張敬軒
張敬軒

軒公敲碗︱張敬軒體驗一日托兒被Lucy狂派檸檬 網民取笑:遇到對手

影視娛樂

廣告

張敬軒諗頭多又夠膽試新嘢,今次在《軒公敲碗》第二季挑戰「一日託兒服務」,搵來深受網民歡迎的星二代李元元(Lucy)做嘉賓,而張敬軒的古董大宅就成為臨時「託兒所」。5歲的Lucy做足「嘉賓」本分,扮「遮遮」惡搞重料早餐,仲當眾派檸檬畀張敬軒,二人互動大放笑彈,呢條影片在YouTube上架首日已登上熱門影片第一位,至今已近64萬點擊。

張敬軒 《軒公敲碗》第二季第三集,張敬軒就挑戰「一日託兒服務」,揾來深受網民歡迎嘅星二代李元元Lucy)做嘉賓。
《軒公敲碗》第二季第三集,張敬軒就挑戰「一日託兒服務」,揾來深受網民歡迎嘅星二代李元元(Lucy)做嘉賓。(圖片來源:《軒公敲碗》圖片)

張敬軒開拓小朋友市場

今次張敬軒請來李璨琛愛女Lucy李元元做嘉賓,認真落重本,先借出私家大宅做拍攝場地,仲為「Lucy一日託兒服務」設計多項活動,包括化妝、襯衫、由Lucy親自為張敬軒主理早餐、Bedtime Story同吹氣球。主人家張敬軒為盡快同Lucy混熟,開通小朋友市場,所以由女孩子至愛的扮靚開始。

張敬軒 李璨琛老婆Pae把女兒Lucy帶去張敬軒大宅,估唔到Lucy咁順攤肯跟軒公走。
李璨琛老婆Pae把女兒Lucy帶去張敬軒大宅,估唔到Lucy咁順攤肯跟軒公走。(圖片來源:《軒公敲碗》圖片)
張敬軒 張敬軒預備了玩具化妝套裝,仲化妝師上身,親手為Lucy化眼影。
張敬軒預備了玩具化妝套裝,仲化妝師上身,親手為Lucy化眼影。(圖片來源:《軒公敲碗》圖片)

張敬軒明玩Lucy 化妝師上身塗綠色眼影

雖然Lucy表示自備了指甲油同眼影,但都畀面嘗試用張敬軒預備的玩具化妝套裝,點知張敬軒化妝師上身,先用Lucy自備粉紫色眼影,不過顏色就唔係好覺眼,最後Lucy揀了綠色閃閃眼影,一望塗上綠色眼影的Lucy,張敬軒忍唔住笑話:「我擔心你阿媽以為我虐待你。」隨後又大膽話不如再塗多一層藍色眼影,塗完後一望鏡,呢個「偽化妝師」再次忍唔住大笑,仲問Lucy喜唔喜歡呢個色的眼影,一臉天然呆的Lucy細細聲講:「都鍾意。」場面十分搞笑中亦帶點溫馨。

張敬軒 一望塗上綠色眼影嘅Lucy,張敬軒忍唔住笑到震話:「我擔心你阿媽以為我虐待你。」Lucy卻一臉無奈。
一望塗上綠色眼影嘅Lucy,張敬軒忍唔住笑到震話:「我擔心你阿媽以為我虐待你。」Lucy卻一臉無奈。(圖片來源:《軒公敲碗》圖片)
張敬軒 著上公主裙嘅Lucy 自信返晒嚟,肥嘟嘟十分可愛。
著上公主裙嘅Lucy 自信返晒嚟,肥嘟嘟十分可愛。(圖片來源:《軒公敲碗》圖片)

大讚5歲Lucy成熟有手尾

去到襯衫環節,知道Lucy鍾意公主打扮,張敬軒事前準備了多條公主裙,見到Lucy揀裙時就大讚,「佢係好知道自己想要啲乜嘢,我覺得佢都幾成熟,同埋好有手尾,佢係自己會執番整齊啲嘢,呢啲真係好少見呀依家啲小朋友。」雖然星二代Lucy剛好滿5歲,但在影片中完全睇唔到有恃寵生嬌的壞習慣,反而好有禮貌又淡定。張敬軒與Lucy的互動甚有化學作用,之後張敬軒仲奶爸上身大睡前故事,不過Lucy就唔多領情,只顧坐住膠鹿仔周圍彈。

張敬軒 Lucy話要將益力多撈入早餐,擺明靠害喎!
Lucy話要將益力多撈入早餐,擺明靠害喎!(圖片來源:[email protected]
張敬軒 張敬軒都冇眼睇,呢個5歲Lucy整早餐嘅實力勁過之前嘅「遮遮」。
張敬軒都冇眼睇,呢個5歲Lucy整早餐嘅實力勁過之前嘅「遮遮」。(圖片來源:《軒公敲碗》圖片)

軒公歎完「加料早餐」再食「檸檬」

Lucy於整早餐環節入面,好興奮咁將橡皮糖、薯片、粟米、蛋撈埋,仲「加料」整多支益力多同茄汁豆,睇到眼突的張敬軒即時搖頭笑言:「我同早餐都係冇乜緣分,食完肚屙都似!」佢仲問Lucy:「你知唔知我陣間要食咗佢?」Lucy點頭話:「特登!」張敬軒登時笑爆咀,反邀請Lucy一齊食,點知Lucy反應超快一口拒絕:「唔使!」之後張敬軒諗住使出「殺手鐧」唱歌仔冧女,Lucy竟然當眾派檸檬話:「唔使喇!」難怪一眾網民留言表示:「軒公遇上對手了! Lucy完全無面俾。」、「應該無乜人係咁派檸檬俾軒公,好好笑。」最後張敬軒仲問Lucy鐘意MC張天賦(Lucy頭號偶像)多啲定自己,Lucy答:「兩個都鍾意!」氹得軒公心花露放。

張敬軒 為咗節目效果,張敬軒最後好俾面瞇住眼食咗一啖「早餐」。
為咗節目效果,張敬軒最後好俾面瞇住眼食咗一啖「早餐」。(圖片來源:《軒公敲碗》圖片)
張敬軒 張敬軒為咗做節目可以去到好盡,今次畀5歲嘅Lucy玩到氹氹轉,連啲網民都留言取笑。
張敬軒為咗做節目可以去到好盡,今次畀5歲嘅Lucy玩到氹氹轉,連啲網民都留言取笑。(圖片來源:《軒公敲碗》圖片)(圖片來源:YouTube討論區截圖)
張敬軒 大家都覺得軒公遇上對手。
大家都覺得軒公遇上對手。(圖片來源:YouTube討論區截圖)
張敬軒 看來網民都好鍾意Lucy。
看來網民都好鍾意Lucy。(圖片來源:YouTube討論區截圖)
張敬軒 軒公呢集做湊仔公好成功。
軒公呢集做湊仔公好成功。(圖片來源:YouTube討論區截圖)
張敬軒 軒公xLucy這個組合深受網民愛戴,在YouTuybe上架4日已成為熱門搜尋第一位,呢一幕軒公抱住Lucy話肩周炎頂唔順,真係好好笑。
軒公xLucy這個組合深受網民愛戴,在YouTuybe上架4日已成為熱門搜尋第一位,呢一幕軒公抱住Lucy話肩周炎頂唔順,真係好好笑。(圖片來源:YouTube@張敬軒Hins Cheung)

42年首次與父母出遊

張敬軒將於本月16號一連3日在英國倫敦舉行演唱會,日前他帶埋父母同行,仲自爆42年第一次一家三口去旅行,去到景點白金漢宮前留影,張媽媽還在公園同小朋友踢波,張敬軒笑媽媽已加入「耆」英超級足球聯賽。因為行動不便坐住電動輪椅的張爸爸,期間唔小心轆到張敬軒隻腳,兩父子幽默對答非常搞笑,張敬軒話:「影完呢張相阿老爺因為張椅係電動,所以連人帶椅碌過我隻腳,我嗌痛然後佢問我咩事,跟住我話你碌親我。然後佢話佢feel唔到,我話唔緊要,我都feel唔到自己仲有隻腳。」張敬軒與父母出行期間發生咁多趣事,網民提議應該拍片紀錄,點擊率應該又會衝上熱搜。

張敬軒 張敬軒自爆42年嚟第一次一家三口去旅行,去到景點白金漢宮前留影,難得的家庭合照。 佢仲公開一家人嘅對話,坦言:「軒公一家帶着矛盾去旅行」,真係畀佢笑死。(圖片提供:IG@hinscheung)
張敬軒自爆42年嚟第一次一家三口去旅行,去到景點白金漢宮前留影,難得的家庭合照。 佢仲公開一家人嘅對話,坦言:「軒公一家帶着矛盾去旅行」,真係畀佢笑死。(圖片來源:IG@hinscheung)
張敬軒 原來張敬軒係嚟自一個好幽默嘅家庭,其父母都好玩得。(圖片提供:IG@hinscheung)
原來張敬軒係嚟自一個好幽默嘅家庭,其父母都好玩得。(圖片來源:IG@hinscheung)
張敬軒 阿敬軒連阿媽都玩一餐,笑佢去公園同小朋友踢波係參加「耆英超」。(圖片提供:IG@hinscheung)
阿敬軒連阿媽都玩一餐,笑佢去公園同小朋友踢波係參加「耆英超」。(圖片來源:IG@hinscheung)
張敬軒 張敬軒即將喺本月16號一連3日喺英國倫敦舉行演唱會,個唱前做孝順仔帶父母出遊。(圖片提供:IG@hinscheung)
張敬軒即將喺本月16號一連3日喺英國倫敦舉行演唱會,個唱前做孝順仔帶父母出遊。(圖片來源:IG@hinscheung)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

撰文:東方新地圖片來源:IG@hinscheung、YouTube@張敬軒Hins Cheung、《軒公敲碗》圖片資料或影片來源:原文刊於東方新地