造美人|搵Mean精抨擊參賽者  1號芷橋被批XX失敗崩潰爆喊
造美人|搵Mean精抨擊參賽者  1號芷橋被批XX失敗崩潰爆喊

造美人|搵Mean精抨擊參賽者 1號芷橋被批XX失敗崩潰爆喊

ViuTV新節目《造美人》將於下周一(6月7日)開播,首集將有7位參賽者逐一登場,其中1號參賽者芷橋竟被大會安排的一班「Mean精」抨擊為「XX失敗樣」,令她在台上崩潰爆喊!

文:東方新地|圖:ViuTV圖片

《造美人》進入第一輪淘汰賽

ViuTV全新另類選美節目《造美人》將由下周一(6月7日)起逢星期一至五晚上9時30分播出,節目將以選美結合真人騷,16位參賽者經歷淘汰後,餘下12位將經歷為期三個月關於飲食調校、身體塑形訓練的課程,期間更有各種不同的活動、集宿和考驗,成為最終造美人冠軍的勝利者,將會得到總值二十多萬的豐富獎金和獎品。

《造美人》首集內容將圍繞初賽正式開始,經過兩輪遴選,由專業團隊挑選出16位參加者進入第一輪淘汰賽。
《造美人》首集內容將圍繞初賽正式開始,經過兩輪遴選,由專業團隊挑選出16位參加者進入第一輪淘汰賽。

《造美人》首集將有7位參賽者逐一登場,其中話題十足的1號參賽者芷橋(劉芷橋)在介紹自己時透露 :「自己呢幾年花喺外表嘅費用高達三十至四十萬,當中包括join gym、箍牙、割雙眼皮同隆鼻。」不過芷橋嘅外貌被專業團隊評為整容失敗,強尼亦指出評為參加呢個節目非常冒險,因為會受到網上好多抨擊。

1號參賽者芷橋。
現年30歲的1號參賽者芷橋從事酒店業,曾割雙眼皮、隆鼻和箍牙,因以前影過不少非常大尺度的性感相,以引起話題。

芷橋分享大學曾被欺凌

被問到為什麼整容?芷橋指:「之前遇過一個男仔,我同佢喺性格上好夾,但佢最後都唔要我,係因為我唔夠靚、唔夠瘦。以前我喺大學嘅時候已經畀人bully(欺凌),都係因為我嘅外表、我嘅身材。到我返工,有啲私影相擺喺Social Media,跟住又畀人笑,就係因為我嘅外表唔得。我要做到一個合格嘅女人,或者一個特別嘅女人,真係需要更多努力去變靚。」

芷橋在分享自身經歷時,忍不住在台上痛哭。
芷橋在分享自身經歷時,忍不住在台上痛哭。

大會安排了一班「Mean精」去評論每位佳麗的樣貌身材,目的是測試她們的心態夠不夠強大。這班「Mean精」評論芷橋:「一定有整容、整容失敗樣嚟㗎喎、屯門公園嗰啲、肚腩好大、有妊娠紋、佢係有自信嘅……」其中一句有自信,令芷橋在台上爆喊說:「我真係好開心,有人話我有自信。」

芷橋見完評判團後,在後台情緒再度崩潰爆喊,她表示:「我都想堅強,我都想愛自己,可唔可以教我點樣可以愛自己,點解我要係女人,我唔想做女人呀!」其他參賽者紛紛上前安慰。
芷橋見完評判團後,在後台情緒再度崩潰爆喊,她表示:「我都想堅強,我都想愛自己,可唔可以教我點樣可以愛自己,點解我要係女人,我唔想做女人呀!」其他參賽者紛紛上前安慰。

空姐Georgia曾整容致爛鼻

而任職空姐的5號參賽者Georgia(冼潁琹)就介紹自己:「皮膚唔夠白、眼唔夠大、鼻唔係高,依家最唔滿意係自己個鼻,曾經因為唔滿意自己嘅鼻型,去打透明質酸,因為溶解劑同第二支針撞咗,半邊鼻發炎,導致爛鼻,兩個月唔可以見人。」

專業團隊就認為Georgia鼻子的問題唔算大,改造空間較少。


現年29歲的Georgia參賽只為改善自己個鼻,但專業團隊卻認為Georgia鼻子的問題不算大,改造空間較少。

傻大姐OK地盤返工日曬雨淋

參賽者6號OK(胡靄琪)就以傻大姐個性令專業團隊哭笑不得,OK指:「我之前一直喺地盤返工,咁風吹雨打、日曬雨淋,搞到我塊面好多斑,所以想透過節目執番靚個人。」大懵的她又指自己不知道自己參加了一個選美節目,糊裡糊塗就入了十六強,令全場大笑。

專業團隊評論若果要OK變做美人,基本上等於要做一架穿梭機的工程。
26歲OK從事建造工程及管理業,因此要在地盤返工,她最滿意自己的耳仔,最不滿意自己的眼袋,專業團隊指若果要將OK變成美人,基本上等於要做一架穿梭機的工程。

此外出場的還有2號參賽者Kathy、3號參賽者AB、4號參賽者Miko以及8號參賽者Shweta,眾人各有各想改善的身體部位。

2號參賽者Kathy。
2號參賽者Kathy(張育玲)現年31歲,職業是直播主及Model,曾打過肉毒桿菌(面)及透明質酸(額頭),參加節目是為了修身、豐胸及改善大腿部位。
3號參賽者AB。
3號參賽者AB(劉兆汶)今年33歲,是一位Freelance健身教練,從未整過容,想改善的地方包括有皮膚、包包面、眼皮及身形。
4號參賽者Miko。
作為全職媽媽的28歲Miko(歐陽玉婷)是第4號參賽者,她由參賽開始就被指似十足《全民造星3》的Klau, 曾經打過雀斑及去皺針,今次參加節目是為了瘦身、豐胸,以及改善自己的皮膚、蘋果肌和小腿。
8號參賽者Shweta。
8號參賽者Shweta(林珊妮)現年23歲,目前待業中,她最滿意自己雙眼,最不滿自己的背脊。

關鍵詞
造美人

最新吃喝玩樂資訊