蔡卓妍自製意粉有板有眼 湯怡、陳嘉寶變包點大師!疫境下女星個個變宅女廚神

影視娛樂

廣告

當年最hit電視節目《美女廚房》好睇在咩?之唔係睇一班顏值高人氣高明星美女喺廚房雞手鴨腳貪佢反差大囉!今時今日面對世紀疫症人人屈喺屋企變咗真.廚神,八姨太不禁質疑,如果《美女廚房》再拍第四輯,唔知仲搵唔搵到地獄廚神呢?

原文刊於《東方新地》

蔡卓妍自製意粉有板有眼

一出道迅速走紅一日走幾場同時踩幾套戲,阿 Sa 不時抱怨入行頭十年忙到似場夢未能細味生活。今年初受疫情影響難得有個悠長假期可以做吓宅女,整餅焗包已經係小兒科,學師兄霆鋒玩埋自製意粉,仲有板有眼㖭!

蔡卓妍自製意粉有板有眼 湯怡、陳嘉寶變包點大師!疫境下女星個個變宅女廚神

龔嘉欣自製伯爵茶蛋糕

自稱一向西餐同西式點心唔係自己強項,龔嘉欣近月又上堂又自煮,借埋姊妹陳凱琳嘅蛋糕盤焗蛋糕,今年母親節都係自製伯爵茶蛋糕插埋鮮花送畀媽咪,有心思又有誠意。

蔡卓妍自製意粉有板有眼 湯怡、陳嘉寶變包點大師!疫境下女星個個變宅女廚神

湯怡鑽研埋「包」技

不嬲已經係甜品專家,呢個疫情搞到湯怡鑽研埋「 包 」技亦成為IG 健 身 女 神,邊焗包邊做運動一啲都唔會偷懶,所以焗幾多食幾多身材都唔會走樣。

蔡卓妍自製意粉有板有眼 湯怡、陳嘉寶變包點大師!疫境下女星個個變宅女廚神

陳嘉寶動物造型中式包點似模似樣

雖然結咗婚仲生埋女,不過陳嘉寶外形依然少女味,內心仲保持一顆少女心,幾個月來報讀廚藝班整包又整餅,尤其動物造型中式包點最似模似樣。

蔡卓妍自製意粉有板有眼 湯怡、陳嘉寶變包點大師!疫境下女星個個變宅女廚神

衛詩雅愈簡單愈考功夫

一向興趣多多又識食,衛詩雅本來有個 YouTubeChannel 叫「衛食攻略」教人捐窿捐罅搵好嘢食,月前疫情第三波殺到,冇得堂食索性自己煮,正所謂愈簡單愈考功夫,Michelle 呢味番茄炒蛋一定要試。

蔡卓妍自製意粉有板有眼 湯怡、陳嘉寶變包點大師!疫境下女星個個變宅女廚神

傅嘉莉教人整pizza

曾經專黐大叔生活奢華,近年傅嘉莉憑拍劇入屋生活都變得貼地,疫情期間更愛上煮食,整完靚過餅店嘅蛋撻後,最近又拍片一手一腳從搓麵團開始教人整pizza。

蔡卓妍自製意粉有板有眼 湯怡、陳嘉寶變包點大師!疫境下女星個個變宅女廚神

楊千嬅曾獲鄭中基稱讚娶得過

十幾年前參加 《美女廚房》做女時代嘅千嬅已經煮得兩味,獲舊愛鄭中基當眾稱讚娶得過,婚後做埋媽咪尤其近日工作少留家多,更經常喺IG晒廚藝,仲感染埋囝囝Torres對煮食嘅興趣。

蔡卓妍自製意粉有板有眼 湯怡、陳嘉寶變包點大師!疫境下女星個個變宅女廚神

陳凱琳中菜西餐加甜點

抗疫期間咁啱懷上第二胎,安全起見Grace留家安胎亦大把時間整嘢食,整中菜西餐之餘仲上埋堂學整蛋糕,早前又拜兩個仔嘅契爺黃智賢為師學整400次抹茶同抹茶鬆餅。

蔡卓妍自製意粉有板有眼 湯怡、陳嘉寶變包點大師!疫境下女星個個變宅女廚神

鄧卓殷開YouTube Channel教整麵包

18年 港 姐 亞 軍 鄧 卓殷唔止識煮,仲煮得健康又專業,開埋YouTube Channel教整冇糖冇油冇粉冇蛋嘅麵包、bagel 同蛋糕,就算日日煮日日食都唔怕肥。

蔡卓妍自製意粉有板有眼 湯怡、陳嘉寶變包點大師!疫境下女星個個變宅女廚神

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

資料或影片來源:原文刊於東方新地