高海寧
高海寧

童時愛上你|高海寧當眾落妝素顏示人? 重溫北上被醫護曝光村姑真面目

影視娛樂

廣告

在無綫新劇《童時愛上你》擔正做女一的高海寧,首集霸氣出場,最大亮點非高海寧素顏上陣莫屬,雖然在劇中當眾落妝話係素顏,不過其實都素唔晒。35歲的高海寧年初跟隨王祖藍北上開工,抵達上海後要隔離21日。有負責在隔離酒店做檢測的醫護人員,竟然將同素顏高Ling的合照放上社交網,間接出賣女神真面目,咁先係真正素顏!

高海寧 高Ling飾演嘅Amanda首集一登場就霸氣外露,下屬一遲到就畀警告信,相當惡死。
高Ling飾演嘅Amanda首集一登場就霸氣外露,下屬一遲到就畀警告信,相當惡死。(圖片來源:無綫提供)

高海寧霸氣外露

無綫新劇《童時愛上你》首播,飾演女強人雷紫彤(Amanda)的高海寧成為焦點,霸氣外露。高海寧在工作上表現硬朗、咄咄逼人,試過因下屬開會遲到直接發警告信,相當不近人情,對著野心勃勃的哥哥雷德信(袁文傑飾),高海寧亦從不處於下風,因為公司生意被迫陪客食飯,面對客人企圖不軌,高海寧向對方潑紅酒反擊之餘,更用高踭鞋踩到對方骨折!

高海寧 飾演商查禮嘅陳展鵬食兩家茶禮之餘,同時又對高Ling流露出傾慕之情,到底咩葫蘆賣咩藥。
飾演商查禮嘅陳展鵬食兩家茶禮之餘,同時又對高Ling流露出傾慕之情,到底咩葫蘆賣咩藥。(圖片來源:無綫提供)
高海寧 高海寧飾演女強人。
高海寧飾演女強人。(圖片來源:無綫提供)

高海寧當眾落妝

首集劇情講高海寧為了邀得人氣化妝界KOL「Ding哥」丁宥迎(張振朗飾)合作,不惜落妝展現「真面目」,讓張振朗大顯身手。話就話係素顏,其實只係好淡妝,都唔及之前北上隔離做檢疫時被工作人員公開的真面目素顏。

高海寧 張振朗出手為高Ling化妝。
張振朗出手為高Ling化妝。(圖片來源:無綫提供)
高海寧 高Ling當眾落妝。
高Ling當眾落妝。(圖片來源:無綫提供)

最緊要冇頸紋

現年35歲的高海寧為劇集素顏大晒少女肌,皮膚狀態好,看上去減齡不少。向來護膚有道的高Ling,曾拍片與網友分享如何「七步護膚」養成少女肌,她指自己年過30歲後便非常看重抗氧化和抗衰老,並對頸部的護理尤其緊張,因為頸紋最易顯老。

高海寧 高Ling素顏上陣大晒少女肌,皮膚狀態勁好,令人羨慕。
高Ling素顏上陣大晒少女肌,皮膚狀態勁好,令人羨慕。(圖片來源:無綫提供)
高海寧 其實高Ling並非完全素顏。
其實高Ling並非完全素顏。(圖片來源:無綫提供)
高海寧 高Ling向來護膚有道,仲曾經拍片教大家點樣保養皮膚。
高Ling向來護膚有道,仲曾經拍片教大家點樣保養皮膚。(圖片來源:無綫提供)

醫護人員分享合照上網 素顏真面目曝光

有無綫咪神之稱的高海寧(高Ling)身材一向出眾,絕對稱得上是性感尤物,她又不時會在社交網派福利,深得一班宅男粉絲愛戴,不過之前網上流出一張高Ling的素顏照卻嚇壞不少網民!高Ling早前跟隨王祖藍北上開工,當抵達上海後要接受隔離21日,連農曆新年亦要留在酒店房度歲。

無綫咪神高海寧早前隨王祖藍北上開工,抵達上海後在酒店隔離21日。
無綫咪神高海寧早前隨王祖藍北上開工,抵達上海後要在酒店隔離21日。(圖片來源:[email protected]
高海寧 高Ling被醫護人員出賣真面目。
高Ling慘被醫護人員出賣真面目。(圖片來源:小紅書@Jenny_wong618)

冧醫護你是「做核酸最溫柔的!」

由於近年高Ling在內地人氣漸高,在隔離時有負責為她做檢測的醫護人員,將二人在酒店房門外的合照放上社交網,並留言:「同事對她說很喜歡她的時候,她有點驚訝說『你們認識我嗎?』就是很謙虛那種感覺,我有那麼紅嗎的意思,她人好nice,我要求合照也是欣然答應,真的好開心!然後她說我是她來上海以來做核酸最溫柔的!」但眼見相中的高Ling戴上大框眼鏡零妝上陣,顏值大大跌watt之餘,更慘被網民嘲笑是「村姑代表」。

高海寧 高Ling似在酒店啱啱瞓醒。
高Ling亦有在IG分享在隔離酒店的近照。(圖片來源:[email protected]

出關後跟祖藍搵食

高Ling早前與王浩信、張振朗以及吳沚默跟隨王祖藍到上海交流,眾人於酒店接受完隔離後,近日終於全員出關,而近年移居上海的王祖藍更一盡地主之誼,帶大家歎美食,其中高Ling早已表示預先做定運動,減定肥等食大餐。而祖藍亦於社交網晒大合照,並留言道:「上海女婿帶大家感受一下上海年味。」

高海寧 高Ling早前與王浩信、張振朗跟隨王祖藍到上海交流。
高Ling早前與王浩信、張振朗跟隨王祖藍到上海交流。(圖片來源:[email protected]王祖藍)
高海寧 高Ling出關後即與王祖藍、王浩信、張振朗及吳沚默四出搵食。
高Ling出關後即與王祖藍、王浩信、張振朗及吳沚默四出搵食。(圖片來源:[email protected]王祖藍)
高海寧 近年移居上海的王祖藍更一盡地主之誼,帶大家歎美食。
近年移居上海的王祖藍更一盡地主之誼,帶大家歎美食。(圖片來源:[email protected]王祖藍)
高海寧睇見成枱餸都好興奮。
高海寧睇見成枱餸都好興奮。(圖片來源:[email protected]王祖藍)

初試大陸劇《三十而已》客串兩集勁搶戲

前年高海寧首次拍內地劇《三十而已》,雖然只是客串兩集,但劇中演被未婚夫背叛角色的她,一場掌摑小三戲份,正印氣場拿捏到位,演技令人刮目相看,獲網民激讚演出超班,令她成功在內地起步。

近年積極擴闊戲路的高海寧,在兩個月內連續有四套劇見街,氣勢一時無兩。在《殺手》演清道夫,造型精心設計。
近年積極擴闊戲路的高海寧,前年試過連續有四套劇見街,氣勢一時無兩。在《殺手》演屍體清道夫,造型精心設計。(圖片來源:TVB.com)
高海寧 在《迷網》擔演女一,因老公黃祥興出軌受盡情傷的高Ling演技大爆發。
在《迷網》擔演女一,因老公黃祥興出軌受盡情傷的高Ling演技大爆發。
高海寧 在《反黑路人甲》色誘王浩信。
在《反黑路人甲》色誘王浩信。
高海寧 雖然在內地劇《三十而已》只客串兩集,不過高Ling演被男友背叛的角色超到位,掌摑小三一幕演技受網民激讚。
雖然在內地劇《三十而已》只客串兩集,不過高Ling演被男友背叛的角色超到位,掌摑小三一幕演技受網民激讚。

據知情者透露:「喺《三十而已》高Ling只係得兩集戲,話晒有咗知名度,好多藝人會嫌戲份少唔肯客串,但高Ling好信任公司,從來都唔揀嘢做,最初接到角色,知道內容涉及正印同小三開火,佢亦冇話怕劇情敏感諸多扭擰,一切聽從公司安排,亦因為珍惜機會,今次終於冇白費心機,佢一出場已經搶晒戲,演出好多人談論,唔少內地網民大讚佢做得好,客串都有咁好反應,連佢自己都預計唔到!」

高海寧2008年前選港姐

南京姑娘高海寧今年35歲,參選2008年港姐競選入行,同屆冠軍係張舒雅、亞軍陳倩揚、季軍馬賽;由於身材實在太突出,高Ling入圍不久已經備受關注,並被外間視為大熱。最後高Ling三甲不入,不過隨即成為無綫旗下藝人,踏入娛樂圈。

高海寧 2008年港姐競選入行,同屆冠軍係張舒雅、亞軍陳倩揚、季軍馬賽
2008年港姐競選入行,同屆冠軍係張舒雅、亞軍陳倩揚、季軍馬賽(圖片來源:東方新地)

「象鼻頂胸」超經典

既然身材係最大賣點,高海寧當然唔會吝嗇,次次見人都谷到盡,2009年時高Ling去泰國拍攝《美女廚房》特別版,著住低胸吊帶背心的高Ling被象鼻夾起,洶湧上圍即「奪衫而出」,非常誇張,堪稱經典!

高海寧被象鼻夾起,洶湧上圍即「奪衫而出」
高海寧被象鼻夾起,洶湧上圍即「奪衫而出」

高海寧出道後幾乎與「咪神」、「性感女神」劃上等號,無論出席活動、拍戲拍劇集還是綜藝節目都定必性感示人,大家亦清一色將焦點集中在其身材上。

高海寧嚇人真面目曝光 醫護出賣上海隔離素顏照

高海寧:封胸有得有失

高海寧近年開始漸漸收起性感,佢希望大家唔好過份注重係佢身材上面而忽略佢演出嘅努力,雖然「封胸」導致佢少咗工作機會,但係佢就話唔介意有一段時間可能會失去一啲job或者角色,因為唔跨過,永遠都唔會有進一步嘅路、行得再遠啲。

高海寧 「之前我好多角色都係客串小三、狐狸精,監製同我講佢睇我嘅飲食節目,見到我講起婆婆嘅一段說話,feel到我內心有其他嘢可以畀人發掘,所以願意畀機會我。」
「之前我好多角色都係客串小三、狐狸精,監製同我講佢睇我嘅飲食節目,見到我講起婆婆嘅一段說話,feel到我內心有其他嘢可以畀人發掘,所以願意畀機會我。」(圖片來源:東方新地)

雖然高海寧唔係話包到實晒,久唔久都輕輕晒身材,不過相比以前已經保守咗好多啦!

撰文:東方新地圖片來源:[email protected]、小紅書@Jenny_wong618、[email protected]王祖藍

最新吃喝玩樂資訊