ERROR自肥企画|重溫《花姐ERROR遊》九個必睇環節!193敢言背後原來最驚係…
ERROR自肥企画|重溫《花姐ERROR遊》九個必睇環節!193敢言背後原來最驚係…

ERROR自肥企画|重溫《花姐ERROR遊》九個必睇環節!193敢言背後原來最驚係…

ViuTV搞笑組合ERROR近日人氣急升,由ERROR主持的新節目《ERROR自肥企画》將於下周一(5月3日)播出,不少人都相當期待。在新節目出街前,大家不如一齊重溫一下《ERROR自肥企画》的前作,也是ERROR首個同花姐合作主持的節目《花姐ERROR遊》中的必睇環節 ,包你睇完開心晒!

編輯:東方新地|原文:New Monday|圖片:ViuTV

ERROR自肥企画|重溫《花姐ERROR遊》九個必睇環節

(一)到女僕Cafe玩Cosplay 193被同化

第2集《花姐ERROR遊》中,ERROR四位成員和花姐一同在Cosplay變裝後到訪東京女僕Cafe進行拍攝,當時肥仔化身布歐、193換上女僕裝、保錡扮外星人、Dee扮成熱狗,場面相當搞笑。去到女僕Cafe時,女僕更要求ERROR四子一齊做出可愛動作,十分頂癮。

《花姐ERROR遊》十個必睇環節 193敢言背後原來最驚係「佢」?
肥仔化身布歐、193換上女僕裝、Dee扮成熱狗,扮相都相當突出,連花姐都有著上巫女服扮鬼扮馬,唯有保錡扮外星人遮晒樣超Hea,除咗頭套後完全冇外星人樣。
變身粉色系女僕嘅193,睇得出完全被女僕Cafe氣氛所同化。
變身粉色系女僕嘅193,睇得出完全被女僕Cafe氣氛所同化。

(二)鬥食辣拉麵食到嘔

第3集節目組安排五人食勁辣拉麵,該店拉麵有分5級辣,ERROR四子和花姐逐級挑戰,雖然保錡是最食不到辣的一個,但他每次都勁快食完,勁勇的態度獲得眾人的讚賞。最後肥仔、193和保錡都食到嘔,相當癡線。

《花姐ERROR遊》十個必睇環節 193敢言背後原來最驚係「佢」?
五人挑戰地獄辣麵五層塔,保錡選擇以速度破辣。
《花姐ERROR遊》十個必睇環節 193敢言背後原來最驚係「佢」?
最後193、肥仔和保錡都食到嘔!

(三)第一次炸Sound Bear

第4集節目組為整蠱花姐,特意夾埋ERROR四子,扮拍攝「旅遊小貼士」Item,結果是引爆ViuTV吉祥物Sound Bear。可是最終花姐並沒有被嚇到,反而覺得他們十分無聊,浪費了錢去炸Sound Bear。之後在第二季《花姐ERROR遊2》,ERROR又炸過一次Sound Bear,而在即將開播的《ERROR自肥企画》中,ERROR將會第3度重現這幕經典炸Sound Bear的情境!

《花姐ERROR遊》十個必睇環節 193敢言背後原來最驚係「佢」?
Sound Bear首次被炸,原來係為咗嚇花姐!
《花姐ERROR遊》十個必睇環節 193敢言背後原來最驚係「佢」?
結果花姐表現相當淡定,完全無被嚇倒。

(四)保錡挑戰跳笨豬跳失敗 落淚爆喊

第5集節目組安排ERROR和花姐跳笨豬跳一幕,令觀眾印象非常深刻,當時花姐非常霸氣一下就跳了下去,又講到:「我今日跳咗落去,ERROR你地一定要紅。」但本身畏高的保錡就始終克服不到心理關口,遲遲也未肯跳,最後更落下淚來。

《花姐ERROR遊》十個必睇環節 193敢言背後原來最驚係「佢」?
花姐勇敢一跳,非常霸氣!
《花姐ERROR遊》十個必睇環節 193敢言背後原來最驚係「佢」?
畏高嘅保錡就喊晒口唔肯跳。

(五)勇闖鬼屋 花姐嚇到花容失色

第7集眾人要挑戰日本鬼屋,今次派出阿Dee與花姐一同內進,一向霸氣的花姐全程撓實阿Dee,非常少女,可見她的確十分怕鬼。花姐自言在鏡頭面前似個癲婆一樣大叫,但觀眾就覺得可以見到花姐另一面,十分難得。

《花姐ERROR遊》十個必睇環節 193敢言背後原來最驚係「佢」?
阿Dee與花姐一齊勇闖鬼屋,一向霸氣的花姐要全程撓實阿Dee。

(六)一眾肌肉男現身花姐眼前

第9集節目組安排眾人到一間特色酒吧,原來該酒吧有一隊大隻佬男團駐場,他們也是和ERROR一樣有著夢想。不過肌肉在前,花姐也不為所動,反而ERROR四子換上吊帶衫扮大隻佬,場面相當爆笑。

《花姐ERROR遊》十個必睇環節 193敢言背後原來最驚係「佢」?
花姐面對多個大隻佬不為所動。
《花姐ERROR遊》十個必睇環節 193敢言背後原來最驚係「佢」?
193著上吊帶衫都扮唔到大隻佬,反而肥仔意外地谷到啲肌!

(七)193出茅招挑戰體能

第12集幕後安排ERROR到忍者道場拜師學藝,之後再到公園與大隻佬比試,結果在「空中漫步」中,身高取勝的193出茅招,因此輕易贏出比賽,而其他成員也輸給對方,但過程爆笑,贏輸已不是重點。不過最令人驚喜是,導演Mike居然一Take成功,比ERROR體能還要好。

《花姐ERROR遊》十個必睇環節 193敢言背後原來最驚係「佢」?
眾人到忍者道場拜師學藝。
《花姐ERROR遊》十個必睇環節 193敢言背後原來最驚係「佢」?
阿Dee披頭散髮唔通想扮丐幫幫主?
《花姐ERROR遊》十個必睇環節 193敢言背後原來最驚係「佢」?
原來193早已習慣出茅招取勝。

(八)193勁驚鹿嚇到喊

193出名怕動物,第13集製作組安排ERROR到奈良公園,希望可以幫193克服怕動物的恐懼。幕後更貼了勁多餅在193背部,結果很多鹿追住193,最後他也忍不住流下男兒淚。

《花姐ERROR遊》重溫九個必睇環節 193敢言背後原來最驚係「佢」?
ERROR被安排到奈良公園餵鹿。
《花姐ERROR遊》重溫九個必睇環節 193敢言背後原來最驚係「佢」?
出名怕動物的193被鹿追到喊,真係慘慘豬!
流下男兒淚。
流下男兒淚。

(九)保錡生食魚眼

癡線幕後在第14集安排眾人挑戰生食魚眼,該魚眼又腥又臭,肥仔一咬即嘔。此時,花姐派了試食專員代自己食,ERROR就揀了保錡比賽,最後保錡一口氣將魚眼擺入口,相當霸氣,非常人可以做到。

《花姐ERROR遊》重溫九個必睇環節 193敢言背後原來最驚係「佢」?
核突魚眼肥仔一咬即嘔!
《花姐ERROR遊》重溫九個必睇環節 193敢言背後原來最驚係「佢」?
保錡就一口氣將魚眼擺入口,相當霸氣。

同場加映:

《ERROR自肥企画》首播 ERROR四子攞正牌自肥

ViuTV新一輯由ERROR主持的節目《ERROR自肥企画》將由下周一(5月3日)起,逢星期一至五晚上11時正播放。非主流男子組合ERROR自出道以來都在演藝路上載浮載沉,但憑著在《ERROR遊》系列及《ERROR自救TV》中真誠又毫無保留的演出,終於感動廣大觀眾,贏得掌聲,也總算「自救」了面前的演藝路。自信滿載,這次強勢回歸就是要拿著民意當令箭,自把自為一次,用公司資源盡情「自肥」,滿足一己私慾同時,用最「ERROR」的方式娛樂大家!

ERROR一出場即惡搞多個日本動漫角色。
ERROR一出場即惡搞多個日本動漫角色。
「Double S」陳欣妍晒腿上陣為ERROR客串演出。
「Double S」陳欣妍晒腿上陣為ERROR客串演出。

節目第一集ERROR繼續貫徹其無厘頭作風,一出場即惡搞日本動漫角色,其中193更以女裝短裙示人,令人又驚又喜。此外,ERROR亦邀得「Double S」沈殷怡、陳欣妍,以及組合P1X3L搞笑客串。

戴金色假髮的沈殷怡胸前激凸,非常吸睛。
戴金色假髮的沈殷怡胸前激凸,非常吸睛。
組合P1X3L亦著水手服搞笑客串。
組合P1X3L亦著水手服搞笑客串。

惡搞一番後,節目中再現《ERROR遊》系列似曾相識的場景,ERROR被帶到一個Sound Bear雕塑前,在毫無預警下Sound Bear突然爆炸,嚇得四子立刻後退。

193仲扮埋傷眼後嘅綾波麗!
193仲扮埋傷眼後嘅綾波麗!
被炸前嘅Sound Bear竟然多咗對翼之餘,仲多咗兩撇鬚。
被炸前嘅Sound Bear竟然多咗對翼之餘,仲多咗兩撇鬚。

之後ERROR進行首個「自肥」遊戲,各人要從四面特製牆壁中揀選其中一面,再以高速奔跑衝破牆壁,當中只有一人最後能成功避開牆後的顏料池,奪得港幣1,000元現金獎。四子為了「自肥」,不惜一切互相殘殺,引發連串瘋狂爆笑事件!

ERROR進行首個「自肥」遊戲時,造型搞怪。
ERROR進行首個「自肥」遊戲時,造型搞怪。
為贏得獎金,ERROR四子高速跑向特製牆壁,速度最快嘅係193!
為贏得獎金,ERROR四子高速跑向特製牆壁,速度最快嘅係193!

最新吃喝玩樂資訊