袁偉豪疑不滿《愛回家》抽水？爆Seed寫6字控訴新金句出完秒刪Po

《愛回家》重現「我而家欠咗你班傳媒呀？」對白播足三次

袁偉豪早前被冠以「三億駙馬」，又被網民開post群插走樣，曾嬲豬發長文爆Seed，今年九月，金像獎最佳男配角得主馮皓揚退修TVB藝員訓練班的相關新聞中，導師之一的袁偉豪被網民質疑導師資格，事後袁偉豪在Facebook轉發相關的報道，嬲嬲留言：「我欠咗你哋班傳媒？」

湊巧向來貼地的TVB處境劇《愛回家之開心速遞》昨晚播出一集，講到KC因為節目腰斬，被傳媒追訪期間同記者交惡，爆seed話：「你質夠我未呀？我而家欠咗你班傳媒呀？」完全是以袁偉豪鬧傳媒事件做故事素材，對白又有出現「軟飲王」、「靠姐夫上位」情節。

袁偉豪又網上爆Seed 質疑傳媒「點解永遠錯重點」？

再加上昨晚播出袁偉豪接受《Star Talk》的訪問，除宣傳新歌及分享製作心得外，袁偉豪亦提出成為眾人箭靶感到壓力大和不公平：

「其實好大壓力，但我好被動，嗰段時間好低潮，好迷失，覺得工作上付出咗咁多，但反而外來嘅聲音，專注唔係工作上，而且仲成為箭靶，覺得有啲唔公平，變咗有一種好失落嘅感覺，成個人都冇晒光彩，跌咗落漩渦中。」

袁偉豪再度於晚上出po爆seed：「點解啲報道，永遠都係錯重點？明明係宣傳新歌，講吓近況，但係永遠出嚟就係錯重點嘅呢？又繼續無限放大 ？」他更希望大家不要搬字過紙，集中在他的音樂作品上，不過袁偉豪未知何解，今日已刪走這個限時動態！

更多：法證先鋒5｜6-10集劇情劇透：蔡思貝協助調查、鄭俊弘無辜輕生！