福祿壽訓練學院｜王祖藍完美詮釋經典角色 微辣前成員扮火雞姐參賽

微辣前成員Sofia扮火雞姐

在首集「海選 24 強」中，3 位導師各有 8 次揀心水選手機會，首集的高質選手其實相當多，微辣前成員Sofia亦有份參加，扮火雞姐後再落妝示人，深得幾位福祿壽歡心，最後加入王祖藍隊成為隊員。

除了有還原度勁高的郭富城、黃家駒、林峯、羅志祥及龍婷，還有爆笑版張國榮、青春版 Lady Gaga、泥漿版高海寧、有多年演出經驗的「舞」林高手，以及「扮聲王」。其中一名男參賽者陳柏曦，除了顏值指數直逼「3 分 1 個張智霖」，扮聲亦相當出色，先後一人扮勻劉德華、林峯、張學友、譚詠麟、黎明、郭富城等，更獲祖藍激讚「佢直頭係 xx 李思捷！」期待值爆燈。雖然精英雲集，可惜思捷卻連環「中大伏」，不斷揀中「最惡搞零潛質」入圍者，飽受祖藍及祥師兄嘲笑的同時，還多番驚現嚇到口都合唔埋的搞笑「天然呆」表情，甚至一度激氣至追打祖藍，場面爆笑。

Sofia（麥嘉欣）娛樂事業照撈到風生水起

26歲的Sofia（麥嘉欣）是出名的7國混血美女，更是2017年國際小姐的澳門代表，並於2019年加入微辣。而「阿晶事件」對Sofia視乎零影響，娛樂事業照撈到風生水起。Sofia在去年中秋節時更獲安排上央視的中秋晚會唱歌，事業發展十分強勁。

首集的「既驚嚇又驚喜」選手為數不少，最經典的有「比卡超走音王」、「無厘頭假髮男」及「醬爆亂舞王」，其中「比卡超走音王」不但走音無極限，更斗膽當眾向李思捷 Say No！至於「醬爆亂舞王」則搞笑肢體潛能爆燈，嚇到思捷一度唔識反應。