造美人|冠軍名單流出﹗ Semi豪言攞硬冠軍 網民:罷睇ViuTV
造美人|冠軍名單流出﹗ Semi豪言攞硬冠軍 網民:罷睇ViuTV

造美人|冠軍名單流出﹗ Semi豪言攞硬冠軍 網民:罷睇ViuTV

《造美人》總決賽周六舉行(7月3日),Stella發揮領導才能令人加分,Shweta變化最大是黑馬代表,而獨孤精Semi自信爆棚話自己攞硬冠軍,而乖乖女Ice同氣質逆轉Ann觀眾緣最高,近日《造美人》冠軍名單流出,睇睇係咪大家心水﹗?
文:東方新地|圖:《造美人》截圖、[email protected]

《造美人》八強誕生,成功進入總決賽的包括楊芷羚(Stella)、 張育玲(Kathy)、劉兆汶(AB)、歐陽玉婷(Miko)、陳芊妤(Ann)、林珊妮(Shweta)、黎韋彤(Semi)、嚴楚翹(Ice)。《造美人》有別於《口罩小姐》直播形式,《造美人》早前剛錄影完畢,網上討論區更有冠軍名單流出,引起爭議﹗

造美人|冠軍名單流出﹗ Semi豪言攞硬冠軍 網民:Semi贏以後擺睇ViuTV
Kathy、Miko、Stella和AB順利打入八強爭冠軍﹗(圖片來源:[email protected]

《造美人》Semi狠批隊友一盤散沙 傷腳AB大反擊

《造美人》大熱Semi自信又唔合群,竟然在節目中公開批評隊友似一盤散沙,又狠批:「某啲女仔仲覺得係嚟玩玩吓,到依家我哋on show ,on show你仲係小粉絲形式咁去迎戰,或者仍然或仲對自己猶疑嘅,我就覺得佢哋應該要調整心態囉﹗」呢段說話被似衝著受傷的AB而來﹗AB反擊指初時係抱玩心態去試吓,但比賽過程,每入到一關已經改變心態,係因為過程令她轉變﹗唔再係為咗玩,而係想贏﹗

造美人|冠軍名單流出﹗ Semi豪言攞硬冠軍 網民:Semi贏以後擺睇ViuTV
Semi公開批評有隊員抱玩玩吓心態﹗(圖片來源:《造美人》截圖)
造美人|冠軍名單流出﹗ Semi豪言攞硬冠軍 網民:Semi贏以後擺睇ViuTV
Semi公開批評,有指矛頭直指AB,AB反擊指這只是最初的心態,到後期已完全改變﹗到最後只想著要贏﹗(圖片來源:《造美人》截圖)

《造美人》Semi:我係一定攞到冠軍﹗

Semi在dating環節一句「dating我敢認第二,冇人敢認第一。」成功吸嬲﹗Semi自我爆棚到一個點,公開話自己贏硬:「我無論心態定體態都係 fully ready,製作團隊話畀我知要有信心去展現自己線條,show最性感最誘人畀大家睇,咁咪即係做自己就得啦﹗」Semi再自信滿滿話:「我係一定攞到冠軍﹗(咁有自信?)係呀,我真係好有自信﹗」

造美人|冠軍名單流出﹗ Semi豪言攞硬冠軍 網民:Semi贏以後擺睇ViuTV
Semi被排舞師讚後,自信爆棚話自己攞硬冠軍,口氣好大﹗(圖片來源:《造美人》截圖)

Semi自信攞硬冠軍,不少網民鬧爆佢自視過高,紛紛留言:「一早唔應該入決賽」、「如果Semi攞冠軍以後擺睇ViuTV」、「唔好係真呀,Semi冠軍,我唔睇總決賽㗎﹗」、「竟然有人黑(乞)人憎過Kathy」、「Semi真係好(乞)人憎,佢贏會影響ViuTV形象」。

造美人|冠軍名單流出﹗ Semi豪言攞硬冠軍 網民:Semi贏以後擺睇ViuTV

《造美人》Shweta EQ低被扣分

混血Shweta被指外貌變化最大,由師奶變索女,不過比賽期間不時情緒易失控,又與Stella在排舞室吵大鑊,盡顯EQ極低,經常情緒大暴走,冇理過團隊感受﹗令她大大扣分,而且在總決賽要展示她最弱的一環舞技﹗本來是冠軍黑馬的Shweta與《造美人》冠軍無緣﹗
造美人|冠軍名單流出﹗ Semi豪言攞硬冠軍 網民:Semi贏以後擺睇ViuTV

Ice落敗傳即參加《全民造星4》

《造美人》佳麗當中最受網民歡迎的Ann同Ice,卻在總決賽大跳辣身舞同Catwalk表現一般,並未為自己成功搶分﹗有傳Ice落敗,但對幕前演出很有興趣,已報名參加《全民造星4》。

造美人|冠軍名單流出﹗ Semi豪言攞硬冠軍 網民:Semi贏以後擺睇ViuTV
Ice近日不但客串《大叔的愛》,更有傳因落敗《造美人》,已報名以選女團為名的《全民造星4》。(圖片來源:[email protected]

Ann感激強尼一直睇好自己

Ann對自己在總決賽的表演環節感到好冇信心,不過都話會盡力,日前Ann在IG出post留言:「我唔會係世界最中心,我唔一定要做major做minor 都有做minor 既發揮空間,何況做一個出色嘅minor其實仲難過做一個major﹗」似在暗指始終做唔到major,攞唔到冠軍﹗Ann又感激強尼一直的支持﹗

造美人|冠軍名單流出﹗ Semi豪言攞硬冠軍 網民:Semi贏以後擺睇ViuTV
Ann一直都好冇信心,對在總決賽的表演環節,毫無信心﹗(圖片來源:《造美人》IG)

Kathy埋鍾培生上擂台

Kathy一直表現好而在公主組,但到總決賽表現平平,未能令她成為冠軍﹗近日富三代鍾培生對戰林作的百萬擂台戰記招上,正式公布名單中有《造美人》Kathy和《口罩小姐》Oille對疊,是當日唯一女子比賽,相信Kathy落敗《造美人》,即參加打拳比賽,繼續為出鏡爭取機會﹗

造美人|冠軍名單流出﹗ Semi豪言攞硬冠軍 網民:Semi贏以後擺睇ViuTV
大熱Kathy長踞公主組,她坦言最初覺得比賽好輕易,但後來卻發現很吃力:「進步冇其他佳麗咁多﹗」(圖片來源:《造美人》截圖)
AB、Miko、Stella和Kathy一直好老友,就算各自在平民組和公主組,四個都經常圍埋一齊成小圈子﹗(圖片來源:《造美人》截圖)
AB、Miko、Stella和Kathy一直好老友,Miko話知自己唔會係冠軍:「當然我知自己冇乜資格做冠軍,但我唔會
因為咁而唔將冠軍做我目標嘅﹗」(圖片來源:《造美人》截圖)

網上流傳《造美人》冠軍並非以上最多討論度的佳麗,而是在camp 2奪得第一名的Stella,Stella在多個環節中表現有領導才能,不時以「大家姐」姿態為大家解決問題,而且在排舞室遇著情緒失控的Shweta,都盡量克制﹗Stella本身是一名KOL,對鏡頭能應付自如,而且對答環節令她加分,外形上由於減肥成功,經微調後下巴臉形都變靚,不少人指她變和善,是從心發出,內外變靚達到「造美人」的標準﹗
造美人|冠軍名單流出﹗ Semi豪言攞硬冠軍 網民:Semi贏以後擺睇ViuTV

Stella IG留言露玄機

Stella近日在IG出po感激大家睇到佢嘅默默努力,留言「依三個禮拜真係得過好快~決賽前最後嘅成績排名都公佈了,默默嘅努力但原來真係有人看到架,去到𝗖𝗮𝗺𝗽𝟮反而我自己無諗太多名次,一心諗住唔好俾人淘汰,做好自己,開開心心咁玩就算啦,每日雖然都好攰但係真係當左自己去旅行咁~最意外係從來冇諗過呢個節目可以咁熱血,都重新燃起左我地嘅凝聚力,一齊贏比自己一個勝利更開心~」似足冠軍感言﹗

造美人|冠軍名單流出﹗ Semi豪言攞硬冠軍 網民:Semi贏以後擺睇ViuTV
(圖片來源:[email protected]

最新吃喝玩樂資訊