聲夢閃卡
聲夢閃卡

「聲夢閃卡」限定期間送唔晒? 炎明熹造型太差或未算主因

影視娛樂

廣告

早前快餐品牌大家樂推出「聲夢閃卡套餐」一Set 六款外加特別版,包括有以劇集《青春本我》造型呈現Gigi炎明熹、Chantel、Yumi、Archie、Aska、Kaitlyn。原本「限定期間」只到5月30日,但原來快餐店近日將「限定期間」延長,粉絲仲有機會呀!

一齊回顧「大家樂 x 青春本我」閃卡造型

聲夢閃卡 「大家樂 x 青春本我」閃卡一出引來網民熱議
「大家樂 x 青春本我」閃卡一出引來網民熱議(圖片來源:大家樂)

睇埋其他閃卡

大家樂繼續加推閃卡係太受歡迎定係送唔出?!

原本大家樂於5月10日起至30日推廣期內,一連三個星期內只要購買指定套餐,就隨機附送一款限量版的「聲夢閃卡」,到最後一個星期,食夠兩份餐仲可以獲3人組或6人組合照特別版閃卡一張添!不過反應似乎唔多理想,去到6月1日,快餐店突然宣布加推閃卡兩星期(至6月13日),繼續sell卡。

聲夢閃卡 聲夢 最初的「期間限定」
最初的「期間限定」(圖片來源:大家樂)
聲夢閃卡
(圖片來源:[email protected]大家樂Café de Coral)
聲夢閃卡 大家樂係FB出post 加推聲夢閃卡
大家樂係FB出post 加推聲夢閃卡(圖片來源:[email protected]大家樂Café de Coral)
聲夢閃卡
(圖片來源:[email protected]大家樂Café de Coral)
聲夢閃卡 討論區有網民擺咗呢張圖,見到仲係重貨
討論區有網民擺咗呢張圖,見到仲係重貨(圖片來源:lihkg討論區截圖)

閃卡設計引起熱討 Gigi撞樣野口同學!

早前推出「大家樂 x 青春本我」閃卡,曾引來一眾網民熱議。更有網民表示Gigi由《魷魚遊戲》中的「木頭人」變成《櫻桃小丸子》中的野口同學,有網民指Archie與側田撞樣,Aska被指酪似長鼻猴,Kaitlyn髮型出事似「超人之母」。

聲夢閃卡 網民爭相討論閃卡造型。
網民爭相討論閃卡造型。(圖片來源:Facebook截圖)

網民形容今次宣傳係災難級

唔少網民都話「大家樂x青春本我」閃卡造型出曬事:「其實點解做任何野都可以咁老土?」、「攪蓮姐形象同設計果個真係唔該返去讀過設計」、「雙馬尾係想點X樣」、「衰X過yes卡」。而今次市場推廣,網民形容是災難級:「笑咗,以為KFC將COLLAR摧毁已經係災難級,點知一山還有一山高」、「成個marketing出x晒事」。甚至好多網民表示:「送俾我都唔XX要啦」、「講還講唔好貼相」、「X你個街,亞視嚟嘅?」。另一方面又有網民指出重點,表示該套餐比平時食得貴出不少,而且條款多多又要加杯唔太合大眾口味嘅飲品,直斥吃相太深,本末倒置。但對比之下,早前麥當勞推出的MIRROR閃卡,該指定套餐卻並無加價。

聲夢閃卡 網民就「大家樂x青春本我」表達意見
網民就「大家樂x青春本我」表達意見(圖片來源:Facebook截圖)
聲夢閃卡 唔少網民都表示唔係太鍾意呢款閃卡
唔少網民都表示唔係太鍾意呢款閃卡(圖片來源:lihkg討論區截圖)

大家樂代言人 由黃子華變聲夢傳奇

近年大家樂集團未有特別委任代言人,對上一次比較有迴響就係2016年邀請黃子華重新演繹《男親女愛》主題曲的代言MV,其後也曾邀請過BabyJohn蔡瀚億拍廣告,直至今年開始頻顏與無綫《聲夢傳奇》合作,不但有閃卡,更冠名贊助第二季《聲夢傳奇2》。

聲夢閃卡 大家樂 聲夢 2016年重本邀請黃子華演出主題廣告MV。
2016年重本邀請黃子華演出主題廣告MV。(圖片來源:大家樂廣告截圖)
聲夢閃卡 大家樂 聲夢 2018年BabyJohn扮Mo仔。
2018年BabyJohn扮Mo仔。(圖片來源:大家樂廣告截圖)

撰文:轉載自NewMonday圖片來源:《聲夢傳奇2》記者會截圖, 連登截圖, Facebook截圖, [email protected]大家樂Café de Coral, 大家樂

最新吃喝玩樂資訊