譚俊彥
譚俊彥

譚俊彥童年被困狗籠 拒做嚴父 日日黐家變女兒奴

影視娛樂

廣告

譚俊彥三年前簽約無綫 開始電視台生涯,即可做男主角,演藝之路尚算順利。雖然行程緊湊,剛剛重拍完《法證先鋒IV》、新劇《十八年後的終極告白》又煞科,但譚俊彥依然日日黐家, 除咗跑步健身,全天候陪老婆湊仔女!

撰文:東方新地 圖片:新傳媒圖片、微博IG影片截圖

譚俊彥回流香港 簽約無綫即做男一

譚俊彥(Shaun)2000年入行,試過做歌手,又曾經 北上搵食,39歲的他三年前簽約無綫 開始電視台生涯,一簽約即有得做男一 連拍五劇,近日新劇《包青天再起風雲》正式出街,更一嘗相隔24年,與父 親狄龍挑戰同一角色獨特滋味! 人人北上搵真銀,唯獨譚俊彥回流香港,唔係嫌錢腥,而係成長經歷加多 年演員生涯認清目標,希望把家庭和兒 女放在第一位!剛剛重拍完《法證先鋒IV》,新劇《十八年後的終極告白》又 煞科,譚俊彥真係講到做到,日日黐家, 除咗跑步健身,全天候陪老婆湊仔女!

譚俊彥童年被狄龍困狗籠

譚俊彥四年前與內地舞台劇演員任祉妍結婚,先後誕下女兒 Renee同囝囝Rex湊成好字,為爭取更多家庭相聚時間、亦都為父母狄龍、 陶敏明更多機會享受湊孫樂,譚俊彥決定簽約無綫回港拍劇。頭頂星二代光 環,又被指機會多靠父蔭,譚俊彥否認之餘,亦曾在訪問中表示個人事業發 展父親從來沒有插手,相反父母都是圈中人,成長經歷父親經常缺席,錄影 無綫節目《爸爸的告白》更透露年幼時,狄龍為教仔曾經把他與惡犬共囚狗 籠半粒鐘作懲罰,經過多年,對兩父子來說依然是心中一道疤痕。

 

謝絕應酬家庭至上

如今譚俊彥長大成人,育有一對兒女,狄龍大哥從嚴父變成溺孫爺爺, 而譚俊彥就經常話要對一對仔女愛護有加、因才施教、不過度縱容以外,最 緊要都係教養親力親為,盡可能陪在兒女身邊長大。近日未有新劇開工,有 個短假放的譚俊彥就幾乎謝絕所有應酬,全天候留在旺角家中陪在家人身 邊。日前與太太計劃女兒Renee專屬日,更提早叫定父母來到家中幫手照顧 幼子才放心外出。兩公婆帶住囡囡先遊尖沙咀,再食個蘭州拉麵做晚餐,大 半日雖然消費不高睇多過買,不過見到Shaun一手搭住老婆慈愛目光則離不 開女兒,4歲Renee就去到邊都黐實爸爸笑逐顏開,溫馨又幸福。

譚俊彥自爆成長父母忙於工作、少見少溝通更試過被困入狗籠,成家立室後立志不會缺席兒女成長,每年又會帶埋父母一家六口外遊旅行,盡量彌補家庭時光。

 

 

 

 

 

 

 

烈日喪跑

除咗家庭樂時間,每日譚俊彥指定動 作係在寓所附近練跑,其中一日無懼 正午12點烈日當空,照跑成粒鐘。

與太太當年在內地拍劇相 識,拍拖結婚多年都係咁 恩愛,兩公婆背後仲有形 狀近似定情紋身。

 

 

最新吃喝玩樂資訊