美麗戰場
美麗戰場

美麗戰場|網民怒轟結局:不知所謂超級爛!葉念琛講開續集佢咁話……

影視娛樂

廣告

《美麗戰場》大結局埋下不少懸念和伏線,首集鋪排的方力申遊艇失蹤事件完全以開放式結局處理 ,由於最後5集劇情發展極急速,豪門鬥爭緊張感欠奉,蔣家旻離奇出現電視城之後就出字幕完場,導演葉念琛昨晚上載慶功相並寫有「2」字,似準備開續集!

美麗戰場 結局 美麗戰場 導演葉念琛上載慶功相並寫有「2」字,似準備開續集。
導演葉念琛上載慶功相並寫有「2」字,似準備開續集。(圖片來源:[email protected]

網民怒轟:結局不知所謂!超級爛!

昨晚《美麗戰場》大結局被轟爛尾留伏線,導演葉念琛上載慶功相並寫有「2」字,似準備開續集,有網民不滿:「拍還拍,麻煩執返season 1嘅窿窿。」、「個結局不知所謂!超級爛!原來曾志偉請你返嚟就係拍啲咁嘅戲!」

美麗戰場 結局 美麗戰場 網民在葉念琛的IG留言,轟結局爛尾。
網民在葉念琛的IG留言,轟結局爛尾。(圖片來源:[email protected]

反骨琪說好的復仇呢?

昨晚大結局最後一幕返回 2022 年,「反骨琪」靚爆回歸,並挑機地說了句:「家姐,咁急趕住去邊呀?」網民期待的「復仇」moment並未上演,留下極大懸念,令網上群情洶湧,不少網民直指滿腦疑問,並謂如此安排似是為續集埋伏線,對此葉念琛回應:「今晚我哋成班演員一齊睇結局,大家都話好想拍續集,咁我都見到今晚反應比我預期中誇張,我會考慮吓(拍續集)。」

美麗戰場 結局 蔣家旻呢個回歸一啲「復仇」跡象都冇,網民大感失望。
蔣家旻呢個回歸一啲「復仇」跡象都冇,網民大感失望。(圖片來源:TVB)
美麗戰場 結局 美麗戰場 蔣家旻在《美麗戰場》結局篇將以超低胸的性感造型登場!
蔣家旻在結局只出一幕,毫無發揮。(圖片來源:娛樂新聞台截圖)

葉念琛解釋Open Ending遭圍插

對於網民普遍不太接受Open Ending,葉念琛笑謂:「其實以前好多經典劇都係開放式結局,唔少大家到依家都仲會念念不忘。我覺得追劇最開心,係追得過癮之餘,仲有種對結局好上心嘅感覺,一睇完就好想同人分享,鍾意又好,唔鍾意都好,總之引起到討論嘅氛圍,就係我想大家有嘅感覺。今晚都好多人去我個page度留言,想搵我出嚟講清楚。」

美麗戰場 結局 眾演員一起睇大結局。
眾演員一起睇大結局。(圖片來源:娛樂新聞台截圖)

葉念琛放風開續集解謎

談到結局中多項懸念,包括振宇(方力申飾)生死、唐昕(朱晨麗飾)最終和誰通電話、琪琪嗌家姐有乜居心等,葉念琛故作神秘謂:「如果真係開拍續集,一定會有答案。」昨晚一小時大結局一口氣交代了陳瀅與劉佩玥反面真相,林盛斌對劉佩玥的情深義重、陳曉華死於丁子朗刀下、以及姜大衛、朱晨麗和方力申之間糾纏不清的關係。

美麗戰場 結局 方力申終於知道朱晨麗和姜大衛的關係。
方力申終於知道朱晨麗和姜大衛的關係。(圖片來源:TVB)
美麗戰場 結局 方力申失蹤留下謎團。
方力申失蹤留下謎團。(圖片來源:TVB)

陳曉華臨終告別戲感人

至於小美的臨終告別戲,網民亦直指感人,大讚陳曉華演得好。小美先以可憐樣子請求阿寶原諒:「你唔嬲靜兒,可唔可以都唔好嬲我,我同家明真係冇嘢!」面對靜兒忍淚道別,小美再努力擠出虛弱微笑,並拖實家寶及靜兒的手流著淚謂:「好呀,我哋做姊妹有今生有來世」,向來貪靚的她更傻氣地問:「我依家係咪喊到好醜樣唔靚呀?」

美麗戰場 結局 陳曉華的臨終戲好感人。
陳曉華的臨終戲好感人。(圖片來源:TVB)
美麗戰場 結局 陳瀅與劉佩玥送別陳曉華,扮friend。
陳瀅與劉佩玥送別陳曉華,扮friend。(圖片來源:TVB)

陳曉華:忍唔住想喊

陳曉華受訪時坦言當晚拍畢準備回家時,腦中還不停湧現與小美有關的回憶,故要在車上沉澱接近半小時方能平伏情緒。她又坦言直至現在,只要想起當時陳瀅與劉佩玥在自己面前痛哭的樣子,還是忍不住會想喊:「好唔想諗起呢件事,我會覺得自己忍唔住想喊。因為只係兩個月前左右嘅事,好似自己嘅感覺都仲未消化到咁。」

葉念琛話考慮開續集喎!

TVB台慶劇《美麗戰場》劇情高潮迭起,來到大結局,有7大必睇焦點,包括陳瀅眾叛親離、蔣家旻回歸、陳曉華被丁子朗報復、朱晨麗先係終極大Boss,仲有Bob林盛斌同姜大衛之間的Battle等,都引起網民熱討!

《美麗戰場》結局6大必睇焦點

1.陳曉華被丁子朗報復慘死

陳瀅早已劇透過《美麗戰場》的大結局不會是Happy Ending,其中陳曉華飾演的林小美被程裕進(丁子朗飾)狠飛,好友李靜兒(劉佩玥飾)即搵哥哥手下斬傷程裕進,令他變成潦倒乞丐,衰到貼地後再與林小美重遇,原來這場重遇係由鍾家寶(陳瀅飾)所設計,有指程裕進將會為報復殺死小美!

美麗戰場 當年劉佩再找人斬丁子朗,令其一沉不起變乞兒,某日陳曉華重遇丁子朗揭發這件事,姐妹又決裂。
當年劉佩玥找人斬丁子朗,令其一沉不起變乞兒,陳曉華重遇丁子朗後,慘被報復。(圖片來源:TVB.com)
美麗戰場 陳瀅對丁子朗講出當年被斬手的事,原來丁子朗去搵陳曉華尋仇,幕後黑手係陳瀅!
陳瀅對丁子朗講出當年被斬手的事,原來丁子朗去搵陳曉華尋仇,幕後黑手係陳瀅!(圖片來源:TVB《美麗戰場》截圖)

2.陳瀅眾叛親離

劉佩玥劇中鬧爆陳瀅「你以為得到咗所有嘢,其實係失去所有嘢!」而陳瀅亦曾劇透指「阿寶」身邊最後只剩返一隻狗陪伴,導演葉念琛就話「阿寶」全面黑化後,會顯露出她比起「反骨琪」更加陰險的一面,因此搞到眾叛親離,失去了所有友情、愛情,而這個是她自己選擇所導致的結果。

美麗戰場 預告片中劉佩玥對陳瀅大喊大罵:「你仲係咪人嚟㗎?」
劉佩玥在醫院中對陳瀅大喊大罵:「點解你咁樣對佢,你良心去咗邊?你仲係咪人嚟㗎?」(圖片來源:TVB《美麗戰場》劇照)
美麗戰場 劉佩玥向陳瀅大摑一巴,陳瀅一臉冷漠,究竟是否有人已送命?
劉佩玥向陳瀅大摑一巴,陳瀅一臉冷漠,究竟是否有人已送命?(圖片來源:TVB《美麗戰場》劇照)

3.Bob對戰姜大衛

劉佩玥跟Bob這一對,有機會係全劇唯一獲得Happy Ending的CP,劇中劉佩玥跟陳瀅決裂後,變得一無所有。Bob無懼對上要打壓劉佩玥的姜大衛,對他說:「你咁樣對付一個女人仔,好似唔係好公道!」並提出要聘用劉佩玥出任他旗下珠寶集團的公關主管,令劉佩玥大受感動,最終兩人關係得以升級。

美麗戰場 Bob為了劉佩玥去搵姜大衛講數。
Bob為了劉佩玥去搵姜大衛講數。(圖片來源:TVB《美麗戰場》截圖)
美麗戰場 姜大衛為咗阿仔方力申而要打壓劉佩玥。
姜大衛為咗阿仔方力申而要打壓劉佩玥。(圖片來源:TVB《美麗戰場》截圖)

4.朱晨麗先係終極大Boss

原來朱晨麗先係Final Boss!有指在𠱁得方力申與陳瀅離婚,並合作奪得各自父母的家產後,朱晨麗終於露出真面目,同姜大衛先係一pair,嬲到方力申發癲!

美麗戰場 方力申向陳瀅大呻後悔結婚後,立即去氹返朱晨麗,更獻上激吻⋯⋯
朱晨麗勾引方力申,點知佢同姜大衛早已有路。(圖片來源:tvb.com)

5.方力申失蹤

方力申被朱晨麗出賣後,頭耷耷向陳瀅認錯,想挽回陳瀅,但劇集一開始時已預告過方力申在遊艇上不知所措的一幕,遊艇上的環境更疑似案發現場一樣。

美麗戰場 方力申頭耷耷求陳瀅返去佢身邊。
方力申頭耷耷求陳瀅返去佢身邊。(圖片來源:TVB《美麗戰場》截圖)
美麗戰場 劇集一開始時已預告過遊艇的一幕,方力申在遊艇上不知所措,環境疑似案發現場一樣,究竟係咪有人會死?
劇集一開始時已預告過遊艇的一幕,方力申在遊艇上不知所措,環境疑似案發現場一樣,究竟係咪死咗?(圖片來源:TVB《美麗戰場》截圖)

6.陳山聰被捧攞視帝

患上了腦退化症的陳山聰,有指到大結局早已不在人世,但之前他和陳瀅種種對恃,以及被換藥當眾失禁等戲份,都大有發揮,網民都力撐他攞硬視帝,紛紛大讚:「一言sir演技一流」、「陳山聰演技好有張力,今屆視帝不二之選!」、「陳山聰演得好出色好震撼」、「一言Sir最搶戲!由頭帶到尾」等等。

美麗戰場 陳山聰被陳瀅設計搞到當眾出醜。
陳山聰被陳瀅設計搞到當眾出醜。(圖片來源:TVB《美麗戰場》截圖)
美麗戰場 但最後陳山聰都係原諒咗陳瀅,仲鼓勵佢復出。
但最後陳山聰都係原諒咗陳瀅,仲鼓勵佢復出。(圖片來源:TVB《美麗戰場》截圖)

網民都話得20集太短!

常見問題

《美麗戰場》大結局是如何走向?陳瀅下場悲慘?

《美麗戰場》大結局陳瀅將會終極黑化,使計背叛陳山聰,而「反骨琪」殺人後潛逃,曾預告過會回歸進行終極報復,即睇結局劇情分析;結局周劇情好似過山車一樣,陳瀅先背叛陳山聰,再被方力申提出離婚,丁子朗以一身乞丐造型回歸,按此看第16-20集劇情劇透

《美麗戰場》3個月極速制作完成惹其他TVB監制不滿?

葉念琛遵循曾志偉「快拍快播」的高效政策,連台慶劇都能「快手」出貨,就惹來不少TVB監製的不滿,被私下投訴⋯⋯詳情請看

撰文:東方新地圖片來源:TVB、娛樂新聞台截圖、[email protected]資料或影片來源:[email protected]娛樂新聞台

最新吃喝玩樂資訊