簡淑兒
簡淑兒

33歲簡淑兒孖陳婉衡出海心口谷到起角 網民揶揄:原來你都唔輸蝕

影視娛樂

廣告

現年33歲的簡淑兒(Jessica)自今年6月離巢TVB後,極速過檔香港開電視拍攝節目《離鄉別井的故事》,已出發前往英國的她,日前不忘在社交網分享同好友陳婉衡玩直立板的靚相,希望抓住夏日的尾巴,不過不少網民都錯重點,留意到難得著上性感比堅尼的簡淑兒,心口似乎谷得太用力,甚至谷到變形起角!

簡淑兒 陳婉衡 齊玩直立板

簡淑兒經常孖住好友陳婉衡(Alycia)一齊做運動操肌,日前她更發了兩人一同出海玩直立板的靚相,笑言:「Can’t believe it’s the last day of August already!(不敢相信這已經是8月的最後一天了!)」相中兩人分別著上黑色和淺藍色的比堅尼泳衣,大騷Fit爆身形,簡淑兒更大擺心形pose,引得網民大讚「性感又甜美」、「好Fit好靚」、「充滿青春活力」等等。

簡淑兒 擁有36E上圍的「咪神」陳婉衡這日穿著一件黑色Tube Top比堅尼泳衣,視覺上竟然同32B的簡淑兒相差不遠。
擁有36E上圍的「咪神」陳婉衡這日穿著一件黑色Tube Top比堅尼泳衣,視覺上竟然同32B的簡淑兒相差不遠。(圖片來源:[email protected]_jessica)

網民擔心簡淑兒唞唔到氣

簡淑兒難得以性感比堅尼示人,讓網民大感驚喜,但也有網民留意到她谷出的深長事業線,竟然不輸給「咪神」陳婉衡,激讚她「有啲料到」、「原來你身材都唔輸蝕」、「兩個都好身材」等等,但簡淑兒似乎因為谷得太用力,令到心口有點谷到變形起角,有網民就擔心表示:「夾到咁會唔會窒息唞唔到氣?」

簡淑兒 即使放下手臂,亦見到簡淑兒的心口被其比堅尼泳衣谷到起角,令網民好擔心她會夾到唞唔到氣。
即使放下手臂,亦見到簡淑兒的心口被其比堅尼泳衣谷到變形起角,令網民好擔心她會夾到唞唔到氣。(圖片來源:[email protected]_jessica)
簡淑兒 有網民片即時為簡淑兒做對比。
有網民片即時為簡淑兒做對比。(圖片來源:網民圖片)

最開心識到陳婉衡

簡淑兒早前接受網上節目《月傾會》訪問,講到在無綫10年最開心的事,她直言:「最開心就係我識到依家嘅best friend,大家係同一屆入選嘅Alycia(陳婉衡)!我諗我呢10年裏面,如果冇佢喺身邊,日子未必會咁開心囉!」

簡淑兒 簡淑兒同陳婉衡係best friend。
簡淑兒同陳婉衡係best friend。(圖片來源:[email protected]_jessica)

簡淑兒目前身在英國

簡淑兒日前已出發飛往英國,為香港開電視拍攝節目《離鄉別井的故事》,了解港人移民到英國後的情況,節目由前TVB非戲劇節目監製及經理張志明(B哥)監製,及《嫁到這世界邊端》的導演黃俊輝執導,行程預計為36日,簡淑兒笑言男友麥大力已預先向她報告每日行蹤,確保她可以放心工作。

簡淑兒 麥大力
自8歲起便隨家人移民到美國的簡淑兒,曾在美國生活15年,今次到英國拍節目無難度。(圖片來源:[email protected]_jessica)

離巢TVB為跳出框框

簡淑兒2012年曾經參選港姐,在落敗後加入無綫,之後參演過《我家無難事》、《踩過界II》、《平安谷之詭谷傳說》等多套劇集,更於《萬千星輝頒獎典禮》中獲提名「飛躍進步女藝員」。簡淑兒早前在社交平台上宣佈離巢,留言表示:「曾經有一份執著,好想喺到做到啲成績出嚟。去到有一刻,發覺自己唔想再活喺一個框框入邊,慢慢咁失去自己嘅價值,之後仲有好長嘅路,我會繼續努力。」

離巢 tvb 簡淑兒曾於《萬千星輝頒獎典禮》中獲提名「飛躍進步女藝員」
簡淑兒曾於《萬千星輝頒獎典禮》中獲提名「飛躍進步女藝員」(圖片來源:[email protected]_jessica)

原本有份跟《聲夢傳奇2》出埠

簡淑兒曾是女子組合「少女標本」成員,早年憑《愛‧回家之開心速遞》的「年青版熊尚善」而為人認識,一度獲無綫力捧,參演過好多劇集演出,如《平安谷之詭谷傳說》、《踩過界II》、《C9特工》、《智能愛人》、《我家無難事》等,不過演技始終未被認同。原本簡淑兒要跟無綫大隊飛去馬來西亞為《聲夢傳奇2》擔任評判及表演嘉賓,組合出身的她事前更公開話好耐冇唱歌,出發前會練歌,又話有當地同事知她將到馬來西亞,準備帶她四圍去「食好西」,結果簡淑兒冇得隨大隊出發,仲突然宣布離巢無綫,真係耐人尋味。

簡淑兒 早前簡淑兒對外透露會做《聲夢傳奇2》的評判加嘉賓,最後卻未能成事。
早前簡淑兒對外透露會做《聲夢傳奇2》的評判加嘉賓,最後卻未能成事。(圖片來源:[email protected]_jessica)

簡淑兒被指女大十八變

簡淑兒入行以來一直被指有變臉疑雲,本刊曾獲得一批2012年香港小姐競選官方照,當年簡淑兒20強不入,一早做咗炮灰。係同屆黃心穎、朱千雪、湯洛雯等太高質,還是簡淑兒方面、細眼、扁鼻實力差太遠?雖然話女大十八變啫,點解事隔多年冇人話心穎BB同千雪BB唔同晒樣嘅?又點解可以變變吓變咗撞埋Baby樣呢?

簡淑兒選港姐照
簡淑兒選港姐照(圖片來源:TVB)
簡淑兒選港姐照
簡淑兒當年參選港姐時,三圍為32B、24、35。(圖片來源:TVB)

簡淑兒解釋:以前只係黑同肥

事隔10年,簡淑兒已面目全非,愈大愈靚,她曾經解釋係當初官方妝頭出事,又曾自post在2011年回流前美國留學舊照,自嘲曾經又肥又黑、再自嘲EQ差、話傳媒專揀妝頭出事的相片對比,水蛇春咁長hashtags,曲線自辯係女大十八變唔係整容囉!

簡淑兒 簡淑兒曾貼出在美國留學時的舊照,自嘲以前又肥又黑。
簡淑兒曾貼出在美國留學時的舊照,自嘲以前又肥又黑。(圖片來源:[email protected]_jessica)
簡淑兒 腰果眼加心形嘴,現時的簡淑兒已變身成宅男女神。
腰果眼加心形嘴,現時的簡淑兒已變身成宅男女神。(圖片來源:[email protected]_jessica)

相關文章:33歲簡淑兒入行10年終極回應整容傳聞:連阿媽都唔認得嗰個係我

唔開心10年前舊照經常被翻炒

簡淑兒又講到在無綫10年最不開心的事,原來係因為一張相而起,她好嬲又好笑地說:「依家每一次睇關於我嘅報道,都會有一張好核突嘅相喺隔離,哈哈哈!我媽咪話有一次睇報紙,見到我張相隔籬有個女人,佢唔認得嗰個係我囉!」

簡淑兒選港姐照
就係呢張簡淑兒選港姐時嘅官方舊相,經常被傳媒翻炒。(圖片來源:tvb.com)
簡淑兒 簡淑兒話連佢阿媽都唔認得佢以前個樣!
簡淑兒話連佢阿媽都唔認得佢以前個樣!(圖片來源:《月傾會》圖片)

重溫簡淑兒10年進化史

12年:面型尖咗,個鼻直咗,不過本來輪廓仲喺度,當年仲有少少似張慧儀。

簡淑兒 2012年時的簡淑兒。
2012年入無綫做主持時的簡淑兒。(圖片來源:[email protected]_jessica)
簡淑兒 有少少似張慧儀。
有少少似張慧儀。(圖片來源:[email protected]_jessica)

13年:明顯下巴更尖,鼻型筆直,對眼都比選港姐時圓咗又深咗。

簡淑兒 2013年時的簡淑兒。
2013年時的簡淑兒。(圖片來源:微博@簡淑兒Jessica)

14年:多咗大眼仔美化對眼,不過明顯雙眼又大又圓,已見腰果眼初型。

簡淑兒 2014年時的簡淑兒。
2014年時的簡淑兒。(圖片來源:微博@簡淑兒Jessica)
簡淑兒 已見腰果眼初型。
已見腰果眼初型。(圖片來源:[email protected]_jessica)

16年:間尺鼻成型、嘴唇突然飽滿,角度突登低抄,其實拍埋一齊邊個係Baby,邊個係簡淑兒已經好難分!

簡淑兒 2016年時的簡淑兒。
2016年時的簡淑兒。(圖片來源:微博@簡淑兒Jessica)

16年:進化成功再加埋全新化妝,簡淑兒連pose表情都有意無意以Baby為藍本,正式變身成為新一代女神。

簡淑兒 愈來愈似Angelababy。
愈來愈似Angelababy。(圖片來源:[email protected]_jessica)
簡淑兒 有對腰果眼加間尺鼻。
有對腰果眼加間尺鼻。(圖片來源:微博@簡淑兒Jessica)
簡淑兒 少女味十足。
少女味十足。(圖片來源:微博@簡淑兒Jessica)

17-18年:新一代女神地位奠定,腰果眼笑臉已成招牌,整體樣貌都無咩改變,最多都係齊陰髮型有時會變吓。

簡淑兒 2017年開始,簡淑兒個樣已再無咩變化。
2017年開始,簡淑兒個樣已再無咩變化。(圖片來源:[email protected]_jessica)
簡淑兒 最多會變吓個髮型。
最多會變吓個髮型。(圖片來源:新傳媒照片庫)
簡淑兒 2018年《平安谷之詭谷傳說》演淼淼。
2018年《平安谷之詭谷傳說》演淼淼。(圖片來源:《平安谷之詭谷傳說》截圖)
簡淑兒 同年《波士早晨》演秘書仔Hanna。
同年《波士早晨》演秘書仔Hanna。(圖片來源:《波士早晨》劇照)
簡淑兒 現在的簡淑兒,外貌冇再進化,但身形就不斷改善,狂操腹肌。
現在的簡淑兒,外貌冇再進化,但身形就不斷改善,狂操腹肌。(圖片來源:[email protected]_jessica)

常見問題

世界盃熱播中,電視台劇集方面有咩特別安排?

IFA卡塔爾世界盃足球賽於11月舉行,每天都有隊伍晉級,分組賽中勝出者分別為…即看世界盃2022賽果一覽;想知道每天世界盃賽事賽果及各個小組積分表、出線走勢,按此看世界盃分組賽積分表;如想知道世界盃外圍賽五大洲各出線國家隊伍的戰績及積分榜,按此看世界盃2022外圍賽詳情;各個國家除了競逐冠軍錦標外,每國球員也同時爭取個人榮譽及獎項,按此看世界盃神射手及助攻王排行榜。而電視台劇集方面,TVB台慶檔劇集陣容強勁,包括:晚上8:30黃宗澤蔡思貝主演嘅《法證先鋒V》,按此看劇集&角色介紹;到9:30播放《鐵拳》班底拍攝嘅《超能使者》,按此看劇集&角色介紹;而ViuTV熱播中嘅原創劇《繩角》即將進入結局周⋯⋯按此看大結局劇情劇透

聖誕快將來臨,而2022到2023演唱會更是多鑼鑼,有咩搶飛攻略?

一年一度的聖誕節又到啦!今年聖誕各個商場都有各式各樣的聖誕擺設,小編為你整合多個聖誕好去處2022聖誕餐廳推介,與親朋戚友一同品嘗聖誕大餐。而交換禮物更是每年聖誕必備環節,不同價位的實用聖誕禮物推薦,定有一款啱你心意!而隨著疫情過去,有不少歌手宣布舉辦演唱會,例如:MC張天賦演唱會(12月20日公開發售)Westlife演唱會(12月1日公開發售)、許廷鏗演唱會(12月2日公開發售),更有Twins演唱會鄭秀文演唱會Clockenflap;喜歡K-pop的你亦有福了,因不少韓國天團更宣布有巡迴演唱會香港站,即睇:AOMG香港演唱會,5大人氣歌手大唱Hip Hop騷(12月5日公開發售)、MAMAMOO演唱會!小編為你整合了優先購票日期、公開售票日期、門票價錢、座位表等,想搶飛粉絲必定要留意!

撰文:東方新地圖片來源:[email protected]_jessica、TVB、新傳媒照片庫、微博@簡淑兒Jessica、《平安谷之詭谷傳說》截圖、《波士早晨》劇照

最新吃喝玩樂資訊