真係唔好笑|TVB「食腦三子」搵女神上陣打救節目 傳被抽起唔播一年終於面世
《真係唔好笑》被阮兆祥食字爛Gag攻陷
第一集《真係唔好笑》嘉賓是阮兆祥、丁子朗和游嘉欣,分隊名單分別是「日隊夜隊」的阮兆祥、丁子朗、游嘉欣、彭慧中和奶仔,以及「最好唔好比人隊」的麥美恩、何廣沛、馮盈盈、羅毓儀(Yuki)和郭子豪。是集首個遊戲「笑話Falling Down」玩法是每隊派一個成員講笑話,另外一隊的成員則站在機關上,只要忍不住笑就會跌落機關直踩石春墊。
![真係唔好笑 節目由方紹聰左起)、彭慧中、麥美恩、何廣沛、馮盈盈、郭子豪及羅毓儀擔任主持。](https://imgs.orientalsunday.hk/wp-content/uploads/2023/03/a02_13091844186426624f652f0-1024x732.jpg)
羅毓儀笑點極低成「老鼠屎」
這個回合的「老鼠屎」絕對是游嘉欣和羅毓儀,兩位笑點極低經常忍不住爆笑。擅長食字爛Gag的阮兆祥表演魔術,他拿着紙巾笑說:「信唔信我一秒鐘就可以將呢張紙變成動物?」說畢他便將紙巾撕掉(意指獅子),當中只有Yuki對小學雞食字爛Gag忍俊不禁。
![真係唔好笑 阮兆祥又搞食字爛Gag。](https://imgs.orientalsunday.hk/wp-content/uploads/2023/03/a07_88070416464266256e4327-1024x576.jpg)
馮盈盈慘遭兜頭笠絲襪靚樣淪陷
另一環節「笑到噴血」,玩法是兩隊各挑對方一名隊員進行化妝大改造,五分鐘限定時間之後,同隊成員要在擋板後含住「血水」忍笑,只要噴出「血水」即視為失敗,忍笑較多的一組勝出。當中兩位靚女馮盈盈及游嘉欣慘成糟質對象,身為港姐冠軍的盈盈被兜頭笠絲襪、整白成塊面、黐上「曱甴腳」眼睫毛及畫上大Red唇,靚樣崩壞相當可憐!
![真係唔好笑 馮盈盈女神崩壞,靚樣慘被糟質憐!](https://imgs.orientalsunday.hk/wp-content/uploads/2023/03/a23_3300326306426625fb2360-1024x576.jpg)
游嘉欣「黑化」變人肉保齡球
至於深受宅男喜愛的游游,則慘遭畫黑成塊面兼笠上黑色泳帽,之後臉上再被畫上幾個白點,游游「黑化」後似足人肉保齡球,喜感十足。兩位靚女被弄至面目全非,造型爆笑,但有一隊竟然能夠全員忍住不笑,究竟邊一隊忍笑功力咁犀利?
![真係唔好笑 游嘉欣就被油黑塊面,變咗人肉保齡球。](https://imgs.orientalsunday.hk/wp-content/uploads/2023/03/a26_170760326564266261ca4d5-1024x576.jpg)
仲有其他遊戲:
去年4月《真係唔好笑》傳因效果差遭曾志偉抽起唔播
「食腦三子」何廣沛、方紹聰及郭子豪在前年開設YouTube Channel「食腦BrainStorming」,有指無綫有感三子用心經營,覺得其Channel「有得做」,可以力捧成為「TVB試當真」。去年有傳無綫科水千萬,讓三子開拍新節目《真係唔好笑》,不過曾志偉看畢節目首集後有感「真係唔好笑」,欲抽起不播,千萬製作費恐怕倒水落海。
![真係唔好笑 曾志偉 何廣沛、方紹聰奶仔)及郭子豪在去年創立YouTube channel「食腦BrainStorming」。](https://imgs.orientalsunday.hk/wp-content/uploads/2022/04/-2022-04-09-11.45.03_599757056251036c53ffb-1024x577.jpg)
《真係唔好笑》曾志偉科水千萬拍港版Running Man
曾志偉自前年入主無綫做高層主理綜藝,銳意發展綜藝節目,去年無綫內部傳出食腦三子獲公司科水過千萬,拍攝新節目《真係唔好笑》,以打造港版《Running Man》為目標,以每集一百萬成本計算,13集的節目花費高達1300萬的製作成本,每次出動近50名工作人員,除了食腦三子做主持,藝人麥美恩、馮盈盈、彭慧中及羅毓儀也是主持之一,50人的拍攝團隊,比起台慶更大陣仗!
![真係唔好笑 有指曾志偉決定科水比食腦三子,打造港版Running Man。](https://imgs.orientalsunday.hk/wp-content/uploads/2022/04/201010252121036052970333_87499469662359e3abab51-683x1024_284510261625104abe703d-683x1024.jpg)
傳何廣沛製作人上身 惹麥美恩不滿
不過節目拍攝期間,有傳被無綫高層視為「TVB試當真」之一的何廣沛在拍攝時製作人上身,擔當指揮角色,又要求製作組拍攝三子「吹水」的片段,不過效果未如理想,唔好笑又悶,阻礙到真正拍攝,惹來主持人之一的麥美恩不滿,更開咪爆Seed叫先拍攝遊戲部分,而何廣沛則「懶懶閒」沒有理會對方建議。
![真係唔好笑 有指麥美恩對何廣沛製作人上身感到不滿。](https://imgs.orientalsunday.hk/wp-content/uploads/2023/03/unknown_338193218_2997844943843812_7259259059081462872_n_136094258864265d57b0342-821x1024.jpg)
網民:呢個傳聞可能好笑過個節目
去年傳聞出現後,好多網民都表示唔睇好TVB這個新綜藝節目,認為TVB仍保留一貫「老土特色」:「其實我唔明點解CCTVB做親咩綜藝節目,班人都一定要尖叫大嗌?煩到死!」「連個節目名都好老土」、「TBB咁多錢燒」、「呢3條友算數啦,真係以為自己好好笑咩」、「最好笑係曾志偉睇完覺得唔好笑」、「呢段新聞最好笑」,也有網民認為《Running man》本來都已經係好多年前的節目,依家先學人拍太遲。
![曾志偉 真係唔好笑](https://imgs.nmplus.hk/wp-content/uploads/2022/04/-2022-04-08-4.02.52_44311843624fec9310837.jpg)
睇埋《真係唔好笑》預告:
唔俾笑嘅遊戲節目究竟好唔好笑?
將來還有什麼演唱會值得留意?
有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!