超能使者
超能使者

超能使者|Final Boss唔易估!全城競猜9大嫌疑人 最有可能係呢一位?

影視娛樂

廣告

無綫台慶劇《超能使者》近日高潮迭起,劇情反轉再反轉,引起全城熱話,由於監製文偉鴻過往不少劇如《使徒行者》至《鐵拳英雄》均玩懸念,令不少網民瘋狂競猜《超能使者》邊個先至係最強Final Boss!

《超能使者》Final Boss嫌疑人逐個捉監製次次都扭橋玩懸疑

超能使者 由2014年臥底劇《使徒行者》開始,劇集監製文偉鴻就掌握劇情故布疑陣、角色終極反轉的方程式,《超能使者》與《城寨英雄》、《鐵拳英雄》是同系列同班底的製作,未知 Final Boss 是否一脈相承會「爆衫」現真身?!
由2014年臥底劇《使徒行者》開始,劇集監製文偉鴻就掌握劇情故布疑陣、角色終極反轉的方程式,《超能使者》與《城寨英雄》、《鐵拳英雄》是同系列同班底的製作,未知 Final Boss 是否一脈相承會「爆衫」現真身?!(圖片來源:tvb.com)

1.沈震軒有強勁超能力

有網民認為沈震軒最可疑,認為正常人冇理由遇到一宗死亡交通意外後會直接走人,好唔合常理!而且沈震軒亦曾透露自己將會有好強勁的超能力,因此大有做Final Boss的可能。

超能使者 沈震軒之前一場爆喊戲演技備受讚賞。
沈震軒之前一場爆喊戲演技備受讚賞。(圖片來源:TVB《超能使者》截圖)
超能使者 沈震軒的超能力有指係雙手能發出強大吸力,將物件吸到手中。
沈震軒的超能力有指係雙手能發出強大吸力,將物件吸到手中。(圖片來源:TVB《超能使者》截圖)

2.劉佩玥黑化操控陳展鵬?

導演講過劉佩玥係關鍵人物,亦有不少網民估她是Final Boss,亦有網民估她其實是陳展鵬的心魔,在派帽後已被陳展鵬殺死,亦有網民估她其實有Mind Control(心靈控制)的超能力,操控了陳展鵬去殺人,又操控了他有關家人的記憶,有網民仲留意到她有幾集髮色變成了紫色,所以目前Final Boss嫌疑最大係佢!

超能使者 第14集唐詩詠揭穿了阿Moon甚至陳展鵬全家都並不存在,但其實有可能係存在於另一空間?有冇可能係來自另一多重宇宙操控陳展鵬?!
第14集唐詩詠揭穿了阿Moon甚至陳展鵬全家都並不存在,但其實有可能係存在於另一空間?有冇可能係來自另一多重宇宙操控陳展鵬?!(圖片來源:tvb.com)

第15集陳展鵬回憶老婆出軌的情節,場面大膽,導演仲爆料話:

唔單止撞破,應該係電視首次「夫目前犯」。

觀眾熱烈討論阿moon係幻想角色,還是類似緋紅女巫(Marvel嘅Scarlet Witch)懂得個操控別人思想的異能人,監製就在個人社交媒體回應:

第一集開端旁白:”當生命受到威脅,就有可能激活巨大潛能!”

超能使者 淑敏喺於生命受威脅時仲離奇地展現魅惑眼神。
呢個眼神好有可疑!(圖片來源:TVB《超能使者》截圖)

3.張國強 外忠內奸

根據維基劇透指張國強飾演的袁叔其實係Final Boss,擁有的超能力係控制磁性(磁力王?),不過維基資料可以任改,所以可信度有待驗證,有網民力撐張國強好有做反派的特質,加上袁叔表面善良,實際奸到出汁,才會有反差感,但亦有網民指佢套套劇都做反派就冇晒驚喜!

超能使者 子善爆袁叔係猛人,仲叫大家留意佢個紋身。
林子善曾經爆張國強飾演的袁叔其實係猛人,唔通有咩玄機?(圖片來源:TVB《超能使者》截圖)

4.歐瑞偉壞事做盡

作為明面上的大奸角,賀生(歐瑞偉飾)和他的兒子Dickson(陳國峰飾)壞事做盡,歐瑞偉在《城寨英雄》中亦做過Final Boss,因此亦有網民估今次大家最終要一齊對付的Final Boss,會再次係佢!

超能使者 二人互飆演技!
歐瑞偉會唔會再做Final Boss?(圖片來源:TVB《超能使者》截圖)

5.王君馨其實係臥底?

王君馨表面上係社團大家姐,但似乎暗中收埋好多秘密,有網民就估佢其實係臥底,入社團目的係剷除歐瑞偉,亦有網民估佢為了做社團揸Fit人,將會有大陰謀,有成為Final Boss的潛質!

超能使者 王君馨每次出場都好有氣勢!
王君馨每次出場都好有氣勢!(圖片來源:TVB《超能使者》劇照)
超能使者 瑞琦與「超能使者」嘅「關係」,到底會點樣發展?
到底佢係臥底定Final Boss?(圖片來源:TVB《超能使者》劇照)

6.陳展鵬精神分裂

現時劇中有好多線索都指向劉佩玥及飾演陳展鵬細佬的黃庭鋒等,都係陳展鵬的幻覺,網民猜測最後可能講陳展鵬患上了精神分裂,加上車禍後入院,在昏迷期間夢到所有事情,最後醒來時發現自己正身在精神病院,所以他才是最後的Big Boss。

超能使者 阿鏈與高氏兄弟今晚將施展渾身解數為博富婆一笑。
有網民猜測所有劇情其實都係陳展鵬的幻覺。(圖片來源:TVB《超能使者》截圖)
超能使者 黃庭鋒飾演陳展鵬弟弟
劉佩玥同黃庭鋒都係佢幻想出嚟?(圖片來源:TVB《超能使者》劇照)

7.馮素波邪教教主

除了一眾主演外,連橫跨兩台演盡兩部重頭劇《超能使者》和《繩角》的甘草演員馮素波,都有網民估她才是Final Boss,認為她信教只係掩飾,其實是邪教的幕後真正教主!

超能使者 馮素波之前仲整出過爆炸場面!
馮素波之前仲整出過爆炸場面!(圖片來源:TVB《超能使者》截圖)
超能使者 馮素波咁好戲,戲份冇理由咁少!
馮素波咁好戲,戲份冇理由得咁少!(圖片來源:TVB《超能使者》劇照)

8.楊證樺賣慘博同情

楊證樺飾演的明仔老竇高佬,之前又有病又被黑幫追殺,不停賣慘情,冧到唐詩詠醫好佢,可能只係為反轉劇情舖墊,事實佢先係Final Boss?

超能使者 楊證樺被指不停賣慘情。
楊證樺被指不停賣慘情。(圖片來源:TVB《超能使者》截圖)

9.明仔不停翻生

明仔(潘墨凌飾)在劇中死完又死不停翻生,亦好有可疑,如果佢真係Final Boss,劇情就真係好爆喇!

超能使者 明仔呢個表情好有可疑!
明仔呢個表情好有可疑!(圖片來源:TVB《超能使者》截圖)

邊個先係真正Final Boss?

常見問題

《超能使者》全用《城寨》班底?

本劇雲集了《城寨英雄》、《同盟》和《鐵拳英雄》的演員,由金牌監製打造⋯⋯按此看劇集&人物介紹

《超能使者》大玩CG特效代替真功夫?

《超能使者》監製文偉鴻表示,此劇為加強真實感摒棄全CG製作,不惜工本,更用了逾1800個CG鏡頭。而主角穿梭「時間停頓空間」的畫面,除了要靠高速攝影機拍攝之外,原來還需要演員們⋯⋯按此看劇集&人物介紹

撰文:東方新地圖片來源:TVB《超能使者》截圖及劇照

最新吃喝玩樂資訊