊56歲上內地遊玩開心拍片 暴脹身形被嘲似5個月大肚婆  

影視娛樂

廣告

56歲嘅鄧兆尊向來艷福無邊,貴為已故粵劇名伶新馬師曾與洪金梅之長子,鄧兆尊感情狀況向來備受關注,除咗早前坦白承認「一屋三妻」嚇窒網民外,鄧兆尊經常蒲頭爆料狂數TVB內幕,都睇到成班網民眼都突埋。今次鄧兆尊又嚟料成為熱話,不過就唔係因為爆料或誇張情史,竟然係因為鄧兆尊身形離奇暴脹,似足5個月大肚婆,網民都話好擔心佢健康,到底鄧兆尊近來發生了什麼事?

鄧兆尊 頂包 鄧兆尊經常上節目大爆料!
鄧兆尊經常上節目大爆料!(圖片來源:Youtube@田豪祖3寶)

鄧兆尊拍片離奇脹爆似大肚婆

鄧兆尊向來生活富貴無憂無慮,近年好少再喺幕前演出,但係向來鄧兆尊份人都唔多悶得,就算內地旅遊都起勢喺小紅書拍片分享。早前鄧兆尊着住深色T恤,喺小紅書拍片介紹旅遊區,塊面仔依然keep到以前個size,手腳仲係非常之瘦,但肚腩就離奇腫脹,網民話唔講以為懷孕五個月咁款,網民眼見鄧兆尊變到咁樣,非常擔心佢個人健康,起勢衝入條片留言:「你係咪生得?」、「懷胎多少個月呀?」

有網民心地非常之好,聲稱關心鄧兆尊身體有事,仲懷疑係糖尿病,叫鄧兆尊去醫院快啲檢查咁話。不過就算面對網民圍摷,鄧兆尊仍非常冷靜,一於整招「不變應萬變」,未有在留言區回覆疑問。其實睇返條片鄧兆尊面色非常好,相信應該與任何健康疾病無關,可能純粹平時艷福無邊、食好住好嘅幸福肥啫!

鄧兆尊 先介紹旅遊區風光。
先介紹旅遊區風光。(圖片來源:小紅書@鄧兆尊)
鄧兆尊 有得睇尊爺全身啦喎!
有得睇尊爺全身啦喎!(圖片來源:小紅書@鄧兆尊)
鄧兆尊
(圖片來源:小紅書@鄧兆尊)
鄧兆尊  
(圖片來源:小紅書@鄧兆尊)

鄧兆尊風流情史再重溫:

成為鄧兆尊三奶的單親媽媽「陳小姐」帶住一對仔女投靠鄧兆尊多年,依然跑贏大婆同二奶,疫情期間只見兆尊與三奶出雙入對,曾被本刊影到去沙灘碌地沙情感大爆發後又被影到當街有接觸,以往陪女友分班制已蕩然無存。有指三奶非常進擊,為迷惑兆尊誓坐正奇招盡出。2021年更傳三奶肚凸凸疑似有喜。

鄧兆尊情陷新三奶

鄧兆尊常被稱為「男人之光」,原因是多年來盡享齊人之福,自從同舊三奶Claire分手,旋即由陳小姐(之前稱為L小姐)補位,唔止成功攝位做新三奶,連兆尊的心同身體都成功佔據了,鄧兆尊對新歡明顯疼錫,更將兩宮冷落。早年有人見到兆尊同肚凸凸豐滿女子現身養和醫院,兆尊在旁百般呵護,即惹來三奶大肚疑雲。其後陳小姐瘦身廿磅脫脂上陣,成功令兆尊為一塊半肥瘦豬扒放棄整個肉食市場,千年道行一朝喪。

鄧兆尊 以往通常四人行的兆尊,自從同新三奶陳小姐一起後,經常二人世界,錫到出晒面。
以往通常四人行的兆尊,自從同新三奶陳小姐一起後,經常二人世界,錫到出晒面。(圖片來源:苑瓊丹發相)

鄧兆尊被指56歲秘做老竇

一直有指三奶用盡辦法獨霸兆尊,當然是想坐正有名份,之前再傳三奶疑似有喜,孕味濃之餘,鄧兆尊更被影到對她照顧周到,行街小心翼翼保護腹部,又去寺廟拜神,令有喜之說甚囂塵上。深得寵幸的三奶如沐春風,兆尊更愛屋及烏,對三奶一對子女非常好,被影到與繼女相處甚有交流。

鄧兆尊 兆尊唔介意買大送細,不時與三奶及繼女三人行。
鄧兆尊唔介意買大送細,不時與三奶及繼女三人行。(圖片來源:東方新地圖片庫)
鄧兆尊 兆尊近年上節目都唔介意講自己的多角感情生活。
兆尊近年上節目都唔介意講自己的多角感情生活。(圖片來源:無綫電視影片截圖)

不育主義有變數

對於三奶得勢令大婆Carmen和二奶車厘子不滿,鄧兆尊接受傳媒時表示三個女人相處融洽,冇問題,仲話一對繼子女叫他做叔叔,視如己出,有教小朋友讀書。以往對小朋友興趣不大的鄧兆尊,竟然唔同晒,對於會否生仔,兆尊更話會隨緣,似乎已經唔再抗拒,開綠燈畀三奶?

鄧兆尊 兆尊以往不時一拖三出席活動,不過近年已沒見大婆Carmen與二奶車厘子同行。
鄧兆尊以往不時一拖三出席活動,不過近年已沒見大婆Carmen與二奶車厘子同行。(圖片來源:東方新地圖片庫)
鄧兆尊 兆尊現在眼中只有三奶陳小姐,已把車厘子右二)打入冷宮,而舊三奶Claire右一)兩年前已被陳小姐取代。
鄧兆尊現在眼中只有三奶陳小姐,已把車厘子(右二)打入冷宮,而舊三奶Claire(右一)兩年前已被陳小姐取代。(圖片來源:東方新地圖片庫)

鄧兆尊冷落兩房獨愛新歡

被封「現代韋小寶」的鄧兆尊曾揚言對女友們絕不偏私,不過自從新三奶陳小姐出現後,形勢完全改變,時間分配亦錯晒。為獨霸兆尊無所不用其極,恃住有傲人身材,令兆尊神魂顛倒,熱戀期的激情挑起無限慾火,搞到兆尊將正印Carmen與二奶Cherry(車厘子)打入冷宮。

鄧兆尊 三奶育有一名十多歲的女,兆尊表示每人都有過去,毫不介意,更曾三人行出巡,兆尊亦對新三奶女兒照顧有加。
三奶育有一名十多歲的女,兆尊表示每人都有過去,毫不介意,更曾三人行出巡,弓中兆尊亦對新三奶女兒照顧有加。(圖片來源:東方新地圖片庫)

鄧兆尊同新歡現身養和醫院

在2020年9月有人目睹鄧兆尊同一身材豐滿、足踝有紋身的女子在養和醫院出現,鄧兆尊傍實女伴並細心為對方拎手袋,全程貼身呵護,即惹來大肚疑雲,其後鄧兆尊回應傳媒直認該女子是新歡陳小姐,但就否認新歡大肚,透露對方整親手,故陪伴到醫院看病,並非大肚,更斬釘截鐵話:「唔會畀意外發生﹗」鄧兆尊一直持不婚不生態度,更指弟妹已有下一代,自己沒有傳宗接代的壓力。不過凡事都有例外,好似鄧兆尊以前話向三個紅顏都一視同仁,慣了四人行活動,不過自從新三奶陳小姐的出現,已一再打破兆尊多年「家規」,真係有意外都唔意外呀﹗

鄧兆尊 兆尊話冇偏心都冇人信,早前帶埋新三奶陳小姐上好友苑琼丹的節目,夥新歡一起上鏡兼接受訪問,新三奶鄉音未甩話用廚藝留住兆尊個胃㖭呀﹗
鄧兆尊話冇偏心都冇人信,去年帶埋新三奶陳小姐上好友苑瓊丹的節目,夥新歡一起上鏡兼接受訪問,新三奶鄉音未甩話用廚藝留住兆尊個胃㖭呀﹗(圖片來源:東方新地圖片庫)

鄧兆尊春情大爆發

同新歡打得火熱的鄧兆尊,2020年更衝出灣仔,陪住新三奶勇闖南灣與陽光玩遊戲,面對進擊的L小姐姣騰騰掃髀罅,鄧兆尊根本無力招架,之前話過與女友不會公開親熱的他,情不自禁破晒戒拖晒手又錫膊頭。為博新三奶一笑冷落其餘兩位,鄧兆尊仲話冇大細超?

鄧兆尊 擁有G奶的L小姐原來是性情中人,與兆尊曬住傾唔停,坐姿與笑聲同樣豪邁。
擁有傲人身形的L小姐原來是性情中人,與鄧兆尊曬住傾唔停,坐姿與笑聲同樣豪邁。(圖片來源:東方新地圖片庫)
鄧兆尊 兆尊的新三奶L小姐約三十幾歲,身材超級圓潤皮膚白滑,完全是兆尊喜歡的類型。
兆尊的新三奶L小姐約三十幾歲,身材超級圓潤皮膚白滑,完全是鄧兆尊喜歡的類型。(圖片來源:東方新地圖片庫)

鄧兆尊南灣慾戰國產新歡

L小姐成功獨霸兆尊,令向來佛系的兆尊離開他的活動範圍(灣仔與銅鑼灣),甚至親自揸車陪她去十年都唔去一次的海灘,鄧兆尊曬太陽的畫面罕有地出現,而且仲非常之香艷。早前兆尊與L小姐在淺水灣現身,見海灘非常多人,二人轉去附近的南灣,身穿黑色碎花三點式的L小姐看來對自己的逼爆身材充滿自信,不斷擺出大媽甫士要兆尊為她影寫真,期間又揭開泳衣用手指篤自己心口團肉,影相時又借意彎腰,甚至出手姣掃兆尊髀罅,令他長時期維持開心興奮的狀態,笑唔停。

鄧兆尊 L小姐突然揭開自己件泳衣,仲用手去篤胸,兆尊即緊張叫停唔想益人,其實目測都睇到br
(圖片來源:東方新地圖片庫)
鄧兆尊 沉醉於溫柔香的兆尊,破晒戒與L小姐公開拖手,場面好溫馨。
沉醉於溫柔香的兆尊,破晒戒與L小姐公開拖手,場面好溫馨。(圖片來源:東方新地圖片庫)

鄧兆尊對新歡寵愛有加

歎慣的兆尊最抗拒戶外活動,今次肯紆尊降貴陪女友享受日光浴實屬難得,身穿T恤短褲的他為配合L小姐,碌完沙灘纏綿完,又陪她行去海邊影相,不過影咗幾張相兆尊就提議離開,令L小姐扁晒嘴。以前兆尊與女友行街都是保持距離,絕少被影過拖手或有其他親熱行為,他曾說為公平起見不會與任何一位女友有公開的親密行為,所以今次他與L小姐的互動絕對是前所未有,拖手與攬攬錫錫全部做齊,而且睇得出兆尊樂在其中。能令兆尊破晒戒,國產L小姐果然威力無窮,看來即使正印Carmen與二奶車厘子聯手對抗,都未必係佢對手。

鄧兆尊與新三奶L小姐來到南灣,蓆都冇張就咁瞓低,二人攬住碌來碌去又錫吓嘴仔咁,好纏綿。
鄧兆尊與新三奶L小姐來到南灣,蓆都冇張就咁瞓低,二人攬住碌來碌去又錫吓嘴仔咁,好纏綿。(圖片來源:東方新地圖片庫)
鄧兆尊 L小姐春情大爆發,姣到出汁出手掃兆尊髀罅,已過半百的兆尊亦禮尚往來,含春反白眼輕啜女友香肩。
L小姐春情大爆發,姣到出汁出手掃兆尊髀罅,已過半百的兆尊亦禮尚往來,含春反白眼輕啜女友香肩。(圖片來源:東方新地圖片庫)
獨家!53歲鄧兆尊南灣慾戰G奶國產新歡 兩房被打入冷宮!
(圖片來源:東方新地圖片庫)
鄧兆尊 來自國內的 L小姐在沙灘上狂擺大媽甫士,其中一個彎腰跌 G奶,令兆尊睇到口擘擘。
來自國內的 L小姐在沙灘上狂擺大媽甫士,其中一個彎腰跌 G奶,令兆尊睇到口擘擘。(圖片來源:東方新地圖片庫)
鄧兆尊 由岸上影到落水,L小姐都可以擺出不同款式的大媽甫士,而兆尊亦好落力做好攝影師的本份。
由岸上影到落水,L小姐都可以擺出不同款式的大媽甫士,而兆尊亦好落力做好攝影師的本份。(圖片來源:東方新地圖片庫)
獨家!53歲鄧兆尊南灣慾戰G奶國產新歡 兩房被打入冷宮!
(圖片來源:東方新地圖片庫)
鄧兆尊 有兆尊陪去沙灘的 L小姐,離開時換了透視裙,邊行邊請兆尊食波餅,絕對唔會放過任何一個發姣機會。
有兆尊陪去沙灘的 L小姐,離開時換了透視裙,邊行邊請兆尊食波餅,絕對唔會放過任何一個發姣機會。(圖片來源:東方新地圖片庫)
鄧兆尊 仍然有心有力的兆尊,雖然身材稍削,但仍用他強而有力的臂彎攬實 L小姐。
仍然有心有力的兆尊,雖然身材稍削,但仍用他強而有力的臂彎攬實 L小姐。(圖片來源:東方新地圖片庫)
鄧兆尊 平時多見兆尊做步兵,在灣仔及銅鑼灣一帶游走,這日他罕有地親自做司機接載新三奶外出。
平時多見兆尊做步兵,在灣仔及銅鑼灣一帶游走,這日他罕有地親自做司機接載新三奶外出。(圖片來源:東方新地圖片庫)

鄧兆尊為三奶冷落其他女友上節目笑騎騎認食豬扒

兆尊在疫情下只掛住與三奶增進感情,本刊記者近年見他頻頻與三奶出雙入對,以往只集中在灣仔區活動的兆尊,為三奶走勻全港,早前二人勇闖南灣與陽光玩遊戲,面對進擊的三奶姣騰騰掃髀罅,兆尊根本無力招架,之前話過與女友不會公開親熱的他,更情不自禁破晒戒拖晒手又錫膊頭。為博新三奶一笑冷落其餘兩C,兆尊大細超到極點。

鄧兆尊 日前兆尊與 G奶三奶現身銅鑼灣,眼前的三奶身材大縮水,目測瘦了約廿磅,差點以為兆尊又換畫。
兆尊與 三奶現身銅鑼灣,眼前的三奶身材大縮水,目測瘦了約廿磅,差點以為兆尊又換畫。(圖片來源:東方新地圖片庫)

南灣情慾戰一役後,三奶人氣急升,當日水著look令G奶現人前之外,白滑肥美身材加豬腩肉更成為焦點,過往兆尊多位女友皆屬「圓潤型」,三奶更把指標推上頂峰,早前兆尊帶埋三奶接受好友苑仔(苑瓊丹)訪問,苑仔竟不留情面當住三奶面前笑兆尊「鍾意食豬扒」,不過正值熱戀期的兆尊毫不介意,兼笑容滿面甜到漏回應:「扒有好多種,靚嘅擺喺屋企,係靚豬扒嚟!」現場的三奶未有反枱,但就扁嘴向兆尊撒嬌不滿被叫豬扒,而且笑得好牽強。

鄧兆尊 兆尊破天荒帶埋三奶接受好友苑瓊丹訪問時,於影片中兆尊自認鍾意食「豬扒」,又讚陳小姐靚女兼聽話,三奶就用「譚仔阿姐」式廣東話自爆煮牛扒箍實兆尊個胃。
兆尊破天荒帶埋三奶接受好友苑瓊丹訪問時,於影片中兆尊自認鍾意食「豬扒」,又讚陳小姐靚女兼聽話,三奶就用「譚仔阿姐」式廣東話自爆煮牛扒箍實兆尊個胃。(圖片來源:東方新地圖片庫)

脫脂三奶激瘦當街扯煙 手腕驚現血痕

據知兆尊向來揀女喜歡有肉地有揸手,不過三奶對被封豬扒卻非常介意,為打破常規甩豬扒之名,所以她刻意減磅,知情者透露:「兆尊識三奶時就係睇中佢肥嘟嘟白雪雪,而且為人熱情性格好相與,點知戀情曝光後,三奶好在意人哋話佢係豬扒,成日向兆尊詐型,近幾個月仲搵盡辦法減肥,最快就梗係食減肥藥同節食啦,依家瘦咗成個碼,有腰有波,對腳都幼埋。三奶身形變索,兆尊食得肥膩嘢多覺得好新鮮,三奶得寵程度再升級,佢好識喺兆尊面前一哭二鬧三上吊,話大婆Carmen同二奶車厘子點樣夾埋排斥佢,又話自己單親帶住小朋友受盡白眼,個個都話佢做三奶最蝕又冇名份,不斷迫使兆尊疏遠其他女人,仲話好想幫鄧家留後,係人都睇得出佢好工心計,目的都係想坐正。」

鄧兆尊 三奶的厚切身材已成過去式,身穿露肩連身裙側側身睇腰形出晒來,成個人薄晒。
三奶的厚切身材已成過去式,身穿露肩連身裙側側身睇腰形出晒來,成個人薄晒。(圖片來源:東方新地圖片庫)
鄧兆尊 現場所見,三奶邊行邊發脾氣,要兆尊紆尊降貴出手氹,當街攬腰搭膊頭,出盡力取悅三奶。
現場所見,三奶邊行邊發脾氣,要兆尊紆尊降貴出手氹,當街攬腰搭膊頭,出盡力取悅三奶。(圖片來源:東方新地圖片庫)
鄧兆尊 當日三奶大部分時間把雙手翹於胸前,右手戴住大大粒鑽戒。
當日三奶大部分時間把雙手翹於胸前,右手戴住大大粒鑽戒。(圖片來源:東方新地圖片庫)

當日限聚令已由二人增至六人,兆尊其實可以合法地恢復四人行,不過三奶繼續坐大,兆尊當日現身銅鑼灣鬧市,同行的三奶身形變薄脫脂成功,不過大媽味依舊濃,期間三奶突然耍脾氣,與之前個小鳥依人樣判若兩人,兆尊又攬腰又搭膊頭當街氹女,這個場面絕無僅有。行經便利店,三奶煙癮發作要兆尊入去買煙,買完即搶住叼入口,二人在便利店門口旁就地脫罩扯煙,現場所見,三奶比兆尊扯煙扯得更狠更狼,完全不理形象。本刊記者更發現,當日三奶長時間把雙手翹疊於胸前,其後與兆尊走入後巷食煙時,其右手手腕驚現多條血痕,左前臂亦有多個血紅呈圓形的傷痕,三奶似乎唔係省油的燈。

鄧兆尊 期間兆尊走入便利店買煙,買完即被三奶一手搶走,原來她是熟手煙民
期間兆尊走入便利店買煙,買完即被三奶一手搶走,原來她是熟手煙民。(圖片來源:東方新地圖片庫)
鄧兆尊 煙癮起就地脫罩扯煙,兆尊亦一齊食,脫脂後的三奶氣場唔同晒,不過大媽味依然濃烈。
煙癮起就地脫罩扯煙,兆尊亦一齊食,脫脂後的三奶氣場唔同晒,不過大媽味依然濃烈。(圖片來源:東方新地圖片庫)
鄧兆尊 三奶在銅鑼灣鬧市行街兩度煙癮發作,其中一次與兆尊匿巷仔食,清楚看到三奶的左前臂有多個紅色圓形傷痕。
三奶在銅鑼灣鬧市行街兩度煙癮發作,其中一次與兆尊匿巷仔食,清楚看到三奶的左前臂有多個紅色圓形傷痕。(圖片來源:東方新地圖片庫)
鄧兆尊 一直把雙手翹於胸前的三奶,食煙時終於放下雙手,右手更驚現幾道很深的血痕。
一直把雙手翹於胸前的三奶,食煙時終於放下雙手,右手更驚現幾道很深的血痕。(圖片來源:東方新地圖片庫)
鄧兆尊 扯煙後二人去商場閒逛,未有斬獲的三奶冇晒心機。
扯煙後二人去商場閒逛,未有斬獲的三奶冇晒心機。(圖片來源:東方新地圖片庫)

有到日本旅遊前要了解的實用資料嗎?

日本是香港人最愛的兩大旅遊地點,去旅行前必看5大旅遊保險保障新冠肺炎的比較,另外為你推介日本10大好用電話卡,亦可參考日本8大Wifi蛋推介。當然亦要事先了解日本地區天氣、電壓、電源插頭、入境簽證要求及大使館電話

日本已開放自由行,有最新的旅遊景點推介嗎?

想要行程推薦的可以參考以下資訊:大阪自由行攻略富士山28大景點福岡自由行懶人包東京自駕遊路線

撰文:東方新地編輯部圖片來源:小紅書@鄧兆尊、Youtube@田豪祖3寶、東方新地圖片庫、苑瓊丹發相、無綫電視影片截圖、東方新地圖片庫資料或影片來源:原文刊於東方新地