超能使者 陳展鵬
超能使者 陳展鵬

超能使者|陳展鵬「幻愛」妄戀演技獲掌聲 監製爆劉佩玥意識好大膽

影視娛樂

廣告

《超能使者》劇情再有突破!第15集揭開陳展鵬老婆劉佩玥的神秘身份,一如觀眾所料,阿Moon係陳展鵬幻想出來的角色,第14集唐詩詠驚覺陳展鵬家居原來係空無一人的破屋,逐步揭開陳展鵬的妄想症真相,這一幕揭開真相場面,充滿戲劇張力,拍攝手法唔似一般港劇,監製文偉鴻仲大爆,阿Moon與情夫郭子豪吸煙一幕原來有大尺度的隱喻!

超能使者 劇情出乎意料變驚悚片

陳展鵬在第15集被揭發患有妄想症,「幻愛」式建立的幸福家庭瞬間崩塌,在沒有太多特技輔助下,呈現驚恐的演技大爆發!《超能使者》交代劉佩玥真正身份,「阿鏈」陳展鵬發現自己患有精神病,喺幻覺同真實記憶之間,陳展鵬喺劇中要瞬間轉換表情,原來大特寫嘅鏡頭係展鵬嘅獨腳戲,就連視帝展鵬去演繹精神崩塌場口,佢都覺得相當有難度,絕對係演技大爆發!

超能使者 陳展鵬 監製 劉佩玥 plt 劉佩玥忽然望向鏡頭,與觀眾對話,原來係陳展鵬的意思被瓦解!
劉佩玥忽然望向鏡頭,與觀眾對話,原來係陳展鵬的意思被瓦解!(圖片來源:tvb.com)

監製導賞「夫目前犯」 爆阿Moon聽唔明一臉茫然

除了陳展鵬的演出外,關於劉佩玥與郭子豪出軌被撞破一幕,監製在社交平台作出了場面導賞,原來呼煙一幕有相當大膽的指涉,演員聽到時還一臉茫然:

超能使者 陳展鵬 監製 劉佩玥 plt
(圖片來源:[email protected]_boon)

監製衝破電視極限 對劉佩玥下指令:我要讓子豪進入你的身體

「呢場戲嘅題目係『夫目前犯』 ,為咗配合阿年的精神狀態,我對Moon嘅要求並不簡單,我不要求她脫衣服,但我要讓子豪進入你的身體, 她聽了之後一臉茫然, 我便問她能否為我吸煙? 這口煙代表了子豪的身體進入了你,畫面純淨不露骨,同時亦帶著優雅的魔性,大膽意識衝破電視極限,必定會是電視史上一場令人難忘的一刻!」

超能使者 陳展鵬 監製 劉佩玥 plt
(圖片來源:[email protected]_boon)

觀眾讚好:唔洗為班師奶投訴而就住就住拍

觀眾對這一幕大表讚賞:

「好虐心呀! 阿鏈好痛苦,不停被幻覺折磨! 睇到不自覺嗌咗“唔好咁啦” 展鵬演譯超水準!原以為這套劇攪笑, 用超能力破解一些迷案,點知來個大反轉!」

「好鍾意阿Moon陰笑若無其事咁望住煎pan呢幕,奸夫笑住食煙然後吹啲煙落呀Moon個嘴,兩個詭異地咁望住煎pan笑… 加上煎pan嘅演技同埋配樂,好正!」

「其實依家都黎緊2023啦,真係唔洗為班師奶投訴而就住就住拍,就住拍出黎反而無晒效果!」

超能使者 陳展鵬 監製 劉佩玥 plt 超能使者 郭子豪 超能使者 但劉佩玥只係對住佢黑晒面,後面的郭子豪繼續笑淫淫。
劉佩玥在丈夫面前偷情,後面的郭子豪繼續笑淫淫。(圖片來源:[email protected]_boon)

相關文章:31歲郭子豪囂張偷食劉佩玥 19年惹官非幸獲港姐女友支持

陳展鵬秒變鬥雞眼 零秘至十秒表情變換 受訪爆幕後花絮

陳展鵬解釋係因為「阿鏈」患有精神病,幻想阿媽程可為、細佬黃庭鋒及老婆劉佩玥出嚟,每一場都要演員同鏡頭互相配合,有一次講陳展鵬要演由現實去到幻覺,仲返回現實,陳展鵬要事前構思好整個畫面,亦要知道出嚟嘅效果,由零秘至十秒要做晒啲表情,真係好考演技。

觀眾好評洗板 紛紛預測劇情發展

對於第15集劇情大反轉,觀眾都留言大力讚好: 「展鵬嘅眼神都是戲,各種演繹都一流,演技太精湛!前期正常的一個人,突然有個大轉變,差別很大,這就是演技,好厲害。視帝係唔會執輸!」、「今集真係睇到窒息咁滯。展鵬做得超好」、「以前在友台看「我和殭屍有個約會」時,已發現陳展鵬講對白抑揚頓挫、字正腔圓,演技比其他人搶眼!這兩隻D演技更加出神入化!導演、幕後用心的拍攝技巧都值得鼓掌」、「演繹多層次,角色性情多變,冇諗過呢套戲的角色設定超有心思,佢的戲真心超晒班。視帝冇可能唔係佢,雖然另一套林生演出都好好,但講演戲的層次變化,還是展鵬高。」

常見問題

《超能使者》全用《城寨》班底?

本劇雲集了《城寨英雄》、《同盟》和《鐵拳英雄》的演員,由金牌監製打造⋯⋯按此看劇集&人物介紹

《超能使者》大玩CG特效代替真功夫?

《超能使者》監製文偉鴻表示,此劇為加強真實感摒棄全CG製作,不惜工本,更用了逾1800個CG鏡頭。而主角穿梭「時間停頓空間」的畫面,除了要靠高速攝影機拍攝之外,原來還需要演員們⋯⋯按此看劇集&人物介紹

圖片來源:tvb.com

最新吃喝玩樂資訊