盧宛茵 後輩
盧宛茵 後輩

「TVB御用阿媽」盧宛茵爆演戲難忘事 曾遇冇料到後輩教戲

影視娛樂

廣告

有「TVB御用阿媽」之稱的70歲盧宛茵(Madam Lo)演出作品無數,近年已減產只偶然客串《愛回家》。近日與好友吳浣儀一齊接受幕後人楊紹鴻YouTube頻道的《小鴻吹水站》講起演戲心得同難忘事,盧宛茵大爆曾經有後輩串爆叫自己做戲!

0
盧宛茵近年已減產,只偶然客串《愛回家》飾演「崔Auntie 」。(圖片來源:TVB)

70歲盧宛茵自爆遭後輩串爆教戲

盧宛茵和吳浣儀在訪問中提及到認為現時電視圈青黃不接,盧宛茵表示覺得以前有「戲劇大師」鍾景輝教做戲,自己亦因此獲益良多,但現在部分有份拍劇的藝人都不是演員出身:「而家唔係嘅,『好聲音』唱吓歌又話『得喇,出嚟拍啦』,賣吓廣告又話拍得!」

盧宛茵隨後更自爆曾遭後輩串爆教戲:「你已經乜都唔識一舊雲就走嚟做,佢仲要教人喎,哇!試過有人叫我『呢句對白應該咁樣講喎』,我望吓佢,我又唔答,我照我自己方法演繹!使乜理佢呀。」

0
盧宛茵自爆遭後輩串爆教戲!(圖片來源:YouTube@Channel Gary Yeung)
0
二人無奈到爆笑。(圖片來源:YouTube@Channel Gary Yeung)

盧宛茵怒插年輕演員未紅先驕:見到都作嘔啊

此外,吳浣儀提及到一班年輕演員經常有大班工作人員陪出入,盧宛茵即刻附和道:「我哋嗰陣拍《季節》碧姐(鄧碧雲)咪都係一個人返嚟,唔通帶6、7個人啊?傻嘅。我出外景見到都作嘔啊,一個擔傘、一個遞茶、一個撥扇,哇大佬宜家乜事啊。我覺得此風不可長,我哋以前邊有咁。(發哥都唔會啦)咪就係!」

盧宛茵 後輩
盧宛茵多年來出演多套劇集,多數以媽媽角色登場的她獲封為「TVB御用阿媽」。(圖片來源:《智能愛人》劇照)

盧宛茵1句串爆大台主角

吳浣儀在訪問尾聲亦有為其他後輩演員講好說話,指自己在大台以外遇到的年輕演員都很有禮貌,不會黑面,亦非常願意學習。主持人楊紹鴻就分析指,認為大台以外的演員可能因為需要拼搏、沒有人「包庇」自己,所以會學識尊重前輩。盧宛茵聽畢即刻1句串爆指:「哦,明白明白。姐係『你理得我做得好唔好姐,我下一套又係豬腳(主角)」,獲網民大讚又型又夠霸氣。

0
盧宛茵自己講完都忍唔住笑。(圖片來源:YouTube@Channel Gary Yeung)

一齊睇片:

「TVB御用阿媽」盧宛茵曾入紙申請健力士世界記錄

盧宛茵(Madam Lo)入行五十多年,有「御用阿媽」之稱的她曾飾演過70多個男藝人嘅阿媽,就連古天樂都做過佢個仔。盧宛茵前年更在活動上宣布已入紙申請《健力士世界紀錄》,申請劇集中飾演最多藝人阿媽創舉。盧宛茵在2021年無綫劇集《智能愛人》中,更需要飾演現實中的只係細自己8年的蔣志光媽媽,非常搞笑。

盧宛茵 後輩
盧宛茵在《智能愛人》中飾演只比自己小8歲的歲蔣志光母親。(圖片來源:智能愛人圖片)

《戇夫成龍》、《阿旺新傳》做郭晉安阿媽

盧宛茵喺80年代尾復出之後,就一直開始做「媽媽級」嘅角色。2002年嘅《戇夫成龍》同2005年嘅《阿旺新傳》,盧宛茵都係飾演阿旺嘅媽媽!實際上盧宛茵係1953年出世,今年70歲,比起今年59歲嘅郭晉安,只係大11年⋯⋯ 差距唔算好誇張,但係都係生唔出咁大個仔啦!

盧宛茵 後輩
(圖片來源:《阿旺新傳》劇照)

《鐵探》演活腦退化症慈母

Madam Lo之前在不少TVB劇集中,都是飾演媽媽或奶奶角色的常見人物!在三年前的大台重頭劇《鐵探》中,她飾演與患有腦退化症的嫻姐,同在獄中的兒子Bingo(姜皓文飾)相認一幕最為深刻,亦感動不少觀眾!

盧宛茵 後輩
《鐵探》中,Madam Lo飾演姜皓文的媽媽。(圖片來源:無綫影片截圖)
盧宛茵 後輩
(圖片來源:無綫影片截圖)
盧宛茵 後輩
(圖片來源:無綫影片截圖)

《缺宅男女》演慈母

唔少人話盧宛茵最出色一套劇係2012年《缺宅男女》演廿四孝慈母張美玲,28集猝死一幕令唔少觀眾感動落淚。除了演媽咪,盧宛茵演惡外母、惡奶奶也一樣咁掂,好似《BB來了》演活刻薄惡奶奶,因為性格刻薄難相處,間接令徐榮同前妻離婚,又令Ali同黎諾懿成日因為佢而嘈交!

盧宛茵 後輩
(圖片來源:新傳媒資料庫)
盧宛茵 後輩
(圖片來源:無綫影片截圖)
0
(圖片來源:無綫影片截圖)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

圖片來源:無綫影片截圖、新傳媒資料庫、YouTube@Channel Gary Yeung資料或影片來源:原文刊於東方新地