真面目
真面目

7位藝人被爆囂張脾氣臭!上位小花扮大牌、過氣花旦係投訴王

影視娛樂

廣告

早排鍾嘉欣被途人、幕後、鄰居批評是一位愛黑面、經常拒絕合照的藝人,有傳媒報道此事後,帖文引來接近1,400個留言,不少讀者再分享偶遇其他藝人的真人真事,當中有七位明星被不同讀者指控脾氣大,比其他藝人較不親民,你認同嗎?

宣萱 黑面投訴王

有讀者自稱是宣萱的鄰居,他指她很寸爆:「成日亂咁投訴隔籬鄰舍(我地果度屬於平房,得幾幢),佢出親門口驚人哋要同佢簽名咁,有鬼人搵佢簽咩。」又有人同同事吃完晚飯經停車場返公司,結果同事因為她受傷:「佢轉彎唔收油,差少少就撞到我同事,我同事跌低咗之後,佢仲要眼超超無落車慰問,停一停就揸車走咗,我真係會記X住佢。(佢撞到嘅仲要係佢自己老細個秘書呀,不過佢應該唔知)」

另外有讀者曾不約而同撞見過宣萱拍劇,同樣感覺她沒有禮貌:「當年我去校巴站接阿仔放學, 碰上宣萱同陳錦鴻正在拍戲剛準備收工, 我拎住本教科書想搵陳錦鴻簽名,陳錦鴻好Nice,笑住口幫我哋簽,宣萱就黑起口面,幾乎想阻止陳錦鴻親民…」

明星 真面目 真面目
有讀者自稱是宣萱的鄰居,並指她是投訴王。(圖片來源:微博@魯豫有約)

劉佩玥 被指扮大牌

幾年前,有讀者見過劉佩玥真人,跟她搭同一架升降機:「一望到佢,眼神勁寸,一副睇唔起人嘅樣,以為自己好紅,簡直鏡頭前後兩個樣。」又有讀者說她阻住自己收工:「我之前招呼過佢一次,全程以為自己大支嘢咁,唔係有同事會睇電視,我都唔知你係邊個呀大姐,仲要已經睇住我哋關門,佢:『我仲可以繼續行㗎嘛?』仲係度扮大牌慢慢行,真係好討厭。」

明星 真面目 真面目
(圖片來源:《美麗戰場》劇照)

汪明荃 神功戲嚇走人

有讀者指汪明荃說話太過直接,不顧當事人感受。 有人指曾經見過汪明荃當街罵到人哭:「其實這樣唔好, 至少認得尊重人,顧吓維護當事人的尊嚴。」也有人曾經跟她合作唱粵劇:「佢唱大戲都係唔顧人感受,有次做神功戲,唔夠一分鐘嚇到我走咗!」都有讀者一位從事音樂工作的叔叔負責幫香港不同歌手錄音,亦會演唱會上做一啲類似監製上的工作,直言汪明荃很兇:「我叔話阿姐係超級惡,當阿姐發火時無人咁出聲駁嘴的,無法…佢真係大姐大來的。」

另外有位女讀者曾經在中環一間連鎖咖啡店上班, 遇到汪明荃約老公羅家英哥在某個地方等,入來買東西吃同問路,結果因為答不出汪明荃,被對方鬧爆:「佢問我:『你知唔知舊嘅連卡佛點樣去?』之後我上網查過先知道嗰座嘢改咗名做卡佛大廈,鬼知咩…我嗰陣啱啱出社會做part time咋嘛。答唔到佢就鬧我:『 今時今日喺附近返工就應該知道附近嘅地標,尤其是呢度算係遊客區。人哋問你少少嘢都唔知?有無搞錯!之類。喺度返工又唔係喺度住,我有咩責任同埋義務要知附近有啲咩?

明星 真面目 真面目
(圖片來源:[email protected]_liza)

梁嘉琪 點餐破口大罵

有讀者指好幾年前在將軍澳商場見過前《學是學非》主持梁嘉琪別米線,她顧住講電話,點餐時不太清楚,店員聽不到,結果她對店員破口大罵,令讀者為店員感到不忿:「大牌到呢,我坐佢對面枱睇到都火!」另外有讀者和應,指:「佢出咗名對各行各業嘅服務員無品,都唔係新聞,唔意外,出晒名。」

明星 真面目 真面目
(圖片來源:TVB《學是學非》截圖)

莊思明 莊思敏 鬥黑面

有讀者曾經在街上見過過莊思明、莊思敏,批評她們經常黑面:「嘴藐藐,以為自己係大明星。 佢家姐仲臭寸,扮哂嘢當正自己大紅人上等人。」有人話好多年前在銅鑼灣一間商場有活動,但目擊莊思敏面口不太好:「我同屋企人飲茶,見到佢同…兩件茄哩啡鬥黑面。」

明星 真面目 真面目
(圖片來源:[email protected]_chng)

王菀之對眼生喺額頭?

有讀者批評王菀之:「對眼生喺額頭,目中無人,又無禮貌,同電視見到既感覺係兩個人。」、「超寸..成日以為自己大明星。」、「好多年前佢都算出道無耐,真是寸爆,黑口黑面,驚人會煩佢咁。」、「見到佢即擰轉面,以為自己係巨星,搵佢簽名,不屑目光射吓我。」有人曾經在工作上接觸過她,指她是頭三甲最麻煩的人:「佢仲要唔會覺得阻你時間,但阻咗我大半日,唔係講笑。我無作嘢,總之希望我呢一世都唔好再有機會接觸佢。佢可以同一樣嘢問19幾次,佢又要自己明到透嗰隻,好執著,亦好孤寒。」

有人曾經在一間鋪頭見過她想插隊:「佢曾經去一間鋪頭買嘢,人哋叫佢排隊,佢話:『我都要排隊?』佢以為自己係大人物。」另外有女讀者曾經跟男朋友見到沒有化妝的王菀之,想請求合照,之後王菀之跟他講:「嘩…我未化妝喎…影相?」跟住之後她好敷衍地講:「影啦…影啦…」女讀者心諗:「咁敷衍…咪X影啦XX…無人逼你…又唔係好靚女」

明星 真面目 真面目
(圖片來源:《飯戲攻心》劇照)

陳啟泰寸爆窒途人

有讀者稱於2012年在電視台工作,見到陳啟泰,即時很開心跟他講:「我好鍾意你做《我和殭屍有個約會》!」但他指陳啟泰目無表情望他一眼,話:「其實你可以睇啲新啲㗎囉。」當時他好尷尬、好不開心。

明星 真面目 真面目
(圖片來源:《蝕日風暴》劇照)

常見問題

將來還有什麼演唱會值得留意?

有不少歌手宣布舉辦演唱會,例如:五月天BLACKPINK澳門站(2月4日預購)、林敏驄周興哲(1月28日公開發售)、周杰倫COLLARTwins鄭秀文鄭欣宜許冠傑(2月14日公開發售);喜歡K-pop的你亦有福了,ITZY(2月1日優先購票)和NCT DREAM亦在香港開演唱會!Sundaykiss為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

如何得知不同生肖在2023兔年感情、財運、事業、健康方面運程?有什麼生肖犯太歲及如何化解?

想知道12生肖於兔年運程如何?希望兔年在感情、財運、健康及事業方面更得心應手?Sundaykiss已為你準備好12生肖兔年運程,讓大家在兔年行個好運!犯太歲的朋友亦不用太擔心,有5大犯太歲生肖要留意小心多變化、多小人及易受傷,特別有2個月份要留意,Sundaykiss 為大家整合兔年5大犯太歲生肖化解方法

撰文:東方新地(部份內容轉載自Sunday Kiss)圖片來源:《蝕日風暴》劇照、《飯戲攻心》劇照、微博@魯豫有約、《美麗戰場》劇照、[email protected]_liza、TVB《學是學非》截圖、[email protected]_chng、

最新吃喝玩樂資訊