調教你MIRROR|Jer大爆節目內幕  揭幾位成員素顏造假  姜濤喪食薯片求花姐cut走肥樣
調教你MIRROR|Jer大爆節目內幕  揭幾位成員素顏造假  姜濤喪食薯片求花姐cut走肥樣

調教你MIRROR|Jer大爆節目內幕 揭幾位成員素顏造假 姜濤喪食薯片求花姐cut走肥樣

由ViuTV人氣組合MIRROR全員參演的真人騷《調教你MIRROR》在6月7日開播,日前MIRROR經理人花姐(黃慧君)及「調教員」梁祖堯帶領一眾MIRROR成員出席記者會,為節目作宣傳,席間Jer(柳應廷)連環爆料,指姜濤一次過可以食X包薯片,又話所謂MIRROR成員素顏出鏡,但其實有成員「裝假狗」!

文:東方新地|圖:ViuTV圖片

《調教你MIRROR》姜濤被笑肥腫難分

ViuTV新節目《調教你MIRROR》於6月7日(周一)起逢星期一至五晚上11時播出,人氣男團MIRROR十二位成員在節目中要接受梁祖堯的「調教」,日前ViuTV特舉行記者會,十二位成員除了要開工的Edan(呂爵安)外,Anson Kong(AK,江𤒹生)、 Anson Lo(盧瀚霆)、 Alton(王智德)、Frankie(陳瑞輝)、Ian(陳卓賢)、Jer(柳應廷)、Jeremy、Lokman(楊樂文)、Stanley(邱士縉)、Tiger(邱傲然)及姜濤均有出席,此外「調教員」梁祖堯與MIRROR經理人黃慧君(花姐)亦有現身分享拍攝時的點滴及感受。

調教你MIRROR
因為Edan要開工,MIRROR成員12缺1,日前只得11位成員出席節目宣傳活動,包括(後排左起)Stanley、姜濤、Lokman、AK、Ian、Jeremy、(前排左起)Frankie、Alton、Anson Lo、Tiger及Jer。
調教你MIRROR
Stanley在社交網亦有分享眾人在「調教營」和梁祖堯的合照。(Stanley IG圖片)

在記者會上Jer連環爆料,指與他同房的姜濤一口氣可以食到3、4包薯片,Stanley就笑姜濤當時肥腫難分,姜濤亦指自己由入營第一日已放下戒心喪食,期間睇住自己身形起變化,令他一度感覺絕望,曾哀求花姐將他在節目中的肥樣cut走,仲叫大家不要被他的肥樣嚇倒。

調教你MIRROR
姜濤被同房的Jer踢爆可以一口氣食到3、4包薯片。

Jer問隊友借遮瑕膏遮暗瘡

Jer又爆節目中所謂MIRROR成員素顏上陣,原來Jeremy同Anson Lo都係造假,他指兩人每日都要化完妝才肯面對鏡頭,扮成剛起床的樣子,他說:「佢(Anson Lo)每日起身都要化全妝,再攞住部Go-pro講『我啱啱瞓醒』。」Anson Lo就強烈否認說:「繼續作啦!我冇錄過呢啲!」之後Jer隨即被隊友踢爆其實最貪靚,要問隊友借遮瑕膏及髮尾油,他解釋︰「又唔使太真實嘅,都要遮吓啲暗瘡。」

調教你MIRROR
Jer踢爆Jeremy同Anson Lo每日都要化全妝。

姜濤臨瞓前貼雙眼皮膠紙

姜濤指Jer的偶像包袱最大,並指自己「化妝、整頭乜都冇」,但當被問到有無貼雙眼皮膠紙時即無聲出,其他成員就大讚:「問得真係好!」Anson Lo亦笑指:「喺呢個Camp我學識咗一件事,原來臨瞓前貼雙眼皮膠紙係最Work嘅,我係跟一個人學習嘅。」Jer就乘機話:「姜濤咪就係咁囉,淨係識話人!」姜濤反駁:「佢(Jer)真係好鍾意拖人落水,每次話佢,佢都會話『你都係咁』!」

調教你MIRROR
Anson Lo(右)笑指從姜濤身上學識在臨瞓前貼雙眼皮膠紙係最Work嘅。

Lokman指阿祖(梁祖堯)要成員們素顏上陣,是因為想他們卸下這兩年來儲落的包袱和壓力,他說:「我覺得阿祖講得啱,可能呢個妝容對我哋嚟講係多咗種包袱,或是係人與人之間多咗層隔膜,所以呢啲畫面好珍貴,因為你哋唔會成日見到。」此外,提到和隊員之間有芥蒂一事,AK直言:「芥蒂來自缺乏溝通,唔知道大家內心嘅想法,導致有啲小誤會,男仔比較爽快,食餐飯將件事講出嚟就冇事。」

調教你MIRROR
AK(左)話如果《調教你MIRROR》有第二季,希望可以出埠到歐洲拍攝。
調教你MIRROR
Stanley(右)就話第二季可以先由泰國的陽光與海灘開始。

Jeremy拒除衫合照被投訴唔合群

眾人又分享了有一晚在「調教營」進行踩單車之旅的趣事,AK指當晚大家一齊拍了一張非常經典、充滿本土味道的合照,Ian就投訴Jeremy不合群,因為照片內大家都沒著上身衫,Jeremy卻堅拒除衫,他說:「我哋不停咁同佢講幾十年後再睇番呢張相,佢一定會後悔,有啲嘢過咗就返唔到轉頭!」Jeremy立即肯定地說:「我從來冇後悔過自己做呢個決定!」Ian就搞笑指:「重點係佢企得太近,我哋Cut唔走佢,構圖畀佢破壞咗。」

調教你MIRROR
Jeremy(右)因為堅拒除衫影合照,被投訴不合群。
調教你MIRROR
隊長Lokman(左)就被指在節目中喊到豬頭一樣。

花姐直言好擔心MIRROR變得團結後,會合力對抗她,她說:「我冇佢哋講到咁慈禧太后,好多時都有聽佢哋意見,但如果聽晒12個人嘅意見,就會變得好冇效率,可能要三年先出到一首歌。始終要有個人負責把關,如果佢哋話要就要,咁炒咗我都得啦!」而Ian就話已經試過全隊一齊對抗花姐,但最終失敗收場,他笑言︰「對抗還對抗,唔一定成功,我哋上次拍MV時想爭取做一啲事,已經試過集合12個人一齊去對抗,都係畀花姐嘅權威壓倒,最後係失敗咗。」

調教你MIRROR
花姐及梁祖堯分別獲MIRROR頒發「最佳經理人」及「最佳導師」,以表揚他們對MIRROR的愛心及付出,場面溫馨。
調教你MIRROR
花姐及梁祖堯指12子入完「調教營」後均有所改變,其中梁祖堯認為隊長Lokman及Anson Kong改變最大,他笑言︰「AK喺節目入面都有黑我面,但佢好快就同我道歉,係一個好大嘅進步。」花姐就認為今次拍完節目後改變最大的是姜濤,由以前「傻吓傻吓」變得更肯去表達自己。

有網友就話希望花姐和梁祖堯可以拍多套《調教你ERROR》,仲有網友大膽話《調教你花姐》或者《調教你老祖》都OK!

網友提議拍《調教你ERROR》,獲得不少人贊同。
網友提議拍《調教你ERROR》,獲得不少人贊同。
亦有網友提議拍《調教你花姐》,認真大膽!
亦有網友提議拍《調教你花姐》,認真大膽!

調教你MIRROR|姜濤被Jer爆食量 Jeremy Anson Lo素顏造假?網友:可唔可以調教埋ERROR

即睇《調教你MIRROR》12子訴心聲:

仲有《調教你MIRROR》團隊精神再進化:

最新吃喝玩樂資訊