53歲郭可盈疑再進化被揭執靚一部位 由Do姐2.0變撞樣另一位女星?
廣告
現年53歲的郭可盈早前現身TVB《萬千星輝頒獎典禮2022》,卻被網民狠批「好似Do姐2.0」,近日更有一位美容師在社交網貼出同郭可盈的合照,讓網民發現到郭可盈有一個部位曾經執靚過,指她執完後似乎撞樣一位女星,並猜測她正心思思為復出鋪路!
郭可盈 現身頒獎禮被批似Do姐2.0
已闊別螢幕多年的郭可盈早前驚喜現身TVB《萬千星輝頒獎典禮2022》,成為不少傳媒報道的焦點,但多間網媒不約而同都接連吹捧她保養得宜,臉上十分光滑零皺紋,結果適得其反,每次出Post都得到網民大量「哈哈」及留言表示質疑:「難為啲人仲讚佢保養得好又青春,講得出嘅喺咪雙眼有問題,個樣明喺又老又膠,何來青春不老」、「好膠吓喎,仲話佢keep得好?」、「小編,咁都叫冇咩變化?Ok,你啱,因為已經唔係變化,係進化呀嘛…」、「成個人乾咁,仲話有仙氣,乾成咁,炸都冇油出呀」、「整咁多嘢、打咁多針,都遮唔到佢啲老態」、「52歲嚟講,佢真係好老囉」、「好明顯走Do姐路線」、「太瘦了成個鄭裕玲咁」等等。
星級美容師:郭可盈都嚟咗我哋度
星級美眉師Hebe日前在社交網分享了一張與郭可盈的合照,表示:「郭可盈都嚟咗我哋度整眉整眼線。」並hashtag了紋眉、紋眼線等字眼,而引來網民好奇問:「你這樣不就曝露了人家微整了嗎?」Hebe即回覆:「絕對沒有微整,見過郭小姐真人,就知道她絕對不需要微整!」亦有網民指郭可盈紋眉和紋眼線後的「新樣」令人認唔出,仲以為係琦琦,又指郭可盈「磨得一條皺紋得沒有,太誇張啦!」
![郭可盈 整完眉嘅郭可盈被誤以為係琦琦。](https://imgs.orientalsunday.hk/wp-content/uploads/2023/05/01_196014357064548ca56d280-666x1024.jpg)
翻睇Hebe的社交網,可以發現郭可盈已非第一次幫襯對方,此外確實有不少女藝人都幫襯過Hebe整眉,包括傅嘉莉、龔嘉欣、莊鍶敏和孫慧雪等,Hebe仲曾經上過電台節目,接受朱薰訪問。
![郭可盈 郭可盈已多次幫襯Hebe整眉](https://imgs.orientalsunday.hk/wp-content/uploads/2023/05/02_169825518664548ca8ae2ed-825x1024.jpg)
重溫年輕時嘅郭可盈:
![郭可盈 93年選港姐三甲不入,兩年後25歲的郭可盈接拍《刑事偵輯檔案》,與32歲的陶大宇成為最佳熒幕拍檔,一拍就拍咗三輯,拍到最後一季嘅郭可盈都只係27歲,觀眾用呢個記憶去要求容顏不變,又真係要求高咗少少。](https://imgs.orientalsunday.hk/wp-content/uploads/2023/01/5d236150-b68f-41a6-ae30-0bc25d8763cd_133367637563c129d596e3b-952x1024.jpg)
將來還有什麼演唱會值得留意?
有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!
撰文:東方新地圖片來源:微博@郭可盈、YouTube@TVB (official)、小紅書@Hebe、《刑事偵輯檔案》截圖、新傳媒照片庫、tvb.com、IG@khy_official