超能使者
超能使者

超能使者|大結局陳展鵬老妝迫真大會堂前暴斃 監製文偉鴻4字回應續集訴求

影視娛樂

廣告

無綫台慶劇《超能使者》大結局在周五晚播放完畢,監製Jazz文偉鴻過往不少劇如《使徒行者》至《鐵拳英雄》均愛故布疑陣,大玩懸念,令不少網民之前都瘋狂競猜《超能使者》邊個先至係最強Final Boss,結局最終揭開原來唔止係玩 「打大佬」,而係反思異能的真正意義!監製文偉鴻在播放結局後,更回應了網民對於劇集會否拍續集的問題!

陳展鵬老妝迫真大會堂空地前暴斃

由於結局劇情講到陳展鵬異能耗盡,瞬間變成老人,監製爆料表示這一幕在炎熱的夏天拍攝,為了不讓汗水形容妝容,上妝後的陳展鵬要在烈日下保持靜止,以免影響造型:

超能使者 陳展鵬在結局因為耗盡「逆時」異能,將時間倒退到第1集的車禍之前,枉死的好友都復活,他就變成枯乾老人,記憶盡失的唐詩詠遇上瀕死的陳展鵬,觸摸他的手之後,回憶瞬間湧現心頭,場面感人!
記憶盡失的唐詩詠遇上瀕死的陳展鵬,觸摸他的手之後,回憶瞬間湧現心頭,場面感人!(圖片來源:tvb.com)

陳展鵬老粧上陣 監製確定阿鏈為眾好友犠牲陣亡!

陳展鵬在結局因為耗盡「逆時」異能,將時間倒退到第1集的車禍之前,一班枉死的好友都成功復活,陳展鵬為大家送上錄影,向Q姨示愛,他就變成枯乾老人,監製在劇集播放完畢之後的直播中表示,在劇本設計上 ,陳展鵬的角色必須要死,因此才能成就他的犧牲有意義!

超能使者 陳展鵬的老妝帶著異能耗盡的意味,化妝加CG特技,極速變老。
陳展鵬的老妝帶著異能耗盡的意味,化妝加CG特技,極速變老。(圖片來源:tvb.com)
超能使者 阿鏈「逆轉時空」前曾留下深情剖白,講自己唔需要異能,需要的是友情和愛。
阿鏈「逆轉時空」前曾留下深情剖白,講自己唔需要異能,需要的是友情和愛。(圖片來源:tvb.com)
超能使者 之前視帝譚俊彥拍《18年後的終極真相》亦有試過為結局化老妝,不過係扮阿伯,殺人之後仲可以自然老去,受良心責備。
之前視帝譚俊彥拍《18年後的終極真相》亦有試過為結局化老妝,不過係扮阿伯,殺人之後仲可以自然老去,受良心責備。(圖片來源:tvb.com)

陳展鵬最強「超能力」逆轉救世

「如果有得揀,你會想得到邊種超能力?」,經歷完身邊咁多人嘅犧牲,鍾孝年( 陳展鵬 )會答你,佢統統超能力都唔要!為咗救返所有人,鍾孝年頂住超能力嘅副作用作出一個艱難決定…

《超能使者》大結局 第25集劇情 大戰過後陳展鵬求婚 四人大喜之日異能副作用反噬

歐瑞偉偷襲陳展鵬等人,幸得援兵及時出手制止。唐詩詠入院,陳展鵬趁機求婚。大戰過後,眾人早已筋疲力盡……另一邊廂,王君馨的情況依舊,沈震軒感到無力之際,及後竟閃過陳展鵬會在「袁叔飯堂」遇險的畫面! 原來歐瑞偉利用陳展鵬弟,脅逼陳展鵬等人就範,陳展鵬弟不堪做人質而選擇自盡,沈震軒利用超級異能將歐瑞偉擊敗……雖然BigBoss終於被擊斃,但異能反噬的情況仍未能阻止⋯⋯

超能使者 高勇結局似乎自身難保。
高勇結局似乎自身難保。(圖片來源:TVB《超能使者》截圖)
超能使者 歐瑞偉向一眾超能使者進行大報復。
歐瑞偉向一眾超能使者進行大報復。(圖片來源:TVB《超能使者》截圖)

觀眾想《超能使者》開續集! 監製4字回應 古裝版想劉穎鏇著肚兜?

台慶劇《超能使者》結局篇,一眾演員陳山聰、陳展鵬、劉穎鏇、Moon劉佩玥、林子善、伍樂怡、KK張國強同監製Jazz文偉鴻就約埋一齊食飯兼睇直播,講到有不少網民都留言話好唔捨得套劇咁快完,仲話希望可以原班人馬再拍續集,監製文偉鴻就回應話「有睇到大家嘅留言㗎,但要『見好就收』」,仲話自己風格係將最精彩嘅嘢喺每一套劇內都度盡晒、擺晒落去,所以佢過往嘅作品都唔會有續集呢回事(編按:《使徒行者》系列續作並非由他操刀),不過對於有網民提議原班人馬玩古裝加時裝,山聰即反問大家係咪想睇劉穎鏇古裝造型?而文偉鴻就抵死咁話,到時劉穎鏇唔係著三點式,而係要著肚兜!

超能使者 劉潁鏇 水著 大家覺得如何?
劉穎鏇在《超能使者》曾著三點式上陣拍廣告。(圖片來源:TVB《超能使者》劇照)
超能使者 監製文偉鴻指如果用原班人馬拍古裝加時裝劇,劉穎鏇就要著肚兜。
監製文偉鴻指如果用原班人馬拍古裝加時裝劇,劉穎鏇就要著肚兜。(圖片來源:[email protected]娛樂新聞台)

開播前玩嘢?監製玩大結局競猜

監製文偉鴻又在IG限時動態中大玩結局競猜,選項包括:

1)詩詠係小說作家寫故事/遊戲開發

2)阿Moon心靈操控眾人無限輪迴,活在痛苦中

3)所有事係展鵬精神病幻想

4)膠勇Open BB返回過去救回所有人

這4個選項入面有3個都係脫離現實,只有第4點會有現實的Happy Ending,但高勇在大結局預告中似乎會被沈震軒殺死,要做到第4點的話,必須先逃過這一刧。唔知這4個選項是監製亂講來引人討論,定係入面真係有一個會係《超能使者》的大結局謎底?

超能使者 監製在IG限時動態中玩結局競猜,配上的影片係唐詩詠、劉穎鏇在和陳展鵬、陳山聰舉行婚禮前玩鬧的片段。
監製在IG限時動態中玩結局競猜,配上的影片係唐詩詠、劉穎鏇在和陳展鵬、陳山聰舉行婚禮前玩鬧的片段。(圖片來源:[email protected]_boon)
超能使者 又預告大結局中的英雄內戰。
又預告大結局中的英雄內戰。(圖片來源:[email protected]_boon)
超能使者 黃庭鋒飾演陳展鵬弟弟
之前陳展鵬已經有過老婆劉佩玥同細佬黃庭鋒等精神病幻覺。(圖片來源:TVB《超能使者》劇照)

睇張國強被殺林子善爆喊

直播中睇到KK飾演的袁叔被殺一幕,林子善忍唔住喊咗出嚟,陳山聰就話當時佢哋足足拍咗5個夜晚,除咗因為將文戲同打鬥戲分開拍攝外,仲因為拍攝期間撞正山聰囝囝Jaco出世,山聰笑言佢接完Jaco出世後,就即刻再返劇組拍這場KK同梅姐被殺嘅重頭戲。而睇到喊晒嘅子善,就話因為平日自己都會叫KK做Daddy,加上自己又已為人父,所以當佢睇到KK同君馨場戲時,就即刻代入其中,子善又埋怨話睇完呢場慘情戲以為可以有個喘息空間唞啖氣,點知劇情仍然繼續虐心,令子善啲眼淚完全失控。

超能使者 林子善睇張國強被殺一幕忍唔住爆喊。
林子善睇張國強被殺一幕忍唔住爆喊。(圖片來源:TVB《超能使者》截圖)

《超能使者》大結局Final Boss現身 監製次次都玩劇情大反轉!

超能使者 由2014年臥底劇《使徒行者》開始,劇集監製文偉鴻就掌握劇情故布疑陣、角色終極反轉的方程式,《超能使者》與《城寨英雄》、《鐵拳英雄》是同系列同班底的製作,未知 Final Boss 是否一脈相承會「爆衫」現真身?!
由2014年臥底劇《使徒行者》開始,劇集監製文偉鴻就掌握劇情故布疑陣、角色終極反轉的方程式,《超能使者》與《城寨英雄》、《鐵拳英雄》是同系列同班底的製作,未知 Final Boss 是否一脈相承會「爆衫」現真身?!(圖片來源:tvb.com)

沈震軒成魔失控殺人 陳展鵬被吸乾

網民一直認為沈震軒飾演的威仔好可疑,而進入結局篇,沈震軒更因為王君馨而再次失控,在「魔化」後超能力大爆發,欲置陳山聰於死地,兩人的大戰中,連陳展鵬亦被牽連!

超能使者 沈震軒失控成魔。
沈震軒失控成魔。(圖片來源:TVB《超能使者》截圖)
超能使者 欲置陳山聰於死地。
欲置陳山聰於死地。(圖片來源:TVB《超能使者》截圖)
超能使者 陳展鵬夾在兩人之間。
陳展鵬夾在兩人之間。(圖片來源:TVB《超能使者》截圖)
超能使者 結局係被吸乾?
結局係被吸乾?(圖片來源:TVB《超能使者》截圖)

講到之前劇中阿媽梅姐(馮素波飾)逝去、威仔崩潰痛哭一幕,沈震軒指波姐與KK的出色演技令他迅速投入情感:「現場拍嘅時候好多工作人員都一齊喊,當見到波姐同KK要死嗰刻嘅神情,我真係好崩潰、好不知所措,記得一Cut機Jazz話我演到小朋友嘅無助感,因為威仔係好懦弱。」

超能使者 馮素波被殺,沈震軒爆喊一幕演技備受讚賞。
馮素波被殺,沈震軒爆喊一幕演技備受讚賞。(圖片來源:TVB《超能使者》截圖)
超能使者 沈震軒的超能力有指係雙手能發出強大吸力,將物件吸到手中。
沈震軒的超能力有指係雙手能發出強大吸力,將物件吸到手中。(圖片來源:TVB《超能使者》截圖)

歐瑞偉終極大報復

作為明面上的大奸角,賀生(歐瑞偉飾)和他的兒子Dickson(陳國峰飾)壞事做盡,歐瑞偉在《城寨英雄》中亦做過Final Boss,因此亦有網民估今次大家最終要一齊對付的Final Boss。歐瑞偉在結局篇中,更因為兒子逝去,而向一眾超能使者展開大報復!

劉佩玥仲有得現身?

導演講過劉佩玥係關鍵人物,之前亦有不少網民估她是Final Boss,不過原來她在3年前已死,劉佩玥就話之後展鵬嘅精神狀況,將會成為佢會唔會再次現身嘅關鍵。

超能使者 第14集唐詩詠揭穿了阿Moon甚至陳展鵬全家都並不存在,但其實有可能係存在於另一空間?有冇可能係來自另一多重宇宙操控陳展鵬?!
第14集唐詩詠揭穿了阿Moon甚至陳展鵬全家都並不存在。(圖片來源:tvb.com)
超能使者 淑敏喺於生命受威脅時仲離奇地展現魅惑眼神。
呢個眼神好有可疑!(圖片來源:TVB《超能使者》截圖)

觀眾曾熱烈討論阿moon係幻想角色,還是類似緋紅女巫(Marvel嘅Scarlet Witch)懂得個操控別人思想的異能人,監製就在個人社交媒體回應:

第一集開端旁白:”當生命受到威脅,就有可能激活巨大潛能!”

《超能使者》結局週劇情劇透:沈震軒為愛異能黑化 歐瑞偉喪子復仇令眾人內訌

《超能使者》大結局-第21-25集劇情劇透:沈震軒在昏迷過後得到了異能,威力仲非常強勁!歐瑞偉帶隊到張國強的飯堂大開殺戒,令到一班異能使者遍體鱗傷;沈震軒因為愛上王君馨,卻因愛逐漸黑化而失控,但原來背後隱藏驚人真相⋯⋯更多劇集內容請看

超能使者 沈震軒為愛異能黑化、歐瑞偉喪子復仇令眾人內訌
沈震軒為愛異能黑化、歐瑞偉喪子復仇令眾人內訌(圖片來源:超能使者劇照)

即睇《超能使者》大結局劇情劇透

常見問題

《超能使者》全用《城寨》班底?

本劇雲集了《城寨英雄》、《同盟》和《鐵拳英雄》的演員,由金牌監製打造⋯⋯按此看劇集&人物介紹

《超能使者》大玩CG特效代替真功夫?

《超能使者》監製文偉鴻表示,此劇為加強真實感摒棄全CG製作,不惜工本,更用了逾1800個CG鏡頭。而主角穿梭「時間停頓空間」的畫面,除了要靠高速攝影機拍攝之外,原來還需要演員們⋯⋯按此看劇集&人物介紹

圖片來源:TVB《超能使者》截圖及劇照、tvb.com、[email protected]娛樂新聞台、[email protected]_boon資料或影片來源:[email protected]娛樂新聞台、[email protected](official)

最新吃喝玩樂資訊