趙小婷 聲夢傳奇2
趙小婷 聲夢傳奇2

聲夢傳奇2五強|Pamela趙小婷21歲停讀醫參賽追夢 曾簽星夢做歌手

影視娛樂

廣告

《聲夢傳奇2》上週進行了五回合的「1 vs 1淘汰戰」,五強已正式誕生,總決賽將於10月2日(星期日)直播舉行!五強大熱之一Pamela趙小婷,參賽初期經常被喻可接炎明熹班之一的大熱,在節目播出前已討論度極高!

即睇《聲夢傳奇2》五強名單
聲夢傳奇2 趙小婷走出舒適圈參賽
趙小婷表示要走出舒適圈參賽(圖片來源:[email protected]

聲夢傳奇2五強|Pamela 趙小婷 21歲停讀醫為追夢

21歲Pamela趙小婷在節目播出前已討論度極高,為香港大學內外全科醫學生的Pamela,獲封應屆「聲夢學霸」,參賽前 IG 粉絲已突破三萬,去年更因翻唱衛蘭的《It’s OK To Be Sad》,吸引了本尊衛蘭留言讚好。參賽初期經常被喻可接炎明熹班之一的大熱,為參賽追夢選擇暫停學業,在十強對戰中,以高難度經典歌曲《電燈膽》打敗Maggie趙頌宜。

趙小婷 在十強對戰中,Pamela以高難度經典歌曲《電燈膽》打敗Maggie趙頌宜
在十強對戰中,Pamela以高難度經典歌曲《電燈膽》打敗Maggie趙頌宜(圖片來源:TVB提供《聲夢傳奇2》截圖)

Pamela趙小婷翻唱《勁浪漫超溫馨》獲湯令山派心 同MC張天斌互相追蹤IG

Pamela趙小婷來頭一啲都唔簡單,好有演出經驗。自小受爸爸音樂薰陶嘅佢,十幾歲已經喺街頭Busking,15歲嗰年因為翻唱Dear Jane《愛情三部曲》爆紅,更不時喺IG貼出自彈自唱片段,就連MC張天賦、[email protected]、馮允謙、梁釗峰@C AllStar以及師姐菊梓喬都有追蹤佢。其中翻唱《勁浪漫超溫馨》,原唱人湯令山留言表示鍾意。趙小婷亦曾簽約星夢做歌手,可想而知唱功有返咁上下。

趙小婷 聲夢傳奇2 翻唱《勁浪漫超溫馨》獲原唱湯令山派心
翻唱《勁浪漫超溫馨》獲原唱湯令山派心(圖片來源:[email protected]
趙小婷 聲夢傳奇2 IG有唔少星級followers
IG有唔少星級followers,當然趙小婷都有互相follow(圖片來源:[email protected]

Pamela趙小婷今年「唔讀醫」

趙小婷唱得之餘,亦係一名學霸,佢嘅YouTube Channel除咗有唱歌片,仲有返學上堂Vlog,俾fans更了解及認識佢,又有分享考DSE嘅血淚史,同留言觀眾有問有答,有考生話聽完佢講解之後清晰咗好多。不得不提,趙小婷顏值都相當高分,配以清新甜美嘅外表,未正式出道就有逾3.7萬人Follow!早前佢曾經喺個人Vlog上透露過自己今年「唔讀醫」,而原因係佢正修讀的學系(MBBS)Year 3 學生正進行「Enrichment Year」,所有學生都會各散東西去做自己鍾意嘅事情,而趙小婷除咗選擇參賽之外,亦都正修讀一個與運動相關的學科,認真係「時間管理大師」!

聲夢傳奇2 呢張福利圖好難得,趙小婷少有喺IG騷長腿,
呢張福利圖好難得,趙小婷少有喺IG騷長腿,(圖片來源:[email protected]
趙小婷 聲夢傳奇2 自彈自唱跌膊Look,又有另一番風味
自彈自唱跌膊Look,又有另一番風味(圖片來源:[email protected]

趙小婷 聲夢傳奇2 拍片分享DSE秘訣,仲會解答留言觀眾問題,好盡量嘅「老師」
拍片分享DSE秘訣,仲會解答留言觀眾問題,好盡量嘅「老師」(圖片來源:Pam [email protected]

Pamela趙小婷就讀港大醫科 從許廷鏗獲啟發參賽

Pamela多年前接受傳媒訪問時講過,父母從來冇逼佢讀書,一切出於自覺。例如考試前一星期會拍定多啲翻唱短片備用,考試期間就刪除IG以免分心,仲認為唱歌係舒壓良方。趙小婷透露自己喺許廷鏗身上獲得重大啟發,佢現正就讀港大醫科,而許廷鏗就同時兼顧牙醫及歌手事業,趙小婷覺得自己都可以有同樣嘅雙重身份,加上屋企人嘅鼓勵,令佢決定報名參加《聲夢傳奇2》。

趙小婷 聲夢傳奇2 十幾歲就開始街頭Busking,回頭率極高
十幾歲就開始街頭Busking,回頭率極高(圖片來源:Ar Tak [email protected]截圖)
趙小婷 聲夢傳奇2 淡定度似足職業歌手
淡定度似足職業歌手(圖片來源:Ar Tak [email protected]

Pamela趙小婷接受唔同嘅自己 走出舒適圈

正式入圍《聲夢傳奇2》,日前趙小婷喺IG訴心聲話決定參賽一啲都唔不簡單,報名前一個月每日都掙扎猶豫:「但截止前的一天,我媽咪及家姐很誠懇地再次鼓勵我——難道你不想挑戰自己唱歌上的極限嗎?難道你不想更多人聽見你的聲音嗎?難道你想白白看着機會流走嗎?」最後佢抱住一個信念,就係唔好俾自己後悔,所以先行出咗呢一步,又借大會嘅主題「我超越我」表示:「有時就係要踏出comfort zone(舒適圈),接受唔同嘅自己,先有新嘅突破」,性格積極正面嘅佢喺正式比賽嗰陣,唔知有幾多觀眾會被佢嘅歌聲感染呢?

聲夢傳奇2 趙小婷以兼顧醫生同歌手兩個身份發展為目標
趙小婷以兼顧醫生同歌手兩個身份發展為目標(圖片來源:[email protected]

常見問題

《聲夢傳奇2》趙小婷為追夢放棄讀醫?

趙小婷早於上年已拍Vlog解釋自己參賽嘅原因⋯⋯詳情請看

《聲夢傳奇2》總決賽大熱有邊位?

觀眾可以參與投選「《聲夢傳奇2》傳奇新星」,官網近日公布了暫時最高票數的三位⋯⋯按此看五強名單

撰文:東方新地圖片來源:Ar Tak [email protected],Pam [email protected][email protected]資料或影片來源:Pam [email protected]

最新吃喝玩樂資訊