白色強人2|首集驚現李佳芯聲演出「回歸」有望? 馬國明對白似為上輯補完
廣告
由馬國明、陳豪、郭晉安和唐詩詠等主演的無綫劇《白色強人2》近日在內地網站率先播出,要免費睇就要等到7月25日在無綫播映。當中最令人關注的就是上輯飾演「Kennis」的李佳芯,因被放入大雪櫃而出局,然而今輯第一集竟有劇情交代其角色,甚至有她的聲演讀白,令觀眾誤以為李佳芯真的回歸劇組!
李佳芯上集結局生死未卜留伏線
《白色強人》結局講到Kennis(李佳芯 飾)成為無國界醫生,被大批持槍反政府軍衝入救護營地,她更被軍人槍指頭要脅交出敵軍軍人,李佳芯以堅定語氣及眼神,無懼槍火用英文說:「I am a doctor.」最後,鏡頭轉向救護營外,就傳出槍聲,生死未卜,為續集留下伏線。

李佳芯出事前錄音曝光感人催淚
《白色強人II》一開始,就交代Kennis消失足足兩年,好姊妹「Zoe」唐詩詠為等她返港,一直不肯與「唐明」馬國明結婚,馬明問:「冇Kennis做伴娘就唔結婚呀?」唐詩詠堅定地說:「係呀!」馬明接着道:「都兩年啦,中國領事館同嗰邊反政府軍都周旋咗咁耐都冇消息,我知好難接受,但你真係覺得Kennis仲可以返嚟咩?」唐詩詠堅持:「我條伴娘裙係留畀佢㗎嘛,冇佢,其他人唔准着。」馬明問:「咁如果佢真係返唔到嚟?」唐即答:「咁你陰公啦,做寡佬啦!」
畫面一轉,唐詩詠播出李佳芯出事前的錄音:「Zoe,Kennis呀!你知唔知呢我頭先瞓覺發夢嗰陣夢見啲乜嘢呀?我夢到我結婚嗰日着住婚紗走入教堂,仲有一個細佬女幫我做花女,原來嗰個係你同唐明個女嚟㗎!咁即係話,我唔會有事,我仲可以有命走入教堂,我仲可以有命睇住你同唐明結婚生仔,不過你千祈唔好話畀你未來老公聽喎,OK?」,場面催淚感人,亦觀眾以為李佳芯真的已解凍回歸劇集!
李佳芯:冇得演第二輯感可惜
然而李佳芯日前出席活動時否認有份演出,表示自己並無為第二輯錄音,推測劇組是對她在第一輯的對白剪成錄音;對於未能參演第二輯感到可惜,因為上次與大家玩得好開,劇集的故事亦很有意思。

撰文:東方新地圖片來源:TVB、《白色強人II》截圖)