賭命夫妻
賭命夫妻

賭命夫妻|機師浩然落水出醜當場爆粗 寫長文控訴:有人冇盡自己責任!

影視娛樂

極度有爭議性的ViuTV真人騷節目《賭命夫妻》,5對夫妻將婚姻關係擺上枱,出動完PTBF同PTGF進行考驗,好似平靜下來。不過日前一集依然有火藥味,機師人夫浩然進行獨木舟比賽,因為唔識游水又第一次玩獨木舟,狼狽跌落水包尾,浩然唔止鬧老婆Rebekah,上水後仲爆粗鬧劇組,嬲到震,事後浩然更在社交網寫長文洩忿,對ViuTV作出控訴!

撰文:東方新地 圖片:ViuTV《賭命夫妻》影片截圖、[email protected]_beary、[email protected]

周一播出的《賭命夫妻》,5位人夫要划獨木舟。
周一播出的《賭命夫妻》,5位人夫要划獨木舟。(圖片來源:ViuTV《賭命夫妻》影片截圖)
賭命夫妻 當其實4位人夫都準備就緒,浩然連艇都未上到。
當4位人夫都準備就緒,上艇後反埋艇,不過此時的浩然連艇都未上到。(圖片來源:ViuTV《賭命夫妻》影片截圖)

《賭命夫妻》大玩水上活動

話明係真人騷,當然會發生好多突發事情,有劇本跟都一樣會有意外,周一(10月18日)播出的一集,安排5對夫婦去漁排接受考驗,老婆就坐艇登陸,老公就自己划獨木舟,仲要鬥快。鏡頭前一班人夫都無從入手,只有阿匡有經驗,結果有人未開始先反艇受傷,勁出狀況。

賭命夫妻 唔識游水的浩然一開始已經好迷茫。
唔識游水的浩然一開始已經好迷茫。(圖片來源:ViuTV《賭命夫妻》影片截圖)
賭命夫妻 浩然表示提供獨木舟的漁排老闆只係教咗好短時間,大家根本未能掌握。
浩然表示提供獨木舟的漁排老闆只係教咗好短時間,大家根本未能掌握。(圖片來源:ViuTV《賭命夫妻》影片截圖)

唔識游水反舟跌落水

其中機師人夫浩然就最慘,因為他完全唔識游水,結果hold唔住隻獨木舟,仲跌埋落水,在海中心攬住隻舟唔知點算好的浩然,聽到老婆Rebekah叫她自己遊去漁排,忍不住爆粗大罵老婆Rebekah:「游X緊喇,嘈!」,Rebekah面有難色同工作人員講:「佢發脾氣。」

賭命夫妻|機師浩然落水出醜當場爆粗 寫長文控訴:有人冇盡自己責任!
浩然明顯非常怕玩水上活動,全程繃緊。(圖片來源:ViuTV《賭命夫妻》影片截圖)
賭命夫妻|機師浩然落水出醜當場爆粗 寫長文控訴:有人冇盡自己責任!
在快艇上的Rebekah見老公浩然跌咗落水,叫佢自己試游上岸,卻遭浩然爆粗鬧。(圖片來源:ViuTV《賭命夫妻》影片截圖)
賭命夫妻|機師浩然落水出醜當場爆粗 寫長文控訴:有人冇盡自己責任!
浩然最後一個上岸,情況仲非常之狼狽,老婆Rebekah即上前安撫。(圖片來源:ViuTV《賭命夫妻》影片截圖)

狼狽上岸後爆Seed

幾經掙扎,浩然終於游到去漁排,筋疲力盡的他要在工作人員幫忙下先上到岸,老婆Rebekah大為緊張上前安撫,但浩然依然忍唔住爆粗鬧劇組:「Casting我已經話咗我唔熟水性,唔係好游到水,依家證明我真係唔死得,但我係唔會游到水。你依家整個咁X樣嘅Item畀我,真係玩緊我喎其實。我講X到明,依家同我講玩獨木舟,一次玩掂?點玩呀!嗱!下個Item,我頂你個肺畀架飛機你,我同你講好易嘅啫,推爆個Engine,踏兩踏咪上天囉,X!你試下揸。」浩然連珠砲發非常激動:「你叫我揀卡有冇諗過吖?你叫我著Legging嚟有冇諗過吖?畀少少面吖!」

賭命夫妻|機師浩然落水出醜當場爆粗 寫長文控訴:有人冇盡自己責任!
浩然氣來氣喘,開始大鬧製作組。(圖片來源:ViuTV《賭命夫妻》影片截圖)
賭命夫妻|機師浩然落水出醜當場爆粗 寫長文控訴:有人冇盡自己責任!
浩然爆Seed,令現場氣氛變得好尷尬。(圖片來源:ViuTV《賭命夫妻》影片截圖)

兩度為發脾氣解畫

其後浩然在社交網為發脾氣一事解畫:「你(哋)都係想要節目效果啫!俾你囉!」不過外界繼續議論紛紛,覺得浩然為人大男人而且容易暴躁,而老婆Rebekah仲喊住唔瞓話要幫老公大平反,結果浩然在社交網撰寫了一篇幾千字的感言,公開整件事的始末。

賭命夫妻|機師浩然落水出醜當場爆粗 寫長文控訴:有人冇盡自己責任!
節目出街後,浩然曾於社交網出po留言:「你都係想要節目效果啫!俾你囉!」並hashtag「其實我平時唔係咁」。(圖片來源:[email protected]_beary)
賭命夫妻|機師浩然落水出醜當場爆粗 寫長文控訴:有人冇盡自己責任!
浩然再在社交網出po寫超長文,解釋獨木舟發脾氣事件。(圖片來源:[email protected]_beary)
賭命夫妻|機師浩然落水出醜當場爆粗 寫長文控訴:有人冇盡自己責任!
浩然以文字向ViuTV作出控訴。(圖片來源:[email protected]_beary)

矛頭直指ViuTV幕後

浩然表示原本諗住《賭命夫妻》播完才寫感言,但老婆Rebekah無啦啦喊住替他不值,所以他提早發表自己對這個節目的感受。浩然承認有嘢控制唔到或者超出預料,自己亦有脾氣,並指當場爆Seed唔係因為輸,他的爆發點是覺得「有人冇去盡自己嘅責任」,唔覺得有一種「我喺呢個遊戲裏面係安全嘅感覺」,直指這是遊戲設計者的責任,矛頭好明顯。浩然強調當日根本係食自己,似有自生自滅之感,所以他才會如此激動。

賭命夫妻|機師浩然落水出醜當場爆粗 寫長文控訴:有人冇盡自己責任!
浩然解釋自己因為乜嘢而咁嬲。(圖片來源:[email protected]_beary)
賭命夫妻|機師浩然落水出醜當場爆粗 寫長文控訴:有人冇盡自己責任!
浩然爆Seed後,老婆Rebekah錫老公呵番,好恩愛。(圖片來源:ViuTV《賭命夫妻》影片截圖)

盡自己責任去參與

雖然拍攝期間有很多未能預期的事情出現,但浩然表示唔會輕易放棄,就算知道自己會輸,都會「盡自己作為參與者責任」去完成。所以當浩然覺得自己盡了本份,但其他人冇盡到本份時,他就會嬲多十倍,當日爆粗鬧製作組時,浩然其實就係嬲緊呢樣嘢。

賭命夫妻|機師浩然落水出醜當場爆粗 寫長文控訴:有人冇盡自己責任!
浩然與Rebekah呢對夫妻打風都打唔甩。(圖片來源:[email protected]_beary)
賭命夫妻|機師浩然落水出醜當場爆粗 寫長文控訴:有人冇盡自己責任!
早前浩然要住酒店進行隔離,Rebekah整咗靚靚便當氹老公。(圖片來源:[email protected]_beary)
賭命夫妻|機師浩然落水出醜當場爆粗 寫長文控訴:有人冇盡自己責任!
浩然與Rebekah經常情不自禁,在節目拍攝中突然錫錫。(圖片來源:[email protected]
賭命夫妻|機師浩然落水出醜當場爆粗 寫長文控訴:有人冇盡自己責任!
浩然兩度解釋爆粗原因,Rebekah仲緊張過佢,不時在社交網留言支持老公。(圖片來源:[email protected]_beary)

最新吃喝玩樂資訊