王祖藍回無綫正式履新 帶挈周嘉洛做新劇男主角 廢青安將暫別《愛回家》?
王祖藍回無綫正式履新 帶挈周嘉洛做新劇男主角 廢青安將暫別《愛回家》?

王祖藍回無綫正式履新 帶挈周嘉洛做新劇男主角 廢青安將暫別《愛回家》?

無綫首席創意官王祖藍日前正式履新,協助曾志偉處理綜藝科事務。有指祖藍為專心職務,辭演本身已度期拍攝的新古裝劇,角色將改由周嘉洛頂上,間接帶挈廢青安躍升新劇男主角。

文:東方新地 |圖:周嘉洛IG、王祖藍微博、新傳媒圖庫

周嘉洛
王祖藍正式回無綫履新,帶挈周嘉洛做新劇男主角。

上位做男主角

王祖藍日前正式上任做無綫首席創意官,協助副總經理曾志偉進行綜藝節目改革。其實祖藍年多前已經度好檔期,回巢無綫拍攝新古裝喜劇,對手是出爐視后蔡思貝。不過近日他由於要出任無綫首席創意官一職,希望專注做好管理工作,所以決定辭演,角色將改由周嘉洛頂上,間接帶挈廢青安躍升做新劇男主角。據知周嘉洛將於4月尾暫別《愛‧回家》,預計最快7月才會以廢青安身份再跟大家見面。對於將要暫別《愛·回家》及上位做男主角一事,周嘉洛接受訪問表示暫時未收到確實通知,並說:「我隨心隨緣啦,一切聽從公司指示。」

周嘉洛
王祖藍日前正式上任做無綫首席創意官,協助副總經理曾志偉進行綜藝節目改革。
周嘉洛
祖藍希望專注做好管理工作,所以決定辭演新古裝喜劇。
周嘉洛
周嘉洛獲祖藍帶挈躍升新劇男主角。
周嘉洛
周嘉洛接受訪問表示暫時未收到確實通知,並說:「我隨心隨緣啦,一切聽從公司指示。」
周嘉洛
周嘉洛將於4月尾暫別《愛‧回家》,預計最快7月才會以廢青安身份再跟大家見面。

網上晒十指緊扣相 轉頭上同性友人車

25歲仔周嘉洛曾在兩年前的生日在社交網上載神秘十指緊扣相……唔好咁緊張,其實周嘉洛名草未有主,拖實隻手仔係周媽媽嚟!未有拖拍,出街玩都可以有好兄弟陪嘅,早前喺電視台開完工,周嘉洛匆匆忙忙講住電話,之後出去電視城左望右望,似等人,然後見佢上咗個同性友人的貨Van。

周嘉洛
周嘉洛曾於生日在社交網上載一張被手摸面表現得好冧的照片,惹來無限聯想…… 圖片來源:周嘉洛IG圖片
周嘉洛
周嘉洛再來一張十指緊扣的照片,不過佢留言話隻手係屬於佢親愛的媽媽…… 圖片來源:周嘉洛IG圖片
周嘉洛
周嘉洛在《愛‧回家》做滕麗名兒子,二人私底下感情都好好。
周嘉洛
《愛‧回家》 夠入屋,成功捧出唔少年輕一輩演員。

好兄弟做司機 陪shooping兼送返工

原來男性好友好神心去到電視城門口接埋嘉洛仔一齊走,然後去九龍灣megabox行街、買衫、逛完Ikea再喺Ikea醫埋肚都係兩支公拍住上,買完食飽hea夠,友人又車嘉洛仔返回電視城繼續開工,原來男友人係陪嘉洛攝一攝個空檔,認真唔話得喎!

周嘉洛
男朋友接女朋友收工就見得多,呢日周嘉洛喺電視城收工,玩住電話等男性密友用架貨Van嚟接收工。
周嘉洛
二人去到九龍灣某大商場泊低架車,一齊去行運動品店,友人似係陪周嘉洛去揀衫。
周嘉洛
周嘉洛與男友人下一站係去巨型連鎖家居廣場,行完街又去餐廳揀嘢食醫肚,夾嘢食都傾唔停笑唔停,好好感情。

無綫力棒做馬國明第二 25歲「廢青安」大起底

馬國明外形唔差形象健康,有觀眾緣入晒屋,仲係最佳男友,人又孝順,在無綫小生中馬國明認第二,冇人敢認第一,不過馬明有接班人喇!25歲的周嘉洛在「萬千星輝頒獎禮2019」奪得「最佳男配角」,憑《愛.回家之開心速 遞》「金城安」一角爆冷奪獎,人氣急升行運行到落腳趾尾,雖然劇中角色是典型廢青,現實中的周嘉 洛卻是個有理想的正氣暖男,似足馬明純品正直,同樣實而不華愛母至上,唔同嘅係周嘉洛冇天然呆兼且為人鬼馬多一分調皮,社交人際亦比馬明活躍。被無綫力捧成為馬明第二,真係飲得杯 落,不過千祈唔好似馬明要等足廿年先攞視帝!

周嘉洛
自從升呢做「最佳男配角」,周嘉洛成為《愛.回家之開心速遞》的台柱兼吉祥物。

周嘉洛棄讀大學做TVB小生

周嘉洛自小已對演戲有興趣,學生時期已在香港學校戲劇節得過三次「傑出演員 獎」的他,中三之後曾到澳洲升學,後來選擇回港棄讀大學,15年加入第28期藝員訓練班,畢業後首個正式角色便是《愛·回家之八時入席》的余日潼,不過開始為人認識是在《愛·回家之開心速遞》中飾演的金城安,貼地又搞笑的演繹吸納不少粉絲。金城安「安仔」一角,本來已是劇中金叵羅萬千寵愛,現在戲份被加重日日拍到無停手,劇集一星期播足七日,周嘉洛曝光率高企,成為當旺小生。

周嘉洛
周嘉洛15年考入無綫藝員訓練班, 由大配角做起,憑住鬼馬演技力爭上游,成為歷年來最年輕之「最佳男配角」得獎者。
周嘉洛
拍咗三年《愛.回家之開心速遞》,周嘉洛與劇中演員儼如一家人。
周嘉洛
今次攞獎為劇爭光,令他成為吉祥物,早前在宣傳活動上切蛋糕慶祝,劇中阿姨呂慧儀及蘇韻姿盡表愛錫之情。
周嘉洛
周嘉洛甚得劇中公公劉丹歡心,攞獎後攬實丹爺好激動,今年首年派利是的他笑說:「自己唔知應唔應該派利是,多得丹爺(劉丹)提醒我,佢話攞咗獎冇理由唔派利是,自己第一年派利是,都係心意。」

高層點名要力捧 被讚乖仔似馬明

劇中的周嘉洛被定型是家中的裙腳仔、廢青,與他現實生活中的性格大不同,有指周嘉洛似足初出道的馬明,為人正面樸實,與台前幕後都保持非常好的關係,難怪被劇中阿媽滕麗名、公公劉丹及兩個阿姨(呂慧儀及蘇韻姿)錫到燶,鏡頭前後都似足一家人,雖然有指周嘉洛攞獎後被批評未夠資格,但他早已被高層點名是可造之材要力捧。知情者透露:「當家小生買少見少,個個紅咗彈起就有離心,嘉洛個底夠乾淨,似足馬明,一入行就簽無綫,咁快畀獎佢除咗因為套劇受歡迎之外,公司都要捧新血上位,揀都揀啲聽教聽話有潛質,嘉洛形象正面,仲被指有星爺影子,觀眾一定受落,佢同馬明一樣唔係行靚仔路線,有演技同入屋就得啦!」

周嘉洛
出道五年,周嘉洛出道初期演出機會唔算特別多,但 17年就執到支好籌加入《愛.回家》大家庭。
周嘉洛
成為電視台力捧小生後,在劇中佔戲甚重,日前在電視城開工,見他與台前幕後打成一片,人緣甚好。
周嘉洛
《愛.回家》中的安仔是大學生亦是廢青,劇中與一班大學線的兄弟「朱凌凌」吳偉豪和「阿壯」焦浩軒感情相當要好,早前他們一起拍在大學內的戲份,繼續搞笑。
周嘉洛
得獎時24 歲的周嘉洛,比馬國明後生廿二年,後者真係做到佢阿爸。
周嘉洛
二人同樣乖仔聽話,形象討好,不過周嘉洛比馬明更幸運,唔使捱廿年先攞獎。

最新吃喝玩樂資訊