福祿壽訓練學院｜李亞男與囡囡觀看表演 爆笑轉變由撐場變踩場

昨晚表演共有四大亮點，第一亮點，是與彭建豪扮足 20 年天王的三位好拍檔：嘉傑（黎明模仿者）、楊彥偉（張學友模仿者）及梁德華（劉德華模仿者），網民認為其餘三人與本尊亦有一定相似度，並希望另外三人將來有機會可與彭建豪同台表演。第二亮點，是晒肌跳唱《第四晚心情》的 Alan，Alan 的火辣演出備受注意，不少網民大讚靚仔之餘，更認為 Alan 值得更多機會：「應該力捧佢」，又直指Alan 輸得唔抵。第三亮點，同樣發生在《第四晚心情》表演上，事緣 Alan 跳唱時，有網民指不太 Ok 他咪嘴兼播郭富城原唱墊底；豈料一切只是祖藍巧妙佈局，找來隊中扮聲能力極高的湯卓堅為 Alan 幕後助攻代唱，結果成功出位贏盡正評，不少網民得悉真相後大表愕然：「我仲以為係原唱」、「真係似到分唔到」。麥嘉欣婚紗 Look 玩浪漫搶 Fo

第四大亮點，則是為扮演《天若有情》劉德華的陳柏曦擔任助演的麥嘉欣，被公認是「最美女學員」的嘉欣，這次再以新 Image-婚紗 Look 站台，再度發放新鮮感之餘，演出期間更配合劇情流下真眼淚，頗具潛質；而陳柏曦騎著電單車出場的形式亦相當有型，加上某些角度堅似華仔，難怪最終以三分險勝有「元朗劉德華」之稱的蔡景行，就連思捷亦正評陳柏曦謂：「真係有華 Dee 九十年代手勢，加埋嘉欣，靚仔靚女，好 Romantic，正嘢。」至於與思捷、及五位「龍蝦老婆」Part 住上演搞笑版《鹿鼎記》的行仔，則獲專業評審伍仲衡大讚激似 80 年代劉德華：「我覺得你真係好似《獵鷹》年代嘅劉德華，未開燈我直情以為係劉德華。」

昨晚一集最特別之處，則是祖藍太太李亞男帶同大女 Gabby 及細女 Hayley 撐爸爸

場睇 show，李亞男於陳柏曦 VS 蔡景行完畢後，接受「扮工室助理」郭珮文（Juliana）訪問時，笑指 Gabby 並不支持爸爸隊伍，李亞男說：「我頭先都問個女鍾意邊個哥哥靚仔啲，佢就投咗長頭髮嗰個（蔡景行）。」李亞男一臉尷尬及無奈，配以 Gabby 全程咬手指的「置身事外」樣，原本畫面已相當爆笑，而當鏡頭影著祖藍時，他先是「靜止畫面」，之後再幽默感爆發謂：「佢嘅形體動作做得好好，你有冇見到佢（Gabby）做緊手指拗出唔拗入嘅動作。」引發全場爆笑，之後祖藍還順勢為節目賣口乖：「即係證明呢個比賽係好公平。」想知道更多相關精彩資訊，敬請留意 www.tvb.com