玩爆你個腎
玩爆你個腎

玩爆你個腎|Collar被玩謝Ivy、Day爆喊 被人身攻擊Winka一秒扯火

影視娛樂

廣告

由KB(李健宏)主持的網上整蠱節目《情義兩難全之玩爆你個腎》最新一集好大膽,竟然搵來人氣女團Collar作為整蠱對象,仲事先收買了兩位Collar成員以及她們的經理人Wing(戴穎)做「二五女」,結果搞喊Ivy(蘇雅琳)同阿Day(許軼),令Collar全員崩潰,事後Collar小編都話要祝福KB保重身體!

《玩爆你個腎》扮麻煩客戶整蠱Collar

這集《玩爆你個腎》標題係「KB・西人・惡女人・COLLAR 呢舖點樣忍」,裝作邀請Collar拍攝意大利文化節宣傳片,乘機作出大整蠱,其中西人係扮演文化節負責人的真意大利人Marco,惡女人就係指由阿Big扮演Mean爆廣告公司agency。此外仲有真正的廣告導演Heison、剛為Collar拍完寶礦力廣告的攝影師Quinton等扮演製作單位,再加埋一班Collar御用化妝師,實行全方位包圍被整蠱的6位Collar成員Day、Ivy、Candy(王家晴)、Marf(邱彥筒)、Winka(陳泳伽)、SoChing(蘇芷晴),而剩下的兩位成員阿Gao(沈貞巧)同芯駖,就係被KB收買的「二五女」!

Collar 玩爆你個腎 二五女Gao
二五女Gao(圖片來源:[email protected]
Collar 玩爆你個腎 芯駖
芯駖(圖片來源:[email protected]
Collar 玩爆你個腎 經理人Wing同Sum。
經理人Wing同Sum。(圖片來源:[email protected]
Collar 玩爆你個腎 Marco
Marco(圖片來源:[email protected]
Collar 玩爆你個腎 Big
Big(圖片來源:[email protected]

Gao、芯駖估中Winka反應最大

Gao事前話抱住一個好輕鬆愉快嘅心情,因為好緊作就變得好造作,所以要盡量自然,芯駖就話覺得好似做咗虧心事咁,唔係好瞓得著覺。Wing就話自己冇咩Setting,因為驚被發現,所以只能當係平時接Job一樣,唔會特登去加鹽加醋,令件事因為變得更複雜而穿煲。Gao預估Winka反應會最大,因為Winka性格上比較唔會吞聲忍氣,而芯駖亦同樣估係Winka會出聲,因為她認為Winka一向都好care佢哋嘅感受,見佢哋有委屈一定會出聲,此外她又估Marf同樣會出聲,因為她也是一個好care人感受嘅人。而Wing就估Candy,因為覺得她比較敏感,會feel到有啲嘢!

玩爆你個腎 COLLAR八人。
COLLAR八人。(圖片來源:[email protected]

Marf率先被嫌棄紋身

拍攝一開始分為四組,每組都要唸出一句意大利文對白,她們都以為這些是宣傳文化節的對白,不過原來真正意思係:「我哋好蠢好易比人呃」、「我哋平時最鍾意放屁」、「我哋有好嚴重臭狐」等。首先進行拍攝的是Day和Winka,第二組是Candy和Ivy,第三組是Marf和SoChing,第四組就是Gao和芯駖。這時Big就開始對她們提出多種無理要求,包括行出來拉扯Marf,話要用SoChing的手臂去遮掩Marf的紋身,原來「二五女」芯駖早就教路話要有推撞先會令她們覺得難堪。到意大利人Marco出現,4組人更要重拍全部鏡頭。

Collar 玩爆你個腎 KB在幕後操控。
KB在幕後操控。(圖片來源:[email protected]
Collar 玩爆你個腎
(圖片來源:[email protected]
Collar 玩爆你個腎
(圖片來源:[email protected]
Collar 玩爆你個腎 Marf被玩
Marf被玩(圖片來源:[email protected]
Collar 玩爆你個腎 讀出不明意義的意大利文
讀出不明意義的意大利文(圖片來源:[email protected]
Collar 玩爆你個腎 SoChing有啲Feel到有古怪。
SoChing有啲Feel到有古怪。(圖片來源:[email protected]
Collar 玩爆你個腎
(圖片來源:[email protected]
Collar 玩爆你個腎
(圖片來源:[email protected]
Collar 玩爆你個腎
(圖片來源:[email protected]

Ivy被批跳舞唔齊

之後阿Big又先後寸爆阿Day和Candy表情和動作等做得唔啱,令Winka忍不住話:「我依家好燥底!」而聽到阿Big用「前嗰個」、「後面嗰個」、「中間分界嗰個」等稱呼來喝令她們,亦令Candy對隊友表示感到不受尊重。不過重點在後面跳舞一幕,Big特別點出Ivy,要她看著其他七人跳舞,然後批評:「佢哋依家跳得好,係因為冇咗你,你勁甩晒囉!」Wing即刻話佢咁樣好唔respect,Marf亦出聲護航指:「我哋Collar係八個人㗎嘛!」芯駖就表示她們平時會有較多時間排舞。

Collar 玩爆你個腎 Ivy被單獨點出來。
Ivy被單獨點出來。(圖片來源:[email protected]
Collar 玩爆你個腎
(圖片來源:[email protected]
Collar 玩爆你個腎 Marf同Winka都忍唔住出聲。
Marf同Winka都忍唔住出聲。(圖片來源:[email protected]

Ivy被整喊Winka爆Seed

休息時間,KB仲計劃緊後續整蠱步驟時,Ivy已經開始忍唔住喊,Winka亦跟住眼濕濕地狂呻:「我哋做得唔好係可以講嘅,唔齊,再跳,表情唔好可以再拍,OK,但係唔係咁樣抽一個人出嚟話畀我哋知,佢跳得唔好點點點囉!因為我哋做呢件事嘅時候,係冇講過我哋要排舞,仲要係我哋冇一個有鏡嘅地方排舞。」又指阿Big連她們的名字都唔記得,好唔尊重人。之後Day都忍唔住喊,Marf即攬住她作出安撫。

Collar 玩爆你個腎 Ivy同Day都爆喊。
Ivy同Day都爆喊。(圖片來源:[email protected]
Collar 玩爆你個腎 Winka爆Seed。
Winka爆Seed。(圖片來源:[email protected]
Collar 玩爆你個腎 拒絕再拍。
拒絕再拍。(圖片來源:[email protected]

Winka指被人身攻擊

這時「二五女」芯駖趁機開口:「我想問呢個Job,我哋係咪一定要做?我唔稀罕呢啲錢,佢完完全全冇尊重,係侮辱緊我哋,我覺得我做唔到落去。」Winka亦嬲爆說:「我覺得去到一個位係人身攻擊嘅時候,覺得唔好囉,大家都係講道理嘅人,咁大個,唔係話你活得耐啲,食鹽多過你食米,嗰啲所謂道理,你唔係咁講丫嘛!」最後Wing下決定帶領Collar眾成員棄Job走人,這時「客戶」Marco突然和KB一同除衫跳舞,嚇到Winka喊住問佢哋:「做咩嘢呀?」跟著才對她們說出被玩的真相,令Collar全員崩潰,一齊痛打KB。

Collar 玩爆你個腎 KB現身
KB現身(圖片來源:[email protected]
Collar 玩爆你個腎 眾人崩潰。
眾人崩潰。(圖片來源:[email protected]
Collar 玩爆你個腎
(圖片來源:[email protected]
Collar 玩爆你個腎
(圖片來源:[email protected]
Collar 玩爆你個腎 圍住KB打
圍住KB打(圖片來源:[email protected]
Collar 玩爆你個腎 Ivy講到最近正值她自信心好低的時候,成日都會質疑自己,所以被鬧時更加覺得好Hurt。
Ivy講到最近正值她自信心好低的時候,成日都會質疑自己,所以被鬧時更加覺得好Hurt。(圖片來源:[email protected]
Collar 玩爆你個腎 最後大合影
最後大合影(圖片來源:[email protected]

網友擔心KB人身安全

Collar其後在官方IG限時動態中,表示CollarR被爆完從此懷疑人生,並Hashtag「每次開工都問係咪爆腎」、「最好戲其實係IMAGETEAM而不是經理人」、「成就COLLAR夢想」。有不少網友睇完之後都話好擔心KB的人身安全,又對KB話「你大鑊啦」、「睇路呀」等等,連Collar社交網的小編都對KB作出溫馨提示,話:「你一次過玩8個女仔,你無斷氣已經好好。條片出街後,要保重身體!祝福你。」不過Wing就為KB辯護說:「呢個節目贏家係我地幕後團隊同COLLAR,因為有經歷先會更團結,我有被COLLAR每一位感動到。」

玩爆你個腎 COLLAR小編溫提KB。
COLLAR小編溫提KB。(圖片來源:[email protected]_kevinboy)
Collar 玩爆你個腎 阿Wing就為KB辯護。
阿Wing就為KB辯護。(圖片來源:[email protected]

即睇情義兩難全之玩爆你個腎 | 第31回 “KB 西人 惡女人・COLLAR 呢舖點樣忍”

今鋪真係玩得好大!

撰文:東方新地圖片來源:[email protected]資料或影片來源:[email protected]

最新吃喝玩樂資訊