蕭正楠
蕭正楠

【萬千星輝頒獎典禮2018】 蕭正楠獲獎後公佈喜訊 得獎感受:多謝太太黃翠如

影視娛樂

廣告

萬千星輝頒獎典禮2018》最大焦點當然是獎項花落誰家,點知最爆嘅係蕭正楠同曹永廉奪「最受歡迎電視拍檔」時,蕭生親自公開講黃翠如已經成為佢太太喇!

撰文:東方新地|圖片:myTV、新傳媒圖片庫、黃翠如IG蕭正楠IG|編輯:新假期

蕭正楠得獎感受:多謝太太黃翠如

蕭正楠和曹永廉憑《兄弟大茶飯》奪「最受歡迎電視拍檔」,由黃翠如、洪永城頒獎。蕭正楠講得獎感受時,正式公開黃翠如為太太,令全場藝員同事O晒嘴,看來蕭生和蕭太保密得非常好!

蕭正楠講得獎感受時,站在一旁的黃翠如,以一副安慰的表情聽著老公的感言!

蕭正楠多謝太太令佢成為一個識點樣照顧人嘅男人,全場叫佢哋錫返啖先,二人都有求必應啊!

傳上年8月已有註冊計劃

其實早在上年已經屢傳婚訊,甚至傳出二人計劃於上年8月在外地註冊結婚。但後來公司安排佢哋拍《Do姐再Shopping》,所以先打亂咗佢哋嘅計劃。

據悉蕭正楠提議8月喺外地先註冊,出年再補擺酒大搞,佢哋跟手已經向公司攞定出年大假,講明到時乜嘢大job都一律唔接。雖然翠如過往拍旅遊節目去過無數國家,但佢始終想與蕭正楠環遊世界 ,趁度蜜月努力造人,有望一年完成兩件人生大事。

蕭正楠狂儲老婆本

蕭正楠與黃翠如拍拖四年無風無浪,早已同居雙方又見晒家長,多次被傳婚訊但只聞樓梯響,原來只欠蕭正楠一個行動。出身小康之家的蕭正楠是個很穩陣的人,與黃翠如拍拖後,他的事業開始有起色,形象入屋後,拍劇做男一廣告代言亦接踵而來,不過他自覺財力未夠,未係時間娶黃翠如入門。

據知情者透露:蕭正楠怕人話佢係百億女婿,想買到樓畀翠如先諗結婚,話想留個美好嘅回憶,唔會令翠如失望。翠如知道男友咁為佢又上進當然開心,不過佢10月就37歲,再加上佢唔係好想上位爭視后嗰種人,所以舊年停工周遊列國做慈善探訪,Edwin就留喺香港拍劇拍節目繼續搏殺,翠如話就話唔急結婚,因為佢唔想公開畀太大壓力Edwin,不過佢睇愛情睇得咁重,點會唔想結婚?早前翠如帶Edwin返娘家食飯,翠如屋企人都有提過結婚嘅事,翠如即場幫Edwin擋駕話有晒計劃,畀埋最後通牒Edwin,希望一年內會成事。

收到女友的最後通牒,蕭正楠當然要加快腳步,最近被問何時結婚,他終於有實質答案:「希望不久嘅將來會結啦,結婚要計劃好多嘢,你估好似《天若有情》咁,捉佢上電單車,掟個垃圾桶,攞件婚紗就話結婚咩?好多嘢要安排,照顧雙方家長好多嘢要搞。」

抑壓太耐要釋放

為了畀時間蕭正楠在事業上衝刺,黃翠如刻意放慢自己的腳步,停工差不多一年的她,走訪多個第三世界國家,跟健身教練做運動又學打鼓,盡量充實自己填滿自己的時間表,等了又等的她上周六 (18日) 在《美女廚房》終於真情流露。蕭正楠曾多次公開表示女友是地獄廚神,亦未曾正式食過黃翠如親手煮的嘢,今次黃翠如亮相他主持的《美女廚房》,第一回合煮羊滕只有蕭正楠肯食晒,不過都係畀1分,其後煮自選菜色時,黃翠如的魚粥獲所有男評判一致讚賞,蕭正楠更被慫恿即場拎出戒指求婚,又大叫二人要去紅棉道註冊,就在蕭正楠扭扭擰擰不知如何是好時,黃翠如突然委屈到喊出來,最後蕭正楠尷尬地走出去攬攬女友安慰完場。

呢一喊好充分咁表現出黃翠如內心係幾咁脆弱,幾咁想成為蕭太受到保護,唔好睇佢平時男仔頭,其實都有一顆恨嫁的心,如果蕭正楠鍾意食魚粥,咁就一定更加唔可以錯過,最後通牒都出埋,愛得太遲嘅後果分分鐘冇艇搭㗎!

緊張男友

早已同居的蕭正楠與黃翠如,相處如老夫老妻,日前黃翠如在IG放穿bra top做瑜伽的照片,蕭正楠即投訴,咁緊張就快啲娶人啦!

上《美女廚房》委屈喊

曾被蕭正楠取笑「連蛋都唔識得煎」的黃翠如,終於亮相蕭正楠主持的節目《美女廚房》,就算女友煮的羊膝有幾難食,蕭正楠都畀面扒入口。

黃翠如憑住魚粥一雪前恥,蕭正楠被指好幸福,眾人起哄要他求婚,最終搞喊黃翠如,一時感觸的她仲叫蕭正楠以後唔好話佢煮嘢難食。

滿載着被恐嚇的畫面, 這是愛情👽。 #美女廚房
Priscilla Wong 黃翠如(@wongtsuiyu)分享的貼文 於 張貼

老友飯敍

早前黃翠如與蕭正楠約齊成班老友去九龍城打邊爐聚舊,包括馬國明、唐詩詠、陸永夫婦及C君。

素顏黃翠如T恤加熱褲青春逼人,離開食店時在門外眾人在門口擾攘一輪,翠如玉腿仲畀蚊咬。

C君飲大咗

這晚C君應該飲咗唔少酒,在門外扭身扭勢氹得在場女士好開心,最後由黃翠如做司機送他返家。

常見問題

將來還有什麼演唱會值得留意?

有不少歌手宣布舉辦演唱會,例如:五月天BLACKPINK澳門站(2月4日預購)、林敏驄周興哲(1月28日公開發售)、周杰倫COLLARTwins鄭秀文鄭欣宜許冠傑(2月14日公開發售);喜歡K-pop的你亦有福了,ITZY(2月1日優先購票)和NCT DREAM亦在香港開演唱會!Sundaykiss為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

如何得知不同生肖在2023兔年感情、財運、事業、健康方面運程?有什麼生肖犯太歲及如何化解?

想知道12生肖於兔年運程如何?希望兔年在感情、財運、健康及事業方面更得心應手?Sundaykiss已為你準備好12生肖兔年運程,讓大家在兔年行個好運!犯太歲的朋友亦不用太擔心,有5大犯太歲生肖要留意小心多變化、多小人及易受傷,特別有2個月份要留意,Sundaykiss 為大家整合兔年5大犯太歲生肖化解方法

最新吃喝玩樂資訊