裕美被指「第三者」反擊大爆料!直言:麥貝夷同翟威廉冇拍過拖
裕美被指「第三者」反擊大爆料!直言:麥貝夷同翟威廉冇拍過拖

裕美被指「第三者」反擊大爆料!直言:麥貝夷同翟威廉冇拍過拖

早前麥貝夷IG大爆料,指「賤男」舊愛狂食女,矛頭直指翟威廉。之後兩人的共同朋友裕美又被拖落水,被冠上第三者之名。裕美近日決定大反擊,她指麥貝夷同翟威廉冇拍過拖,即睇咩事!

撰文:Lmc丨圖片:裕美@IG、翟威廉@IG、麥貝夷@IG,Happy [email protected]丨編輯:海月

麥貝夷早前在網上爆大鑊,指控拍拖3年的前度性伴侶多到得人驚,仲夾啱時間在男方生日送祝福,矛頭直指港男翟威廉。火頭愈辣愈多,翟威廉自辯單身7年有短暫伴侶,而且日、韓國籍都有,再次觸動麥貝夷神經,繼續爆與前度曾因第三者而分手,之後再復合,結果又拉埋中日混血兒裕美落水,唔係善男信女的裕美即開火反擊叫麥貝夷去睇醫生,仲警告麥貝夷唔好再搞事。

麥貝夷
麥貝夷公開對前度作出指控,踢爆男方是感情騙子,更在對方生日送祝福,男主角明顯是圈中人,麥貝夷才咬住唔放,入行多年都紅唔起,估唔到自爆情史可以令她成為新聞女主角。
麥貝夷
三年前麥貝夷與翟威廉除了一齊夾band,仲一齊打機做直播。對於前度的所作所為,麥貝夷表示對方是她所交的男友中,最深刻、最驚恐、最賤的一個。

麥貝夷不忿前度當她是性伴侶

麥貝夷再次接受傳媒訪問,情緒激動邊講邊喊,繼續不開名指前度才是「真正主角」:「我哋係好親密嘅關係,我係女友,可以咁講,拍拖會做嘅嘢都做晒。」麥貝夷表示二人沒有同居,但間中會去男方屋企過夜,絕對是好正常男女拍拖的關係。對於男方只當她是性伴侶,麥貝夷反應甚大,聲稱不知對方咁嘅諗法,曾有圈內及圈外的朋友告訴她,前度覺得是她單方面纏擾,但麥貝夷一直以為這段關係好Sweet,二人每日會傳短訊。

麥貝夷
繼日前翟威廉走出來否認自己是當事人,承認自己有短暫伴侶但不是一夜情,是拍散拖,他更向麥貝夷作出道歉,希望令她釋懷,點知麥貝夷再爆多鑊。
麥貝夷
麥貝夷話自己受到前度影響,情緒經常不穩,所以要搵好友Karl紓解心結。

新角色小三登場

麥貝夷繼續數臭前度,這段關係維持了3年多,曾分開過一次,因她發現對方有第三者,更隱晦地暗示小三是圈中人、理論上是香港人,好特別,與別不同。麥貝夷仲話當初是前度要求低調拍拖,所以只有幾位朋友知情,而期間她亦有5至6個追求者,言談間似暗寸前度有日韓籍性伴:「我都有韓國人追,但我Reject咗,因為我尊重呢段關係。」提到翟威廉向她道歉,麥貝夷雖然話唔知點解對方要道歉,但她始終不肯親口否認翟威廉是男主角,拒絕還他清白。

麥貝夷
裕美被指捲入麥貝夷與前度的關係,被問到與翟威廉可曾有「一夜情」?裕美強調絕對冇!並指認識翟威廉比麥貝夷更早。
麥貝夷
裕美坦言與麥貝夷已經好耐冇聯絡:「佢上個男友,我係半個媒人,係我介紹佢哋識。佢哋分手後,我覺得佢處理得唔啱,佢就嬲咗我。」

裕美:躺著也中槍

由於麥貝夷指第三者「理論上」是香港人,令與翟威廉關係親密的中日混血兒裕美成為嫌疑人,兩年前麥貝夷經常與翟威廉夾band過從甚密的日子,裕美也曾現身翟威廉的「Happy Live」,對於被捲入七國咁亂的關係,裕美怒斥麥貝夷有病,否認與翟威廉曾經有關係,仲問麥貝夷是否需要去睇醫生:「一早叫佢睇㗎啦,我有好多精神科醫生(介紹)!」裕美話麥貝夷對上一個男人都是由她做媒,分手時裕美覺得麥貝夷處理感情不當,麥貝夷竟與她反面,裕美愈講愈扯火:「你唔好再搞我!我由小學到中學都畀人搞,你再搞我,我一定搞番你!」

麥貝夷
裕美對於麥貝夷的指控表示好嬲,仲諷刺對方真係好啱做呢行。

裕美:麥貝夷拉埋我落水

面對被指第三者,裕美相當生氣,她提到:「麥貝夷拉埋我落水,引導傳媒嚟誤會我,佢有責任同我講返兩句,所以我發訊息俾佢,要求佢喺社交網發文澄清。」而麥貝夷就回應:「要講嘅都講晒喇。」令裕美嬲上加嬲。

裕美不甘被麥貝夷指是「第三者」反擊大爆料曾介紹男仔畀對方:麥貝夷同翟威廉冇拍過拖
裕美不甘被麥貝夷指是「第三者」

裕美撮合麥貝夷與林作好友Edmond Luk拍拖

另外,裕美提到2019年曾介紹男仔給麥貝夷識,此人是林作好友Edmond Luk,他們拍拖至上年尾才分開,所以麥貝夷同翟威廉冇拍過拖。裕美又講到:「其實麥貝夷同Edmond拍拖前後,甚至拍拖期間都有上Happy Live唱歌,Happy Live喺夜晚做,咁嗰晚我就預咗佢唔會上嚟我度瞓。我同麥貝夷好close嗰陣,佢曾經同我講過,同翟威廉只係『朋友』,唔會鍾意佢,亦冇提過兩人拍拖,就算上去Happy Live,都只係交代話『我又上去佢度做……Happy Live』」

裕美不甘被麥貝夷指是「第三者」反擊大爆料曾介紹男仔畀對方:麥貝夷同翟威廉冇拍過拖
麥貝夷與Edmond Luk拍拖期間,也有上Happy Live

大爆麥貝夷難相處

麥貝夷與Edmond Luk拍拖期間,也有上Happy Live。裕美指睇唔過眼:「勸佢唔好咁對Edmond,怕佢會玩出火,佢就當我係敵人,怪我好鬧佢,嬲咗我。」她又指麥貝夷難相處,有佢講冇人講,又會成日自行幻想:「試過同佢一齊坐uber,司機見佢喺車上喊就請佢食糖,司機只係出於好意,都有遞埋畀我食o架!點知佢諗多咗黑晒面兼發晒癲,以為對方想佔佢便宜,惡到不得了,搞到我幾唔好意思呀!佢成日覺得全世界嘅男人對佢都有企圖,真係要去睇精神科醫生。」

裕美不甘被麥貝夷指是「第三者」反擊大爆料曾介紹男仔畀對方:麥貝夷同翟威廉冇拍過拖
裕美大爆麥貝夷難相處

裕美指翟威廉:佢係坦誠嘅人

最後,裕美指翟威廉是坦誠嘅人:「佢直認自己單身7年係有性伴侶,唔會陰你,佢同麥貝夷嘅關係,兩人都心知肚明,所以今次嘅事,我同佢都笑咗,一致覺得麥貝夷有需要去睇醫生。」另外,她又奉勸麥貝夷,指做女人不是叫男伴戴套進行性行為,就叫做識得保護自己,而係要確立同男方關係知道對方不愛自己,就不要再糾纏。

裕美不甘被麥貝夷指是「第三者」反擊大爆料曾介紹男仔畀對方:麥貝夷同翟威廉冇拍過拖
裕美指翟威廉是坦誠嘅人

翟威廉:不是「性上癮」、「性慾強」

被麥貝夷「揞名爆」連番狙擊,翟威廉一直否認與麥貝夷拍過拖,又指:「雖然有性伴侶,但絕不是性上癮和性慾強。」又指自己選擇「只要伴侶」的生活,可能是因為家庭因素,所以對婚姻沒有任何憧憬。

被麥貝夷「揞名爆」連番狙擊,翟威廉一直否認與麥貝夷拍過拖
被麥貝夷「揞名爆」連番狙擊,翟威廉一直否認與麥貝夷拍過拖

翟威廉澄清與裕美及陳苑澄的關係:係一個大整蠱,裕美嬲係好正常

翟威廉被麥貝夷指「偷食」好友裕美,裕美也發火,警告麥貝夷不要再搞自己。翟威廉也澄清與裕美及陳苑澄的關係,提到:「我對有關伴侶嘅身份問題,係與唔係,我都唔會作答,但呢次要破例講一次,裕美、陳苑澄都唔關事,係一個大整蠱,裕美嬲係好正常,佢都有搵過我,佢亦用咗佢嘅作風去否認。」而翟威廉也有向裕美道歉,相當識做。

翟威廉被麥貝夷指「偷食」好友裕美,裕美也發火,警告麥貝夷不要再搞自己。
翟威廉被麥貝夷指「偷食」好友裕美,裕美也發火,警告麥貝夷不要再搞自己。

翟威廉公開認有不同國籍的性伴侶

消息傳出後,翟威廉指自己與前度陳庭欣分手後一直單身,但公開指自己有不同國籍的性伴侶:「可能會引來無限遐想,好像每晚都有不同性伴,夜夜精彩,但事實是大家想多了。但其實有性伴侶呢個生活模式,只係佔我生活入面嘅一小部分,只有2成左右,其餘嘅時間我都係工作。我一定唔係性上癮,呢個對我嚟講係好普通嘅生活,唔會頻繁,亦冇特別需求。」

我一定唔係性上癮,呢個對我嚟講係好普通嘅生活
我一定唔係性上癮,呢個對我嚟講係好普通嘅生活

 

裕美:覺得翟威廉慘啲,識揀一定揀林作

翟威廉對裕美道歉,裕美就覺得翟威廉慘啲,她提到:「唔緊要,我覺得佢慘啲,有時我都會Send啲報道畀佢睇。咁都關我事?笑料一則,我只係知威廉同麥貝夷都冇拍過拖。」她又在IG公開示愛,指「識揀一定揀林作 @jolamchok ,唔揀翟威廉。」相當抵死。

裕美就覺得翟威廉慘啲,她提到:「唔緊要,我覺得佢慘啲,我只係知威廉同麥貝夷都冇拍過拖。」
裕美就覺得翟威廉慘啲,她提到:「唔緊要,我覺得佢慘啲,我只係知威廉同麥貝夷都冇拍過拖。」
麥貝夷
裕美向來都惹是非,近年與林作拍拖抨擊不斷,她都習以為常,百毒不侵!

最新吃喝玩樂資訊