譚旻萱Mandy憑Edan呂爵安〈E先生〉MV爆紅 靚樣獲讚似香香
譚旻萱Mandy憑Edan呂爵安〈E先生〉MV爆紅 靚樣獲讚似香香

譚旻萱Mandy憑Edan呂爵安〈E先生〉MV爆紅 靚樣獲讚似香香

Edan(呂爵安)新歌〈E先生連環不幸事件〉MV上載未夠一個月,已有超過130萬次點擊率,帶挈MV女主角譚旻萱(Mandy)亦一炮而紅,年僅20歲的譚旻萱入行僅一年多,憑住一副激似香香(岑麗香)及韓星朴敏英的靚樣,除了極速成為廣告界寵兒外,早前仲為Dear Jane拍過一個有Kiss戲的MV!

文:東方新地|圖:譚旻萱IG圖片

譚旻萱Mandy 與Edan、Locker成好友

譚旻萱(Mandy)為MIRROR成員Edan(呂爵安)新歌〈E先生連環不幸事件〉MV擔任女主角後人氣急升,IG在短短數日內就增加了數千名追隨者,現在粉絲數量已有多達1.7萬人,她直言原本不認識兩位男主角Edan及Locker(林家熙),但因拍攝這部MV而令三人成為好友,她笑言:「唔知點解我哋三個好夾,個MV拍拍吓好似變成咗自己嘅回憶咁。」

譚旻萱Mandy憑Edan呂爵安〈E先生〉MV爆紅 靚樣獲讚似香香
Mandy直言因拍攝這部MV令她和Edan、Locker成為好友。

Mandy憶述和Edan、Locker第一次見面是在試戲時,但她笑指當時感覺好自然,一啲都冇尷尬,反而係拍唐樓天台離別前喊戲時,令她最難忘同不捨,她表示因為導演有提過這場戲之後他們就不會再見面,所以望住這段關係一點一點咁崩塌,令她非常心痛和不捨,無論戲內定戲外都喊到停唔到。

譚旻萱Mandy憑Edan呂爵安〈E先生〉MV爆紅 靚樣獲讚似香香
Mandy話拍攝這部MV時最難忘是在唐樓天台上的一幕離別前喊戲。

提到有人將Mandy戲份剪走,二次創作出Edan與Locker的HeHe「走女版」MV,Mandy笑言完全唔介意,仲話:「佢P到毫無違和感,好正!我自己同朋友喺屋企睇,都笑到停唔到!」

譚旻萱Mandy憑Edan呂爵安〈E先生〉MV爆紅 靚樣獲讚似香香
Mandy大讚「走女版」MV零違和感。

入行成「寶礦力女郎」

Mandy在2019年加入模特兒公司STYLE,成為Angelababy(楊穎)及熊黛林師妹,之後拍過不少品牌廣告,包括專揀青春女星拍攝的「寶礦力」廣告,以及孖林德信演出的雪條廣告等。

譚旻萱Mandy憑Edan呂爵安〈E先生〉MV爆紅 靚樣獲讚似香香
Mandy入行一年多以來拍過不少品牌廣告。
譚旻萱Mandy憑Edan呂爵安〈E先生〉MV爆紅 靚樣獲讚似香香
Mandy去年中獲揀中成為「寶礦力女郎」,她直言感覺係「夢想成真」。
譚旻萱Mandy憑Edan呂爵安〈E先生〉MV爆紅 靚樣獲讚似香香
Mandy大讚林德信在拍廣告前曾陪她傾偈,令她得以更放鬆和更有自信地進行拍攝。

拍Dear Jane MV獻初吻

Mandy去年也曾為樂隊Dear Jane同黃偉文合作炮製的歌曲〈哀的美敦書〉擔任MV女主角,在MV中她更有主動親吻MV男主角Daniel(模特兒宋瑞康)面珠的鏡頭,獲網友大讚樣貌清新標緻,演出亦十分自然。巧合的是她兩次所拍的MV歌曲都是由黃偉文(Wyman)作詞。

譚旻萱Mandy憑Edan呂爵安〈E先生〉MV爆紅 靚樣獲讚似香香
Mandy拍Dear Jane的MV時,有親吻MV男主角Daniel的鏡頭,相信是她熒幕上的初吻。

原來Mandy中五時已被模特兒公司的經理人睇中其IG相,大讚她五官好靚,所以透過IG私信聯絡Mandy,但由於Mandy父親反對,加上當時Mandy正在考公開試,其經理人說服了Mandy父親長達一年半時間,直至Mandy中學畢業後才成功讓Mandy入行。

譚旻萱Mandy憑Edan呂爵安〈E先生〉MV爆紅 靚樣獲讚似香香
Mandy中五時已被模特兒公司的經理人睇中。
譚旻萱Mandy憑Edan呂爵安〈E先生〉MV爆紅 靚樣獲讚似香香
2000年11月出世的Mandy現在年僅20歲。

Mandy為專注幕前工作,現在已輟學,改為修讀演技班,做模特兒入行的她直言希望將來朝演員之路進發,她說:「我好享受揣摩角色嘅過程,同埋代入角色嘅感受。疫情前我啱啱開始上演戲班,但因為疫症中斷咗,依家會喺屋企睇唔同嘅戲種,觀察當中嘅細節,希望疫情穩定後可以上番演戲班,進修演技,希望以後可以成為一個可以用演技感染觀眾嘅演員。」

譚旻萱Mandy憑Edan呂爵安〈E先生〉MV爆紅 靚樣獲讚似香香
Mandy現在已輟學,改為修讀演技班。
譚旻萱Mandy憑Edan呂爵安〈E先生〉MV爆紅 靚樣獲讚似香香
做模特兒入行的Mandy希望將來可以轉型做演員。(攝影@kiulau)

高1米77曾被嘲似「坦克」

身高有1米77的Mandy自言是易肥體質,中學時代曾被同學嘲諷似「坦克」,她透露媽咪對她體重管理好嚴格,不想她變肥,經常灌輸她女仔不用特別標青,但要注重自己儀容及外表,但Mandy自爆食量驚人,曾試過一人食兩碗譚仔。

譚旻萱Mandy憑Edan呂爵安〈E先生〉MV爆紅 靚樣獲讚似香香
Mandy笑指媽咪試過半夜夢到阿女打回原形而嚇到喊,比佢自己更怕佢會翻脹。
譚旻萱Mandy憑Edan呂爵安〈E先生〉MV爆紅 靚樣獲讚似香香
有粉絲指Mandy好有日韓Feel,問佢有冇混血?Mandy答:「我係隔代混血,仲要係隔咗非常多代Mix俄羅斯、加拿大同香港。」(攝影:@tylerli_)

Mandy曾在廣告中大踩Roller,展現自己青春活力的一面,原來現實中她也熱愛運動,中學時期曾是籃球隊的活躍成員。她透露自己由中三開始學打籃球,試過一個人在球場每個位置射足一百球去練習球技,更會每日一放學就衝落去球場打足八個鐘。

譚旻萱Mandy憑Edan呂爵安〈E先生〉MV爆紅 靚樣獲讚似香香
不過Mandy原來已有男朋友,有網友問佢:「177(cm)咁高,會唔會好難識男朋友?」佢答:「唔會喔,我現任都高過我!」

提到被指貌似香香(岑麗香)和韓星朴敏英,Mandy就話自己女神是陳法拉,因為覺得對方好有知性美,她表示:「我唔覺得自己係女神,始終未有佢哋嘅歷練。我眼中要成為女神係要用腦成日去諗唔同嘅嘢,因為依家有太多資訊,你唔去過濾只會隨波逐流。」

譚旻萱Mandy憑Edan呂爵安〈E先生〉MV爆紅 靚樣獲讚似香香
Mandy大讚朴敏英、香香同陳法拉三個都有樣貌有內涵,係真女神,而自己就仲未夠班做女神。(攝影:@tylerli_)
譚旻萱Mandy憑Edan呂爵安〈E先生〉MV爆紅 靚樣獲讚似香香
Mandy又指自己在中學時曾追過韓星,最愛的是BTS的Suga,她笑言:「我喺佢身上學到只要唔放棄,一定可以成功。」

最新吃喝玩樂資訊