劉宋威
劉宋威

荃灣肉檔AK劉宋威深夜哭訴 否認曾做古惑仔:點解有紋身就唔係好人

影視娛樂

廣告

荃灣AK豬肉威威劉宋威因為一副明星相而一夜成名,早前大搞生日會畀奶師粉絲熱捧,仲成為廣告界新貴,job接job豬籠入水!不過威威人紅是非多,不斷被網民翻出黑歷史,繼早前爆出疑似做傳銷,又被爆狂串MIRROR同COLLAR。近日再有網民公開一張10年前的威威舊照,指他曾經撈偏以及玩過好多女人?暖男形象一鋪清袋,女粉絲仲冧唔冧?

劉宋威 荃灣ak豬肉威威 威威生活照。
威威最近在社交網非常活躍。(圖片來源:[email protected]_608)

威威做豬肉切割員前係古惑仔?

近日網上討論區有人貼相爆料,指荃灣AK豬肉檔威威曾經是古惑仔一名。網民紛紛留言和應「睇佢頭髮同紋身都估到了」、「紋哂身,知咩料la」、「炸到咁唔通正經人家咩」同時亦有網民指出「我有朋友識佢之前個女友,話佢唔係好人,撈開古惑…之後先轉行切肉」、「條友玩過好多女人」。更有網民質疑威威可能兩個身份同時擁有,又係古惑仔又係豬肉佬。

劉宋威 荃灣ak豬肉威威 網民貼出威威疑似黑社會的相片。
網民貼出冇著上衫疑似威威與性感打扮女士的合照。(圖片來源:LIHKG區截圖)
劉宋威 荃灣ak豬肉威威 網民評論。
網民評論。(圖片來源:LIHKG區截圖)
劉宋威 荃灣ak豬肉威威
(圖片來源:LIHKG區截圖)
劉宋威 荃灣ak豬肉威威
(圖片來源:LIHKG區截圖)

不過部份網民力撐威威,覺得佢「曾經學壞」依家「從良學番門手藝養家」故事好感人,好欣賞佢。亦都有網民覺得「浪子回頭金不換」。

劉宋威 荃灣ak豬肉威威
(圖片來源:LIHKG區截圖)

威威哽咽拍片澄片:

連日被爆黑歷史的威威終於都忍唔住,在6月16日深夜在IG出片哭訴否認傳聞。

近日收到好多唔少的報導,好多負面的說話,話我唔係好人,話我係黑社會,首先我要澄清返,我只係一個普通屋邨成長,基層出生,亦唔係大家所講的黑社會,點解喺屋邨長大就係黑社會,點解有紋身就唔係好人,就要俾人歧視,點解我自己的事業去賣豬肉,揸把刀就要去斬人哋,之前聽好多人講人紅事是非多,實會俾人攻擊,自己明白呢個道理,但自己感受到…

條片見到威威未講完,已經哽咽講唔到落去咁,望落似因為忍唔住想喊無辦法再講。威威親自澄清,獲得不少「威威豬」讚賞,但另一方面又有人指威威「喊唔出」,又揶揄他突然拍片澄清係「做多咗」,反應兩極!

重溫威威疑似做傳銷

近日有網民爆出一張疑似威威的照片,照片中該男士拎住一枝黑色產品自拍,眼利網民即指出拎呢支產品影得相就係做傳銷工作,仲指做得傳銷就無個好人。跟住網民仲搵出呢支產品功效神奇,「呢支嘢癲架,佢哋講到噴胸會豐胸,噴頭會生髮,噴臉會瘦臉,講到支嘢萬能有智慧識得知你噴緊邊。」有網民就話職業無變「咁以前職業都係劏豬,但就係劏港豬囉」「傳銷傳到做明星,好勵志,銷佬又可以宣傳」「唔怪之得唔除罩,原來做傳銷」「總之建華啲馬仔一律唔當好人」不過有網民就力撐威威「咁又點?要佢受網络公審?改過自身,己屬好事,何必要揭他瘡疤,人誰無過,豁達啲,睇開啲!放個過人,亦饒恕自己」

劉宋威 荃灣ak豬肉威威 疑似威威做傳銷相片。
疑似威威做傳銷的相片。(圖片來源:LIHKG區截圖)
劉宋威 威威 威威好識冧粉絲。
威威好識冧粉絲。(圖片來源:[email protected]_608)
劉宋威 威威 威威每次出席公開活動都有大班女粉絲追捧。
威威每次出席公開活動都有大班女粉絲追捧。(圖片來源:[email protected]_608)

撰文:東方新地(部分內容轉載自NewMonday)圖片來源:[email protected]_608, LIHKG區截圖

最新吃喝玩樂資訊